ಹೈವೇಯಲ್ಲಿ ಕಾರಿನ ಟಾಪ್​ ಮೇಲೆ ನಿಂತು ಡ್ಯಾನ್ಸ್​ ಮಾಡುತ್ತ ಹುಚ್ಚಾಟ.. ವಿಡಿಯೋ ವೈರಲ್​

ಗಾಜಿಯಾಬಾದ್: ಇತ್ತೀಚಿನ ದಿನಗಳಲ್ಲಿ ಎಲ್ಲೆಂದರಲ್ಲಿ ಡ್ಯಾನ್ಸ್​, ಸ್ಟಂಟ್ಸ್ ಮಾಡುತ್ತ ವಿಡಿಯೋ ಮಾಡುವುದು ಸಾಮಾನ್ಯವಾದಂತಿದೆ. ಇಂತದ್ದೇ ಘಟನೆಯೊಂದು ಉತ್ತರ ಪ್ರದೇಶದ ಗಾಜಿಯಾಬಾದ್‌ನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದಿದೆ. ಯುವಕರ ಗುಂಪೊಂದು ಕಾರಿನ ಟಾಪ್​ ಮೇಲೆ ನಿಂತುಕೊಂಡು ಡ್ಯಾನ್ಸ್​ ಮಾಡುತ್ತ ಗಲಾಟೆ ಸೃಷ್ಟಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಆಕ್ರೋಶಕ್ಕೆ ಕಾರಣವಾಗಿದೆ. ರಾಷ್ಟ್ರೀಯ ಹೆದ್ದಾರಿ ತುಂಬಾ ಜನದಟ್ಟಣೆ ಇದ್ದರೂ ಕೂಡ ಯುವಕರು ಹುಚ್ಚಾಟ ಮೆರೆದಿದ್ದಾರೆ. ಎಲ್ಲರೂ ನಶೆಯಲ್ಲಿದ್ದರು ಎಂಬ ಆರೋಪ ಕೇಳಿ ಬಂದಿದೆ.