ಲಕ್ನೋ: ಅರಿವಿಗೆ ಬಾರದಂತೆ ಕುತ್ತಿಗೆ, ತೊಡೆಸಂಧಿ ಸೇರಿದಂತೆ ದೇಹದ ಹಲವೆಡೆ ಕಾಣುವ ನೋವುರಹಿತ ಗಡ್ಡೆಗಳು ಲಿಂಫಾಟಿಕ್ ಕ್ಯಾನ್ಸರ್ಗೆ ಕಾರಣವಾಗಬಹುದು ಎಂದು ವೈದ್ಯರು ಎಚ್ಚರಿಕೆ ನೀಡಿದ್ದಾರೆ. ಕಿಂಗ್ ಜಾರ್ಜ್ ಮೆಡಿಕಲ್ ಯುನಿವರ್ಸಿಟಿ (ಕೆಜಿಎಂಯು) ವೈದ್ಯಕೀಯ ತಜ್ಞರು ಈ ಕುರಿತು ಮಾಹಿತಿ ನೀಡಿದ್ದು, ಪರ್ಯಾಯ ಚಿಕಿತ್ಸೆಯ ಮೊರೆ ಹೋಗಬೇಡಿ ಎಂದು ಸಲಹೆ ನೀಡಿದ್ದಾರೆ.
ಲಿಂಫಾಟಿಕ್ ವ್ಯವಸ್ಥೆ ನಾಳಗಳ ಜಾಲವಾಗಿದ್ದು, ಸೋಂಕು ಮತ್ತು ರೋಗದ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಲಿಂಫಾ ಗಡ್ಡೆಗಳು ಸಣ್ಣದಾಗಿದ್ದು, ದೇಹದೆಲ್ಲೆಡೆ ಬೀನ್ ಆಕೃತಿಯ ಗಡ್ಡೆಯ ಟಿಶ್ಯೂಗಳನ್ನು ಕಾಣಬಹುದು. ದೇಹ ಸೋಂಕಿನ ವಿರುದ್ಧ ಹೋರಾಡುವಾಗ ಈ ಲಿಂಫಾಗಳು ಊದಿಕೊಳ್ಳುತ್ತವೆ. ಆದಾಗ್ಯೂ ಲಿಂಫಾ ನೋಡ್ಗಳು ಊತಗೊಂಡು ನೋವಿನ ಲಕ್ಷಣ ತೋರದಿದ್ದರೆ ಅದು ಕ್ಯಾನ್ಸರ್ ಅಪಾಯದ ಚಿಹ್ನೆ.
ಕೆಜಿಎಂಯುನ ಹೆಮಟೋಲಾಜಿ ವಿಭಾಗ ಮಾಜಿ ಮುಖ್ಯಸ್ಥ ಪ್ರೊ.ಎ.ಕೆ.ತ್ರಿಪಾಠಿ ತಿಳಿಸುವಂತೆ, ಈ ಸಮಸ್ಯೆ ಹೊಂದಿರುವ ಶೇ 90ರಷ್ಟು ಮಂದಿಯಲ್ಲಿ 20ರಿಂದ 25 ಮಂದಿ ಈ ಪರಿಸ್ಥಿತಿ ಅಭಿವೃದ್ಧಿ ಕಂಡ ಬಳಿಕ ಆಸ್ಪತ್ರೆಗೆ ಭೇಟಿ ನೀಡುವುದೇ ಹೆಚ್ಚು. ಅದರಲ್ಲೂ ಇವರು ಐದರಿಂದ ಆರು ತಿಂಗಳ ಕಾಲ ಪರ್ಯಾಯ ಚಿಕಿತ್ಸೆ ಮುಗಿಸಿ ಬರುತ್ತಾರೆ ಎಂದರು. ಈ ಸಮಸ್ಯೆ ಹೊಂದಿರುವ ರೋಗಿಗಳಲ್ಲಿ ಉಸಿರಾಟ ಸಮಸ್ಯೆ ಮತ್ತು ದಿಢೀರ್ ತೂಕ ನಷ್ಟ ಉಂಟಾಗುತ್ತದೆ. ಇಂತಹ ರೋಗಿಗಳ ನಿರ್ವಹಣೆ ಸವಾಲಿನ ಕೆಲಸ ಎಂದು ಅವರು ಹೇಳಿದರು.
ಸಂಜಯ್ ಗಾಂಧಿ ಇನ್ಸುಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ (ಎಸ್ಜಿಪಿಜಿಐಎಂಎಸ್) ಉಪನ್ಯಾಸಕ ಪ್ರೊ.ಸಂಜೀವ್ ವಿವರಿಸುವಂತೆ, ಬಹುತೇಕ ರೋಗಿಗಳು ಟ್ಯೂಬರ್ಕ್ಯೂಲೊಸಿಸ್ ಚಿಕಿತ್ಸೆ ಪಡೆದು ಇದರಿಂದ ಪರಿಹಾರ ಕಾಣದಿದ್ದಾಗ ಬರುತ್ತದೆ. ಒಂದು ವೇಳೆ ಇದು ಸುಧಾರಣೆ ಕಂಡುಬಂದಿಲ್ಲ ಎಂದರೆ ವೈದ್ಯರಿಂದ ಎರಡನೇ ಅಭಿಪ್ರಾಯ ಪಡೆಯಲು ಮುಂದಾಗಬೇಕು ಎಂದು ತಿಳಿಸಿದ್ದಾರೆ.
ಇದೇ ವೇಳೆ ಹೊಸ ಚಿಕಿತ್ಸೆಯೂ ಜೀನ್ ಎಡಿಟಿಂಗ್, ಆ್ಯಂಟಿಬೊಡಾ ಡ್ರಗ್ ಕಂಜುಗೇಟ್ (ಎಡಿಸಿ) ಮತ್ತು ಇಮ್ಯೂನು ಚೆಕ್ಪಾಯಿಂಟ್ ಇನ್ಹಿಬಿಟರ್ (ಐಸಿಐ) ಚಿಕಿತ್ಸೆಗಳು ಸಮಸ್ಯೆ ನಿವಾರಿಸುವಲ್ಲಿ ಸಹಾಯಕವಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಎಡಿಸಿ ಚಿಕಿತ್ಸೆಯನ್ನು ಕ್ಯಾನ್ಸರ್ ಕೋಶಗಳನ್ನು ಗುರಿಯಾಗಿಸಿಕೊಂಡು ನಿರ್ದಿಷ್ಟ ಚಿಕಿತ್ಸೆ ವಿನ್ಯಾಸ ಮಾಡಲಾಗಿದೆ. ಐಸಿಎಸ್ ಕ್ಯಾನ್ಸರ್ ಕೋಶಗಳನ್ನು ಗುರುತಿಸುವ ಮತ್ತು ದಾಳಿ ಮಾಡುವ ಪ್ರತಿರಕ್ಷಣಾ ವ್ಯವಸ್ಥೆಯ ಸಾಮರ್ಥ್ಯ ತಡೆಯುವ ತಡೆಯನ್ನು ತೆಗೆದು ಹಾಕಲು ಕಾರ್ಯ ನಿರ್ವಹಿಸುತ್ತದೆ. ಜೀನ್ ಎಡಿಟಿಂಗ್ ಕೂಡ ಪರಿಣಾಮಕಾರಿ ಚಿಕಿತ್ಸೆಯಾಗಿದ್ದು, ಉತ್ತಮ ಫಲಿತಾಂಶ ಹೊಂದಿದೆ ಎಂದಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಕೇರಳದಲ್ಲಿ ಮತ್ತೊಂದು ನಿಫಾ ಪ್ರಕರಣ.. ಸೋಂಕು ಪತ್ತೆಗೆ ಮೊಬೈಲ್ ವೈರಾಲಾಜಿ ಘಟಕಕ್ಕೆ ಚಾಲನೆ
