ಮತ್ತೆ ನೆರವಿನ ಹಸ್ತ ಚಾಚಿದ ನಟ: ನಿರ್ಗತಿಕರಿಗೆ ಇ-ರಿಕ್ಷಾ ವಿತರಿಸಿದ ಸೋನು ಸೂದ್

ಮೊಗಾ (ಪಂಜಾಬ್​): ಕೊರೊನಾ ಸಾಂಕ್ರಾಮಿಕ ಆರಂಭದಿಂದಲೂ ಬಡವರ ಬೆನ್ನಲುಬಾಗಿ ನಿಂತಿರುವ ಬಾಲಿವುಡ್ ನಟ ಸೋನು ಸೂದ್ ಈಗ ಮತ್ತೊಮ್ಮೆ ನೆರವಿನ ಹಸ್ತ ಚಾಚಿದ್ದಾರೆ. ಪಂಜಾಬ್​ನ ಮೊಗಾ ಜಿಲ್ಲೆಯ ಎಂಟು ಮಂದಿ ನಿರ್ಗತಿಕರಿಗೆ ಇ-ರಿಕ್ಷಾಗಳನ್ನು ವಿತರಿಸಿದ್ದಾರೆ. ಈ ಸಂಬಂಧ ಈಟಿವಿ ಭಾರತದೊಂದಿಗೆ ಮಾತನಾಡಿದ ನಟ, ಇ-ರಿಕ್ಷಾಗಳ ಮೂಲಕ ಜನರಿಗೆ ಉದ್ಯೋಗ ದೊರೆಯುತ್ತದೆ. ಇನ್ನೂ ಕೆಲವರಿಗೆ ರಿಕ್ಷಾ ನೀಡಬೇಕೆಂದಿರುವೆ. ಅಗತ್ಯವಿರುವವರಿಗೆ ಪ್ರತಿಯೊಬ್ಬರೂ ತಮ್ಮ ಕೈಲಾದಷ್ಟು ಸಹಾಯ ಮಾಡಬೇಕು ಎಂದು ಮನವಿ ಮಾಡಿದರು.