ಹೈದರಾಬಾದ್: ಸಾಮಾನ್ಯ ಸಿಗರೇಟ್‌ಗಳಿಗೆ ಇ-ಸಿಗರೇಟ್ ಅಥವಾ ವೇಪ್‌ಗಳು ಉತ್ತಮ ಪರ್ಯಾಯ ಎಂದು ಆರಂಭದಲ್ಲಿ ನಂಬಲಾಗಿತ್ತು. ಸಿಗರೇಟ್‌ನಿಂದ ಉಂಟಾಗುವ ಹಾನಿಕಾರಕ ಪರಿಣಾಮಗಳಿಂದ ತಪ್ಪಿಸಿಕೊಳ್ಳಲು ವೇಪ್ಅನ್ನು ಬಳಸುವ ಅನೇಕ ಜನರಿದ್ದಾರೆ. ಆದರೆ ಅನೇಕ ವೈಜ್ಞಾನಿಕ ಅಧ್ಯಯನಗಳು ವ್ಯಾಪಿಂಗ್ ಸುರಕ್ಷಿತ ಪರ್ಯಾಯವಲ್ಲ ಎಂದು ತಿಳಿಸಿವೆ. ಬದಲಿಗೆ ಇದು ಸಿಗರೇಟಿನಂತೆಯೇ ಆರೋಗ್ಯಕ್ಕೆ ಹಾನಿಕಾರಕವೆಂದು ಹೇಳಿದೆ. ಧೂಮಪಾನಕ್ಕೆ ಪರ್ಯಾವಾಗಿ ಪ್ರಪಂಚದ ಅನೇಕ ಭಾಗಗಳಲ್ಲಿ ವ್ಯಾಪಿಂಗ್ ಜನಪ್ರಿಯವಾಗಿದೆ. ಇದನ್ನು ಹೆಚ್ಚು ಬಳಕೆ ಮಾಡಿದರೆ ಆರೋಗ್ಯದ ಮೇಲೆ ಹಾನಿಕಾರಕ ಪರಿಣಾಮಗಳನ್ನು ದೇಹದ ಮೇಲೆ ಬೀರುತ್ತದೆ ಎಂದು ನಿಮಗೆ ಗೊತ್ತಿರಲಿ.
ವೇಪ್ನ 5 ಅನಾನುಕೂಲಗಳನ್ನು ತಿಳಿಯೋಣ:
ಶ್ವಾಸಕೋಶಕ್ಕೆ ಹಾನಿ: ವೇಪ್ ಬಳಸಿ, ರಾಸಾಯನಿಕಗಳನ್ನು ಹೊಗೆಯ ಮೂಲಕ ಶ್ವಾಸಕೋಶಕ್ಕೆ ಎಳೆದುಕೊಳ್ಳುವುದು, ಶ್ವಾಸಕೋಶದ ಊತಕ್ಕೆ ಕಾರಣವಾಗುತ್ತದೆ. ನಂತರ ಶ್ವಾಸಕೋಶವನ್ನು ಸಂಪೂರ್ಣ ಹಾನಿಗೊಳಿಸುತ್ತದೆ. ಇದು ಬ್ರಾಂಕೈಟಿಸ್, ಆಸ್ತಮಾ ಮತ್ತು ಇತರ ಮಾರಣಾಂತಿಕ ಉಸಿರಾಟದ ಸಮಸ್ಯೆಗಳಿಗೆ ಪ್ರಮುಖ ಕಾರಣವಾಗಬಹುದು.
ಕ್ಯಾನ್ಸರ್ ಅಪಾಯ: ನಿಮ್ಮ ಆಹಾರ, ಜೀವನಶೈಲಿ ಮತ್ತು ನಿಮ್ಮ ಸುತ್ತಲಿನ ಮಾಲಿನ್ಯದ ಮಟ್ಟದಿಂದಾಗಿ ವ್ಯಾಪಿಂಗ್ ಹಾನಿಕಾರಕ ಅಪಾಯವನ್ನು ಹೆಚ್ಚಿಸುತ್ತದೆ. ದೀರ್ಘಕಾಲದ ವ್ಯಾಪಿಂಗ್ ದೇಹವು ಜೀವಾಣುಗಳು ಮತ್ತು ಅನೇಕ ಹಾನಿಕಾರಕ ರಾಸಾಯನಿಕಗಳನ್ನು ಸಂಗ್ರಹಿಸಲು ಕಾರಣವಾಗಬಹುದು. ವ್ಯಾಪಿಂಗ್ ಅಭ್ಯಾಸವು ಬಾಯಿ, ನಾಲಿಗೆ ಅಥವಾ ಗಂಟಲಿನ ಕ್ಯಾನ್ಸರ್ನ ಅಪಾಯವನ್ನು ಹೆಚ್ಚಿಸುತ್ತದೆ.
ನಿಕೋಟಿನ್ ವ್ಯಸನ: ಬಹುತೇಕ ಎಲ್ಲಾ ರೀತಿಯ ವೇಪ್ ಖಂಡಿತವಾಗಿಯೂ ನಿಕೋಟಿನ್ ಅನ್ನು ಹೊಂದಿರುತ್ತದೆ. ಇದು ವ್ಯಸನಕಾರಿ ಮತ್ತು ಹೃದಯದ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ನೀವು ಪ್ರತಿದಿನ ವ್ಯಾಪಿಂಗ್ ಮಾಡಿದರೆ ಅದು ನಿಮ್ಮನ್ನು ವ್ಯಸನಿಯನ್ನಾಗಿ ಮಾಡುತ್ತದೆ. ನಿಕೋಟಿನ್ ವ್ಯಸನವು ಆರೋಗ್ಯಕ್ಕೆ ತುಂಬಾ ಹಾನಿಕಾರಕ ಎಂದು ಸಾಬೀತಾಗಿದೆ.
ಪಾಪ್‌ಕಾರ್ನ್ ಶ್ವಾಸಕೋಶದ ಕಾಯಿಲೆ: ಕೆಲವು ವೇಪ್‌ಗಳಲ್ಲಿರುವ ಡಯಾಸೆಟೈಲ್ ಪಾಪ್‌ಕಾರ್ನ್ ಶ್ವಾಸಕೋಶದ ಕಾಯಿಲೆ ಎಂದು ಕರೆಯಲ್ಪಡುವ ಅಪರೂಪದ ಶ್ವಾಸಕೋಶದ ಸ್ಥಿತಿಗೆ ಸಂಬಂಧಿಸಿದೆ. ಉಸಿರಾಟದ ತೊಂದರೆ, ಉಬ್ಬಸ ಮತ್ತು ಎದೆಯಲ್ಲಿ ಬಿಗಿತದ ಭಾವನೆಯನ್ನು ಇದು ಉಂಟುಮಾಡುತ್ತದೆ. ಇದೆಕ್ಕೆ ಸರಿಯಾದ ಸಮಯದಲ್ಲಿ ಚಿಕಿತ್ಸೆ ನೀಡದಿದ್ದರೆ, ಈ ರೋಗಲಕ್ಷಣಗಳು ಉಲ್ಬಣಗೊಳ್ಳುತ್ತವೆ.
ಹೃದಯರಕ್ತನಾಳದ ಆರೋಗ್ಯಕ್ಕೆ ಹಾನಿ: ಹಲವಾರು ಅಧ್ಯಯನಗಳ ಫಲಿತಾಂಶಗಳುವ್ಯಾಪಿಂಗ್ ಹೃದ್ರೋಗದ ಅಪಾಯವನ್ನು ಹೆಚ್ಚಿಸಬಹುದು ಎಂದು ಕಳವಳ ವ್ಯಕ್ತಪಡಿಸಿವೆ. ದಿನನಿತ್ಯ ವ್ಯಾಪಿಂಗ್ ಮಾಡುವುದು ಹೃದಯಾಘಾತ, ಪಾರ್ಶ್ವವಾಯು ಮತ್ತು ಅಧಿಕ ರಕ್ತದೊತ್ತಡದ ಅಪಾಯವನ್ನು ಹೆಚ್ಚಿಸುತ್ತದೆ.
ವ್ಯಾಪಿಂಗ್ ಈ ಸಮಸ್ಯೆಗಳನ್ನೂ ಉಂಟುಮಾಡುತ್ತದೆ:
- ಜೆರೊಸ್ಟೊಮಿಯಾ.
- ಕೆಮ್ಮು.
- ತಲೆನೋವು.
- ವಾಕರಿಕೆ.
- ಉಸಿರಾಟದ ತೊಂದರೆ.
- ತಲೆತಿರುಗುವಿಕೆ.
- ಆಯಾಸ.
- ಎದೆ ನೋವು
ಹಾನಿಕಾರಕ ತಂಬಾಕು ಉತ್ಪನ್ನಗಳಿಗೆ ಪರ್ಯಾಯಗಳ ಬಗ್ಗೆ ಜಾಗೃತಿ ಮೂಡಿಸಲು, ಹಾನಿಯನ್ನು ಕಡಿಮೆ ಮಾಡಲು ಮೇ. 30 ರಂದು ವಿಶ್ವ ವೇಪ್ ದಿನವನ್ನು ಆಚರಿಸಲಾಗುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಆಚರಿಸುವ ವಿಶ್ವ ತಂಬಾಕು ರಹಿತ ದಿನದ (ಮೇ 31) ಹಿಂದಿನ ದಿನವನ್ನು ವಿಶ್ವ ವೇಪ್ ಡೇ (ಮೇ 30) ಆಚರಿಸಲಾಗುತ್ತದೆ. ವಿಶ್ವ ವೇಪರ್ಸ್ ಅಲೈಯನ್ಸ್ (WVA) ವಿಶ್ವ ವೇಪ್ ದಿನವನ್ನು ಆಚರಿಸುತ್ತದೆ. ಧೂಮಪಾನದ ವಿರುದ್ಧದ ಹೋರಾಟದಲ್ಲಿ ವಿಜಯವನ್ನು ಆಚರಿಸಲು ಪ್ರಪಂಚದಾದ್ಯಂತ ವ್ಯಾಪರ್‌ಗಳು ವಿಶ್ವ ವೇಪ್ ದಿನವನ್ನು ಆಚರಿಸುತ್ತಾರೆ. ಪ್ರಪಂಚದ ವಿವಿಧ ಭಾಗಗಳಲ್ಲಿ ಧೂಮಪಾನಕ್ಕಿಂತ ವ್ಯಾಪಿಂಗ್ ಅನ್ನು ಸುರಕ್ಷಿತವೆಂದು ಪರಿಗಣಿಸಲಾಗುತ್ತದೆ, ಆದರೆ ಅದರ ಹಾನಿಯನ್ನು ನಾವು ಮೊದಲು ತಿಳಿದುಕೊಳ್ಳುವುದು ಮುಖ್ಯ.
ಇದನ್ನೂ ಓದಿ:ಧರಿಸಬಹುದಾದ ಅಲ್ಟ್ರಾಸೌಂಡ್ ವ್ಯವಸ್ಥೆಯಿಂದ ಬಿಪಿ, ಹೃದಯ ಕಾರ್ಯಾಚರಣೆ ನಿರ್ವಹಣೆ
