ಹೈದರಾಬಾದ್: ಆರೋಗ್ಯದ ಕಾಳಜಿ ವಿಚಾರ ಇಂದು ಹೆಚ್ಚು ಪ್ರಾಬಲ್ಯದ ಕ್ಷೇತ್ರವಾಗಿದೆ. ಅನೇಕರು ತಮ್ಮ ಮೊಬೈಲ್ಗಳಲ್ಲಿ ಆರೋಗ್ಯದ ಕುರಿತ ಮಾಹಿತಿ ಸಂಗ್ರಹಕ್ಕೆ ಮುಂದಾಗುತ್ತಿದ್ದಾರೆ. ಈ ಹೆಲ್ತ್ಕೇರ್ ಮೊಬೈಲ್ ಆ್ಯಪ್ಗಳು ಇಂದು ಟ್ರೆಂಡ್ ಸೆಟ್ಟರ್‌ಗಳಾಗಿವೆ.
ಹೆಡ್ಸ್ಪೇಸ್: ಸಾಂಕ್ರಾಮಿಕತೆಯ ಬಳಿಕ ಒತ್ತಡ ಮತ್ತು ಆತಂಕ ಎಂಬೆರಡು ಅತ್ಯಂತ ಕಾಳಜಿಯ ವಿಚಾರವಾಗಿದೆ. ಇದಕ್ಕೆ ಧ್ಯಾನ ಎಂಬುದು ಪರಿಹಾರಾತ್ಮಕ ಚಿಕಿತ್ಸೆ. ಹೆಡ್ಸ್ಪೆಸ್ ಆ್ಯಪ್ ಈ ಧ್ಯಾನದ ಕುರಿತು ವೈಯಕ್ತಿಕ ಮಾರ್ಗದರ್ಶನ ನೀಡುತ್ತದೆ. ಉಸಿರಾಟದ ವ್ಯಾಯಾಮವೂ ಸೇರಿದಂತೆ ಸಂಪೂರ್ಣ ಧ್ಯಾನದಲ್ಲಿ ತೊಡಗಿಸಿಕೊಳ್ಳಲು ಸಹಾಯ ಮಾಡುತ್ತದೆ. ದೈನಂದಿನ ಧ್ಯಾನ, ನಿದ್ರಾ ಧ್ಯಾನ, ಒತ್ತಡ ಮತ್ತು ಖಿನ್ನತೆ ಮತ್ತು ಏಕಾಗ್ರತೆಗೆ ಇದು ಸಹಾಯಕ.
ಹೆಲ್ತ್ ಟಿಪ್: ಅಮೆರಿಕದ ಪ್ರಮಾಣಿತ ವೈದ್ಯರು ಕಡಿಮೆ ವೆಚ್ಚದಲ್ಲಿ ಪ್ರೀಮಿಯಮ್ ಸೇವೆ ನೀಡುತ್ತಾರೆ. ಇದು ರೋಗಿಗಳಿಗೆ ವೈದ್ಯರ ಜೊತೆಗೆ ಸಂಪರ್ಕ ಸಾಧಿಸಲು ಪ್ರೈಮರಿ ಕೇರ್ ವಿಡಿಯೋ ಅಪಾಯಿಟುಮೆಂಟ್ ನೀಡುತ್ತದೆ. ಇದರ ಹೊರತಾಗ ಆರೋಗ್ಯ ಸಂಬಂಧಿತ ಪ್ರಶ್ನಾವಳಿಗೆ ಉತ್ತರವನ್ನು ಇದರಲ್ಲಿ ಕಂಡುಕೊಳ್ಳಬಹುದು.
ಸ್ಲೀಪ್ ಸೈಕಲ್: ಸ್ಲೀಪ್ ಸೈಕಲ್ ಎಂಬುದು ಸ್ಮಾರ್ಟ್ ಅಲರಾಂನೊಂದಿಗೆ ನಿದ್ರೆಯನ್ನು ಪತ್ತೆ ಮಾಡುವ ಆ್ಯಪ್. ಇದೂ ಕೂಡ ಕಾಲ್ ಫೀಚರ್ನೊಂದಿಗೆ ನಿಧಾನ ಎಚ್ಚರ ವಿಧಾನ ಹೊಂದಿದೆ. ಅಲ್ಲದೇ ಪ್ರತಿನಿತ್ಯ ನಿಮ್ಮ ನಿದ್ರೆಯ ಮಾದರಿಯ ಪತ್ತೆಗೆ ಸಹಾಯಕ. ರಾತ್ರಿ ಉತ್ತಮ ನಿದ್ರೆಗೆ ಸಹಾಯ ಮಾಡುವ ಸಂಗೀತ ಮತ್ತು ಕಥೆಗಳ ಗ್ರಂಥಾಲಯವನ್ನು ಇದು ಹೊಂದಿದೆ.
ಮೈ ಪ್ಲೇಟ್: ಮೈ ಪ್ಲೇಟ್ ಎಂಬುದು ಆಹಾರದ ಮಾದರಿಯಲ್ಲಿ ಕ್ಯಾಲರಿ ಲೆಕ್ಕ ಹಾಕುವ ಜೊತೆಗೆ ಪೌಷ್ಟಿಕಾಂಶ, ಆಹಾರ ಮತ್ತು ಹೆಚ್ಚಿನ ನೀರಿನ ಸೇವನೆಗೆ ಸಹಾಯ ಮಾಡುತ್ತದೆ. ಇದರಲ್ಲಿ ಸಮೃದ್ಧ ಆಹಾರದ ದತ್ತಾಂಶಗಳನ್ನು ಪಡೆಯಬಹುದು. ಬಳಕೆದಾರರು ತಮ್ಮ ಕಸ್ಟಮೈಸ್ಡ್ ಆಹಾರದ ಪ್ಲಾನ್ ರೂಪಿಸಲಯ ಸಹಾಯ ಮಾಡುತ್ತದೆ. ಇದು ತೂಕ ನಿರ್ವಹಣೆ ಮತ್ತು ಪ್ರಗತಿಗೆ ಬೇಕಾಗಬಹುದು.
ಲೈಫ್ಸಮ್: ಇದೂ ಕೂಡ ನಿಮಗೆ ಸರಿಯಾದ ಡಯಟ್ ಪ್ಲಾನ್ ಆರಿಸಿಕೊಳ್ಳಲು ಸಹಾಯಕ. ಈ ಆ್ಯಪ್ ಕೂಡ ನಿಮ್ಮ ದೇಹದ ಕ್ಯಾಲರಿ ಲೆಕ್ಕ ಮತ್ತು ಆಹಾರ ಸೇವನೆ ಪತ್ತೆಗೆ ಸಹಾಯ ಮಾಡುತ್ತದೆ.
ಕೆಲವು ಆ್ಯಪ್ಗಳು ಉತ್ತಮ ತಂತ್ರಜ್ಞಾನದೊಂದಿಗೆ ಆರೋಗ್ಯ ಮಾಹಿತಿಯನ್ನು ಬಳಕೆ ಮಾಡುವಲ್ಲಿ ಅಸಾಧಾರಣವಾಗಿ ಕಾರ್ಯನಿರ್ವಹಣೆ ಮಾಡುತ್ತದೆ. ಸುಲಭ ಬಳಕೆ ಮತ್ತು ಗ್ರಾಹಕಸ್ನೇಹಿ ಯೋಜನೆಯನ್ನು ಇವು ರೂಪಿಸುತ್ತವೆ.
ಇದನ್ನೂ ಓದಿ: ಫಾರ್ಮಾ ಕ್ಷೇತ್ರದಲ್ಲಿ ಪ್ರಾಬಲ್ಯ ಸಾಧಿಸಲಿದೆ ಕೋಶ, ಜೀನ್ ಚಿಕಿತ್ಸೆ: ವರದಿ
