ಬೆಂಗಳೂರು: ಸದ್ಯ ದೇಶದಲ್ಲಿ ಉಸಿರಾಟದಿಂದ ಬಳಲುತ್ತಿರುವ ರೋಗಿಗಳ ಸಂಖ್ಯೆಯಲ್ಲಿ ಏರಿಕೆ ಕಂಡಿದೆ. ಅನೇಕರಲ್ಲಿ ಕೆಮ್ಮು, ಮೈ-ಕೈ ನೋವು, ಜ್ವರ, ಮತ್ತು ಗಂಟಲು ನೋವು ಸಾಮಾನ್ಯ ಲಕ್ಷಣಗಳು ಕಂಡು ಬರುತ್ತಿದ್ದು, ಇದು ಕೊರೊನಾ, ಇನ್ಫ್ಲುಯೆಂಜಾ ಅಥವಾ ಓಮ್ರಿಕಾನ್ನ ಎಂಬುದು ತಿಳಿಯದಾಗಿದೆ. ಕೊರೋನಾ ಜೊತೆ ಜೊತೆಯಲ್ಲಿ ಅನೇಕ ವೈರಸ್ಗಳ ದಾಳಿಗಳು ಆಗುತ್ತಿದ್ದು, ಅದೆಲ್ಲದರ ಲಕ್ಷಣಗಳು ಒಂದೇ ರೀತಿ ಇರುವ ಹಿನ್ನೆಲೆ ಜನ ಸಾಮಾನ್ಯರಲ್ಲೂ ತಮಗೆ ಏನು ಆಗಿದೆ ಎಂಬುದು ತಿಳಿಯದಂತೆ ಆಗಿದೆ.
ಉಸಿರಾಟದ ಮೇಲೆ ಪ್ರಭಾವ: ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ಅನುಸಾರ, ಕೋವಿಡ್ 19 ವೈರಸ್, ಹಂದಿ ಜ್ವರ ಮತ್ತು ಋತುಮಾನದ ವೈರಸ್ಗಳಾದ ವಿಕ್ಟೋರಿಯಾ ಮತ್ತು ಯಮಗಾಟ್ ತಳಿಗಳು ಉಸಿರಾಟದ ಸಮಸ್ಯೆ ಮೇಲೆ ಪ್ರಭಾವ ಬೀರುವ ಸಂಯೋಜನೆ ಹೊಂದಿದೆ. H3N2 ಮತ್ತು H3N1 ಈ ಎರಡು ವಿಧವೂ ಇನ್ಫ್ಲುಯೆಂಜಾ A ಸೋಂಕು ಆಗಿದ್ದು, ಇದನ್ನು ಜ್ವರದಿಂದ ಪತ್ತೆ ಮಾಡಲಾಗುವುದು. ಇದರ ಇನ್ನಿತರ ಸಾಮಾನ್ಯ ಲಕ್ಷಣಗಳಿಂದೆ ದೀರ್ಘಕಾಲದ ಜ್ವರ, ಕೆಮ್ಮು, ನೆಗಡಿ ಮತ್ತು ದೇಹದ ನೋವು ಆಗಿದೆ. ಆದರೆ, ಇದರಲ್ಲಿ ಅನೇಕ ಮಂದಿ ಉಸಿರಾಟದ ಸಮಸ್ಯೆ ಅನುಭವಿಸಿರುವುದು ಕಾಣಬಹುದಾಗಿದೆ.
ಇದರ ಜೊತೆಯಲ್ಲಿ ಸದ್ಯ ಕೋವಿಡ್ ಪ್ರಕರಣಗಳು ಕೂಡ ಹೆಚ್ಚುತ್ತಿದೆ. ನಾಲ್ಕು ತಿಂಗಳ ಬಳಿಕ ಒಂದೇ ದಿನದಲ್ಲಿ ದೇಶದಲ್ಲಿ 700 ಕೋವಿಡ್ ಪ್ರಕರಣಗಳು ಪತ್ತೆಯಾಗಿದ್ದು, ಸದ್ಯ ದೇಶದಲ್ಲಿ 4,623 ಪ್ರಕರಣಗಳಿವೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಗುರುವಾರ ವರದಿ ಪ್ರಕಟಿಸಿದೆ.
ವ್ಯತ್ಯಾಸ ತಿಳಿಯುವುದು ಕಷ್ಟ: ಆರೋಗ್ಯ ತಜ್ಞರು ಹೇಳುವ ಪ್ರಕಾರ ಈ ನಡುವಿನ ವ್ಯತ್ಯಾಸ ತಿಳಿಯುವುದು ಕಷ್ಟವಾಗಿದೆ. ಪ್ರಯೋಗಾಲಯ ಮಾತ್ರ ಇದರ ಪತ್ತೆ ಮಾಡಬಹುದಾಗಿದೆ. ನ್ಯಾಸೊಫರೆಂಜೆಲ್ ಸ್ವಾಬ್ ಮಾದರಿಯ ಕ್ಲಿನಿಕಲ್ ಪರೀಕ್ಷೆ ಮೂಲಕ ಇದರ ಸ್ಪಷ್ಟತೆಯನ್ನು ಪಡೆಯಬಹುದು. ರೋಗಿಯ ಲಕ್ಷಣ ಆಧಾರದ ಇದರ ನಡುವಿನ ಒಂದು ವ್ಯತ್ಯಾಸ ತಿಳಿಸಬೇಕು ಎಂದರೆ, ಕೋವಿಡ್ ಲಕ್ಷಣಗಳು 2-3 ದಿನ ಇರುತ್ತದೆ. ಯಾವುದೇ ಸಮಸ್ಯೆ, ಪ್ರಮುಖ ಚಿಕಿತ್ಸೆ ಇಲ್ಲದೇ ಚೇತರಿಕೆ ಕಾಣಬಹುದಾಗಿದೆ ಎಂದು ಎಚ್ಎನ್ ರಿಲಯನ್ಸ್ ಫೌಂಡೇಷನ್ ಹಾಸ್ಪಿಟಲ್ನ ಸಿನಿಯರ್ ಕನ್ಸ್ಲ್ಟೆಂಟ್ ಡಾ ಸಮರ್ಥ್ ಶಾ ತಿಳಿಸಿದ್ದಾರೆ.
H3N2 ಮತ್ತು H1N1ನಲ್ಲಿ ಕೆಮ್ಮು ವಾರಗಳ ಕಾಲ ಇರುತ್ತದೆ. ಜೊತೆಗೆ ನ್ಯೂಮೋನಿಯಾ ಮತ್ತು ಎರಡನೇ ಬ್ಯಾಕ್ಟೀರಿಯಲ್ ಸೋಂಕು ಸಂಭವಿಸುವ ಸಾಧ್ಯತೆ ಇರುತ್ತದೆ ಎಂದು ಶಾ ತಿಳಿಸಿದ್ದಾರೆ. H3N2 ಸೋಂಕಿನ ಪರಿಣಾಮ ಗಂಟಲು ಕೆರೆತ ಮತ್ತು ಧ್ವನಿಯಲ್ಲಿ ವ್ಯತ್ಯಾಸ ಕಂಡು ಬರುತ್ತದೆ. ಇದು ಎರಡು ಮೂರು ವಾರಗಳ ಕಾಲ ಕಾಣಬಹುದಾಗಿದೆ ಎಂದು ಎಸ್ಎಲ್ ರಹೆಜಾ ಆಸ್ಪತ್ರೆಯ ಕನ್ಸ್ಲ್ಟೆಂಟ್ ಡಾ ಸಂಜೀತ್ ಶ್ರೀಧರನ್ ತಿಳಿಸಿದ್ದಾರೆ. ಕೋವಿಡ್ 19 ಪತ್ತೆಯಾದವರಲ್ಲಿ ಸಾಮಾನ್ಯವಾಗಿ ಮೂಗು ಕಟ್ಟುವಿಕೆ ಮತ್ತು ಜ್ವರಗಳನ್ನು ಎರಡು ಮೂರು ದಿನಗಳವರೆಗೆ ಕಾಣಬಹುದು ಎಂದಿದ್ದಾರೆ.
ಮಾರಕವಲ್ಲ ಸೋಂಕು: ಇನ್ಫ್ಲುಯೆಂಜಾ ಮಾರಾಕವಲ್ಲ. ಆದರೆ, ಹೆಚ್ಚಿನ ಕಾಮೊರ್ಬಿಡ್ ಅಂಶವಿದ್ದರೆ ರೋಗದ ಸಾಧ್ಯತೆ ಹೆಚ್ಚಿದ್ದು, ಸಾವಿನ ಪ್ರಮಾಣ ಕಾಣಬಹುದು. ಮಕ್ಕಳು, ಶಿಶುಗಳು ಮತ್ತು 63 ವರ್ಷ ಮೇಲ್ಪಟ್ಟವರು, ಗರ್ಭಿಣಿಯರು ಎಚ್ಚರದಿಂದ ಇರಬೇಕು. ದೇಶದಲ್ಲಿ H3N2 ಪ್ರಕರಣಗಳ ಸಂಖ್ಯೆ ಇದೀಗ 9ಕ್ಕೆ ಮುಟ್ಟಿದೆ ಎಂದು ಆರೋಗ್ಯ ಇಲಾಖೆ ಪ್ರಕಟಿಸಿದ್ದು, ಸಾವಿನ ಸಂಖ್ಯೆ ಕುರಿತು ತಿಳಿಸಿಲ್ಲ.
ಸದ್ಯ ಋತುಮಾನ ಬದಲಾವಣೆ, ಮಾಲಿನ್ಯಗಳು ಕೂಡ ಸೋಂಕಿನ ರೂಪಾಂತರಕ್ಕೆ ಕಾರಣವಾಗಿದ್ದು, ಜನರಲ್ಲಿ ವೈರಸ್ ಸೋಂಕು ಹೆಚ್ಚಾಗಲೂ ಕೂಡ ಕಾಣವಾಗಿದೆ. ಇನ್ನು ಉಸಿರಾಟದ ಸಮಸ್ಯೆಯಲ್ಲಿ ಗಾಳಿಯ ಮಟ್ಟ, ಹೆಚ್ಚಿನ ಮಾಲಿನ್ಯ ಸೇವನೆ ಕೂಡ ಕಾರಣವಾಗುವುದು ಸುಳ್ಳಲ್ಲ. ಈ ನಡುವೆ ವೈರಸ್ ತಡೆಗಟ್ಟಲು ವರ್ಷಕ್ಕೆ ಒಮ್ಮೆ ಕ್ಯೂಡ್ರೈವಲೆಂಟ್ ಫ್ಲೂ ವಾಕ್ಸಿನ್ ಅನ್ನು ಕೂಡ ಪಡೆಯಬಹುದಾಗಿದೆ ಎಂದು ವೈದ್ಯ ಶಾ ತಿಳಿಸಿದ್ದಾರೆ. ಕೊರೊನಾ ಬಳಿಕ ವೈರಸ್ಗಳು ಹೆಚ್ಚಿರುವ ಹಿನ್ನಲೆ ಜನರು ಕೋವಿಡ್ ನಿಯಮಗಳಾದ ಮಾಸ್ಕ್ ಧರಿಸುವುದು, ಸ್ವಚ್ಛತೆ ಕಾಪಾಡುವುದು, ಜನಜಂಗುಳಿ ಸ್ಥಳಕ್ಕೆ ಭೇಟಿ ನೀಡದಿರುವುದು ಉತ್ತಮ ಎನ್ನುತ್ತಾರೆ.
ಇದನ್ನೂ ಓದಿ: ದೇಶದಲ್ಲಿ ಎಚ್3ಎನ್2 ವೈರಸ್ ಬಗ್ಗೆ ಭಯಬೇಡ, ಎಚ್ಚರಿಕೆ ಅಗತ್ಯ: ವೈದ್ಯರ ಸಲಹೆ
