ಪೌರತ್ವ ತಿದ್ದುಪಡಿ ಕಾಯ್ದೆ ಜಾರಿ... ಭಾರತೀಯ ಪೌರತ್ವ ಪಡೆದುಕೊಳ್ಳುವ ಖುಷಿಯಲ್ಲಿ ಪಾಕ್​ ಮಹಿಳೆ!

ಬೋಲಂಗೀರ್​​​: ಕೇಂದ್ರ ಸರ್ಕಾರದ ಮಹತ್ವಕಾಂಕ್ಷೆಯ ಪೌರತ್ವ ತಿದ್ದುಪಡಿ ಕಾಯ್ದೆ ಜಾರಿಗೊಳ್ಳಲು ಕ್ಷಣಗಣನೆ ಆರಂಭಗೊಂಡಿದ್ದು, ಅದರ ವಿರುದ್ಧ ಅನೇಕ ರಾಜ್ಯಗಳಲ್ಲಿ ಬೃಹತ್​ ಪ್ರತಿಭಟನೆ ನಡೆಯುತ್ತಿದೆ. ಇದರ ಮಧ್ಯೆ ಪಾಕಿಸ್ತಾನದ ಮಹಿಳೆಯೋರ್ವಳು ಭಾರತೀಯ ಪೌರತ್ವ ಪಡೆದುಕೊಳ್ಳುವ ಸಂತಸದಲ್ಲಿದ್ದಾರೆ. ಕಳೆದ 30 ವರ್ಷಗಳಿಂದ ಭಾರತದಲ್ಲಿ ಜೀವನ ನಡೆಸುತ್ತಿರುವ ಶಾದರಾ ಸಿದ್ದವಾನಿ ಮೂಲತ ಪಾಕ್​ನವಳಾಗಿದ್ದು, ಆಕೆಯ ಬಳಿ ಪಾಕಿಸ್ತಾನದ ಪಾಸ್​ಪೋರ್ಟ್​ ಸಹ ಇದೆ. ಭಾರತದ ಮಹೇಶ್​ ಕುಮಾರ್​ ಜತೆ ವಿವಾಹವಾಗಿರುವ ಈಕೆ, ಪಾಕಿಸ್ತಾನದವಳು ಎಂಬ ವಿಷಯ ಮದುವೆ ಆದಮೇಲೆ ಗೊತ್ತಾಗಿದ್ದರಿಂದ ಆಕೆಗೆ ಇಲ್ಲಿಯವರೆಗೆ ಭಾರತೀಯ ಪೌರತ್ವ ಸಿಕ್ಕಿಲ್ಲ. ಇದೀಗ ಲೋಕಸಭೆ ಹಾಗೂ ರಾಜ್ಯಸಭೆಯಲ್ಲಿ ಪೌರತ್ವ ತಿದ್ದುಪಡಿ ಕಾಯ್ದೆ ಅನುಮೋದನೆಗೊಂಡಿರುವುದರಿಂದ ಈಕೆ ಸಂತೋಷಗೊಂಡಿದ್ದಾಳೆ.