ರಿಯಾಗೆ ಜಾಮೀನು ಸಿಕ್ಕಿರುವುದು ದೊಡ್ಡ ವಿಷಯವಲ್ಲ: ವಕೀಲ ವಿಕಾಸ್​ ಸಿಂಗ್​

ಮುಂಬೈ: ಬಾಲಿವುಡ್​ ನಟ ಸುಶಾಂಗ್​ ರಜಪೂತ್​​ ಆತ್ಮಹತ್ಯೆ ಹಾಗೂ ಡ್ರಗ್ಸ್​ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೈಲಿನಿಂದ ನಟಿ ರಿಯಾ ಚಕ್ರವರ್ತಿ ರಿಲೀಸ್​ ಆಗಿದ್ದಾರೆ. ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಸುಶಾಂತ್​ ಸಿಂಗ್​ ರಜಪೂತ್​ ತಂದೆ ಪರ ವಕೀಲ ವಿಕಾಸ್​ ಸಿಂಗ್​​ ಮಾತನಾಡಿದ್ದು, ರಿಯಾಗೆ ಜಾಮೀನು ಸಿಕ್ಕಿರುವುದು ದೊಡ್ಡ ವಿಷಯವೇ ಅಲ್ಲ. ಅವರಿಗೆ ಜಾಮೀನು ಸಿಕ್ಕಿರುವುದು ಮಾದಕ ವಸ್ತು ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಂದಿದ್ದು, ನಿಜವಾದ ಪ್ರಶ್ನೆಯೆಂದರೆ ಸುಶಾಂತ್​ಗೆ ತಿಳಿಯದ ರೀತಿಯಲ್ಲಿ ಡ್ರಗ್ಸ್​ ನೀಡಿರುವುದು ಎಂದಿದ್ದಾರೆ. ಇದರ ಬಗ್ಗೆ ಅವಳು ವೈದ್ಯರ ಮುಂದೆ ಏನು ಹೇಳಿದ್ದಾಳೆ. ಯಾರನ್ನು ಚಿಕಿತ್ಸೆಗಾಗಿ ಕರೆದೊಯ್ದಿದ್ದಳು ಎಂದು ಪ್ರಶ್ನಿಸಿದ್ದಾರೆ.