ಬೇಸಿಗೆಯಲ್ಲಿ ಕಾಡುವ ಎಣ್ಣೆ ಚರ್ಮ ಸಮಸ್ಯೆ: ಇಲ್ಲಿದೆ ಪರಿಹಾರ

ಬೇಸಿಗೆಯಲ್ಲಿ ಎಣ್ಣೆ ಚರ್ಮದವರು ಹೆಚ್ಚಿನ ಕಾಳಜಿವಹಿಸುವುದು ಅಗತ್ಯವಾಗಿದೆ. ಇನ್ನು ಬೇಸಿಗೆಯಲ್ಲಿ ಕಾಡುವ ಈ ಎಣ್ಣೆಯುಕ್ತ ಸಮಸ್ಯೆಗೆ ಪರಿಹಾರವೂ ಸರಳವಾಗಿದೆ.

ಹೈದರಾಬಾದ್​: ಬೇಸಿಗೆ ಸಮಯದಲ್ಲಿ ಎಣ್ಣೆಯುಕ್ತ ಚರ್ಮದವರು ಸಮಸ್ಯೆ ಅನುಭವಿಸುವುದು ಸಾಮಾನ್ಯ. ಅಧಿಕ ತಾಪಮಾನದಿಂದಾಗಿ ಎಣ್ಣೆ ಚರ್ಮದವರ ಮೇಕಪ್​ ನಿಮಿಷಗಳಲ್ಲೇ ಹಾಳಾಗುವುದು ಸಹಜ. ಇದರಿಂದ ಮುಖ ಡಲ್​ ಆಗಿ, ಜಿಗುಟಾಗಿ ಗೋಚರಿಸುತ್ತದೆ. ಈ ಹಿನ್ನಲೆ ಬೇಸಿಗೆಯಲ್ಲಿ ಎಣ್ಣೆ ಚರ್ಮದವರು ಹೆಚ್ಚಿನ ಕಾಳಜಿವಹಿಸುವುದು ಅಗತ್ಯವಾಗಿದೆ. ಇನ್ನು ಬೇಸಿಗೆಯಲ್ಲಿ ಕಾಡುವ ಈ ಎಣ್ಣೆಯುಕ್ತ ಸಮಸ್ಯೆಗೆ ಪರಿಹಾರವೂ ಸರಳವಾಗಿದೆ.

ಮುಖಕ್ಕೆ ಇರಲಿ ಕ್ಲೆನ್ಸಿಕ್​: ಸೂರ್ಯನ ಬಿಸಿಲಿಗೆ ಒಡ್ಡಿಕೊಂಡ ಬಳಿಕ ಎಲ್ಲ ಚರ್ಮ ಕಾಂತಿಯವರು ಮುಖವನ್ನು ಚೆನ್ನಾಗಿ ತೊಳೆಯುವುದು ಅವಶ್ಯ. ಅದರಲ್ಲೂ ಎಣ್ಣೆ ಚರ್ಮದವರು ಮುಖವನ್ನು ತಣ್ಣೀರಿನ ಬದಲಾಗಿ, ಕ್ಲೇನ್ಸಿಂಗ್​ ಹಾಲಿನಿಂದ ಸ್ವಚ್ಛಗೊಳಿಸುವುದುರಿಂದ ಉತ್ತಮ ಫಲಿತಾಂಶವನ್ನು ಪಡೆಯಬಹುದು.

ದೈನಂದಿನ ಸ್ಕಿನ್​ ಕೇರ್​ ದಿನಚರ ಕಡ್ಡಾಯವಾಗಿರಲಿ: ಚರ್ಮದ ಆರೈಕೆ ಸರಿಯಾಗಿ ನಡೆಸದ ಕಾರಣ ಮುಖ ಮಾಶ್ಚರೈಸರ್​ ಅನ್ನು ಕಳೆದುಕೊಳ್ಳುತ್ತದೆ. ಈ ಕಾರಣ ಬಿಸಿಗೆ ಹೋಗುವ ಮುನ್ನ ತಪ್ಪದೇ ಮಾಶ್ವರೈಸರ್​ ಮತ್ತು ಸನ್​ ಸ್ಕ್ರೀನ್​ ಅನ್ನು ಹಚ್ಚಬೇಕು. ಋತುಮಾನಗಳಿಗೆ ತಕ್ಕಂತೆ ಅಗತ್ಯವಾದ ಉತ್ಪನ್ನಗಳು ಬಳಕೆ ಮಾಡುವುದು ಅವಶ್ಯ. ಇಲ್ಲದೇ ಹೋದಲ್ಲಿ ಚರ್ಮ ಟಾನ್​ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಎಣ್ಣೆ ಹೀರುವ ಪೇಪರ್​ ಬಳಕೆ: ಅಗತ್ಯ ಕಾಳಜಿ ಬಳಿಕವೂ ನಿಮ್ಮ ತ್ವಚೆ ಎಣ್ಣೆಯುಕ್ತವಾಗುತ್ತಿದೆ ಎಂದು ಅನಿಸಿದರೆ, ಅದಕ್ಕೆ ನೀವು ಆಯಿಲ್​ ಬ್ಲಾಟಿಂಗ್​ ಪೇಪರ್​ (ಎಣ್ಣೆ ಹೀರುವ ಪೇಪರ್​) ಬಳಕೆ ಮಾಡಬಹುದು. ಇದನ್ನು ಸುಲಭವಾಗಿ ಸಿಗುವಂತೆ ಯಾವಾಗಲೂ ಬಳಕೆ ಮಾಡುವಂತೆ ನೋಡಿಕೊಳ್ಳಿ. ಇದರಿಂದ ಮುಖ ಎಣ್ಣೆ ಮುಕ್ತವಾಗಿ ತಾಜಾತನದಿಂದ ಕೂಡಿರುವಂತೆ ಕಾಣುತ್ತದೆ. ಅತಿ ಹೆಚ್ಚು ಈ ಪೇಪರ್​ಗಳ ಬಳಕೆ ಕೂಡ ಹಾನಿಕಾರಕ. ಇದು ಚರ್ಮದಲ್ಲಿನ ಎಲ್ಲ ಎಣ್ಣೆ ಅಂಶವನ್ನು ಹೀರಿಕೊಳ್ಳುವ ಸಾಧ್ಯತೆ ಇರುವುದರಿಂದ ಅಗತ್ಯಕ್ಕೆ ಅನುಗುಣವಾಗಿ ಬಳಕೆ ಮಾಡುವುದು ಉತ್ತಮ.

ಆಯಿಲ್​ ಆಧಾರಿತ ಮೇಕಪ್​ ಮೊರೆ: ಚರ್ಮದ ಗುಣಕ್ಕೆ ಅನುಗುಣವಾಗಿ ಮೇಕಪ್​ ವಸ್ತುಗಳನ್ನು ಆಯ್ಕೆ ಮಾಡುವುದು ಕೂಡ ಅಗತ್ಯ. ದೈನಂದಿನ ಮೇಕಪ್​ ಬಳಕೆಯಲ್ಲಿ ಎಣ್ಣೆಮುಕ್ತ ಉತ್ಪನ್ನಗಳನ್ನು ಆಯ್ಕೆ ಮಾಡುವುದುರಿಂದ ದೀರ್ಘಕಾಲದವರೆಗೆ ಈ ಸಮಸ್ಯೆಯಿಂದ ದೂರವಿರಬಹುದು. ಅಲ್ಲದೇ, ಇದರಿಂದ ಮೇಕಪ್​ ಕೂಡ ದೀರ್ಘವಾಗಿರುತ್ತದೆ

ಪೋಷಕಾಂಶ: ಬೇಸಿಗೆಯ ನಿಮ್ಮ ಡಯಟ್​​ನಲ್ಲಿ ಪೋಷಕಾಂಶಗಳು ಹೆಚ್ಚಾಗಿರುವಂತೆ ನೋಡಿಕೊಳ್ಳಿ. ಆರೋಗ್ಯದ ಜೊತೆಗೆ ಚರ್ಮದ ಕಾಂತಿಗೆ ಅನುಗುಣವಾದಂತಹ ಡಯಟ್​ ನಿಮ್ಮ ಸೌಂದರ್ಯ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದರಿಂದ ಎಣ್ಣೆಯುಕ್ತ ಚರ್ಮದ ಸಮಸ್ಯೆಯಿಂದ ಪಾರಾಗಬಹುದು.

ಮನೆಯಲ್ಲೇ ಪೇಸ್​ ಪ್ಯಾಕ್​ ತಯಾರಿಸಿ: ಚರ್ಮದ ಆರೋಗ್ಯಕ್ಕೆ ಕೆಲವು ಆರೋಗ್ಯಯುತ ಪ್ಯಾಕ್​ಗಳು ಅವಶ್ಯಕ. ಈ ಹಿನ್ನಲೆ ಮನೆಯಲ್ಲಿಯೇ ಇಂತಹ ಪ್ಯಾಕ್​ಗಳನ್ನು ಸುಲಭವಾಗಿ ತಯಾರಿಸಿ. ಬಾಳೆ ಹಣ್ಣಿನ ಸಿಪ್ಪೆಯನ್ನು ಹಾಲು ಮತ್ತು ಓಟ್ಸ್​ನೊಂದಿಗೆ ತಣ್ಣೀರಿನಲ್ಲಿ ಅರ್ಧ ಗಂಟೆಗಳ ಕಾಲ ನೆನೆಯಲು ಬಿಟ್ಟು ಬಳಿಕ ಇದನ್ನು ಅಚ್ಚಿ. ಇಲ್ಲ ಸೌತೆಕಾಯಿ, ನಿಂಬೆ ಮತ್ತು ಅದಕ್ಕೆ ಕೊಂಚ ಅರಿಶಿಣ ಸೇರಿಸಿ ಮುಖಕ್ಕೆ ಹಚ್ಚಿ 10- 15 ನಿಮಿಷ ಹಾಗೇ ಬಿಟ್ಟು ಬಳಿಕ ಮುಖ ತೊಳೆಯಿರಿ. ವಾರದಲ್ಲಿ ಎರಡೂ ರೀತಿ ಮಾಡುವುದರಿಂದ ತ್ವಚೆ ಕಾಂತಿ ಹೆಚ್ಚುತ್ತದೆ.

ಇದನ್ನೂ ಓದಿ: ಬೇಸಿಗೆಯ ಮುಂಜಾವಿನ ತಾಜಾ ಅನುಭವಕ್ಕೆ ಈ ಟೀಗಳನ್ನೊಮ್ಮೆ ಟ್ರೈ ಮಾಡಿ