ವರ್ಚುಯಲ್​ ರಿಯಾಲಿಟಿ ಸಮಸ್ಯೆಗಳಿಗೆ ಸಂತೋಷದಾಯಕ ಸಂಗೀತವೇ ಮದ್ದು

ಡಿಜಿಟಲ್​ ಬಳಕೆದಾರರಲ್ಲಿ ಈ ವರ್ಚುಯಲ್​ ರಿಯಾಲಿಟಿ ಸಮಸ್ಯೆಗಳು ಹೆಚ್ಚಾಗುತ್ತಿದೆ. ಇದರಿಂದ ತಲೆ ನೋವು, ತಲೆ ಸುತ್ತುವಿಕೆ ಸಮಸ್ಯೆ ಹೆಚ್ಚಾಗಿ ಕಾಡುತ್ತದೆ.

ವಾಷಿಂಗ್ಟನ್​: ವರ್ಚುಯಲ್​ ಜಗತ್ತಿನಲ್ಲಿ ನಾವು ಇಂದು ಕಳೆದು ಹೋಗಿದ್ದೇವೆ. ಅತಿಯಾದ ಡಿಜಿಟಲ್​ ಮಾಧ್ಯಮಗಳ ಬಳಕೆ ಗಂಭೀರ ಸಮಸ್ಯೆಗೂ ಕಾರಣ. ಇಂತಹ ವರ್ಚುಯಲ್​ ಸಮಸ್ಯೆಗಳಿಗೆ ಆಹ್ಲಾದಕರ ಸಂಗೀತವೇ ಮದ್ದು ಎಂದು ಅಧ್ಯಯನ ತಿಳಿಸಿದೆ. ಅಧ್ಯಯನ ಅನುಸಾರ, ಡಿಜಿಟಲ್​ ಗ್ಯಾಜೆಟ್​ಗಳ ಬಳಕೆ ಮಾಡಿದ ಬಳಿಕ ವರ್ಚುಯಲ್​ ರಿಯಾಲಿಟಿ ಬಳಕೆದಾರರು ತಲೆಸುತ್ತು, ವಾಕರಿಕೆ ಮತ್ತು ತಲೆ ನೋವು ಸಮಸ್ಯೆಗೆ ಒಳಗಾಗುತ್ತಾರೆ. ಇಂತಹ ವೇಳೆ ಸಂಗೀತ ಅವರಿಗೆ ಸಹಾಯಕವಾಗಲಿದೆ ಎಂದು ತಿಳಿಸಿದೆ.

ಸೈಬರ್​ ಸಿಕ್​ನೆಸ್​ಗೆ ಮದ್ದು: ಕಂಪ್ಯೂಟರ್​ ಆಟಗಳಂತರ ವರ್ಚುಯಲ್​ ರಿಯಾಲಿಟಿ ಅನುಭವಗಳಿಂದ ಉಂಟಾಗುವ ಸಮಸ್ಯೆಗಳನ್ನು ಸೈಬರ್​ ಸಿಕ್​ನೆಸ್​​ ಎನ್ನಲಾಗುವುದು. ಇದು ಇಂದು ಅನೇಕರನ್ನು ಕಾಡುತ್ತಿದೆ. ಸಂತೋಷದಾಯಕ ಸಂಗೀತದಲ್ಲಿ ಕೇಳುವಿಕೆಯಿಂದ ಉಂಟಾಗುವ ಆಹ್ಲಾದ ಅನುಭವದಿಂದ ಈ ಸಮಸ್ಯೆಗಳು ಗಮನಾರ್ಹವಾಗಿ ಕಡಿಮೆಯಾಗುತ್ತದೆ. ಮನಸನ್ನು ಇದು ಶಾಂತಗೊಳಿಸುತ್ತದೆ ಎಂದು ಅಧ್ಯಯನ ತಿಳಿಸಿದೆ.

ಈ ಸಂಬಂಧ ಎಡಿನ್​ ಬರ್ಗ್​​ ವಿಶ್ವವಿದ್ಯಾಲಯ 22ರಿಂದ 36 ವರ್ಷದ ವಯೋಮಾನದ 39 ಜನರ ಮೇಲೆ ಅಧ್ಯಯನ ನಡೆಸಿದೆ. ವರ್ಚುಯಲ್​ ರಿಯಾಲಿಟಿ ಪರಿಸರದಲ್ಲಿ ಇರುವ ಅವರ ಮೇಲೆ ಸಂಗೀತದ ಪರಿಣಾಮದ ಕುರಿತು ವಿಶ್ಲೇಷಣೆ ನಡೆಸಲಾಗಿದೆ. ಇದಕ್ಕಾಗಿ ಅನೇಕ ಪರೀಕ್ಷೆಗಳನ್ನು ನಡೆಸಲಾಗಿದೆ. ಸೈಬರ್​ ಸಿಕ್​ನೆಸ್​ಗೆ ಗುರಿಯಾಗುವವರ ಸ್ಮರಣೆ ಮತ್ತು ಕೌಶಲ್ಯಗಳ ವೇಗ ಮತ್ತು ಪ್ರತಿಕ್ರಿಯೆ ಮೇಲೆ ಪರಿಣಾಮ ನಿರ್ಣಯಿಸಲಾಗಿದೆ.