ಇಷ್ಟಪಟ್ಟ ಹುಡುಗನನ್ನು ಮದುವೆಯಾಗಲು ಬಿಡದ ಅಮ್ಮ: ಹೋರ್ಡಿಂಗ್ಸ್ ಮೇಲೆ ಕುಳಿತು ಬಾಲಕಿ ರಂಪಾಟ

ಇಂದೋರ್​: ತಾನು ಇಷ್ಟಪಟ್ಟ ಹುಡುಗನೊಂದಿಗೆ ಮದುವೆ ಮಾಡಿಸಲು ಅಮ್ಮ ಒಪ್ಪದ್ದಕ್ಕೆ ಬಾಲಕಿವೋರ್ವಳು ರಸ್ತೆ ಮಧ್ಯದ ಹೋರ್ಡಿಂಗ್ಸ್ ಮೇಲೆ ಹತ್ತಿ ಕುಳಿತ ಘಟನೆ ಇಂದೋರ್​ನ ಪರ್ದೇಸಿಪುರ ಭಂಡಾರಿ ಸೇತುವೆ ಬಳಿ ನಡೆದಿದೆ. ಕೆಳಗಿಳಿಯುವಂತೆ ಹೇಳಿದರೂ ಕೇಳದೆ ಹಠ ಹಿಡಿದು ಕೂತಿದ್ದ ಬಾಲಕಿಗೆ ಆಕೆ ಮದುವೆಯಾಗಬೇಕೆಂದು ಬಯಸಿದ ಹುಡುಗನ ಮೂಲಕ ಮನವೊಲಿಸಿ ಕೆಳಗಿಳಿಸಲಾಯಿತು ಎಂದು ಪರ್ದೇಸಿಪುರ ಠಾಣಾಧಿಕಾರಿ ಅಶೋಕ್ ಪಾಟಿದಾರ್​ ತಿಳಿಸಿದ್ದಾರೆ.