ನ್ಯೂಯಾರ್ಕ್: ಅಗಸೆ ಬೀಜಗಳನ್ನು ಸೇವಿಸುವುದರಿಂದ ಕರುಳಿನ ಬ್ಯಾಕ್ಟೀರಿಯಾಗಳನ್ನು ರೂಪಾಂತರಿಸಿ, ಸ್ತನ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಬಹುದಾಗಿದೆ ಎಂದು ಹೊಸ ಅಧ್ಯಯನ ತೋರಿಸಿದೆ.
ಜರ್ನಲ್ ಮೈಕ್ರೋ ಬಯೋಲಾಜಿ ಸ್ಪೆಕ್ಟ್ರಂನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಅಗಸೆ ಬೀಜದಲ್ಲಿನ ಲಿಗ್ನನ್ಸ್ಗಳು ಕರುಳಿನ ಸೂಕ್ಷ್ಮಾಣುಗಳು ಮತ್ತು ಮ್ಯಾಮರಿ ಗ್ಲಾಂಡ್ ಮೈಕ್ರೋಆರ್ಎನ್ಗಳ (ಎಂಐಎಆರ್ಎನ್ಎ) ನಡುವಿನ ಪ್ರಭಾವವನ್ನು ತಿಳಿಸಿದೆ.
ಸ್ತನ ಕ್ಯಾನ್ಸರ್ ಜೀನ್ಗಳನ್ನು ಈ ಎಂಐಆರ್ಎನ್ಎಗಳು ನಿಯಂತ್ರಿಸುತ್ತವೆ. ಇದು ವಲಸೆ ಮತ್ತು ನಿಯಂತ್ರಿತ ಕೋಶ ಪ್ರೊಲಿಫೆರೆಷನ್ ಜೀನ್ ಅನ್ನು ಹೊಂದಿರುತ್ತದೆ. ಜಠರ ಕರುಳಿನ ಸೂಕ್ಷ್ಮಾಣುಗಳು ಮಾನವ ದೇಹದಲ್ಲಿನ ಯಾವುದೇ ಡಯಟ್ ಸಂಯೋಜನೆಯನ್ನು ರೂಪಾಂತರಿಸುವಲ್ಲಿ ಪ್ರಮುಖ ಪಾತ್ರವನ್ನು ಹೊಂದಿದೆ ಎಂದು ಯುನಿವರ್ಸಿಟಿ ಆಫ್ ನೆಬ್ರಸ್ಕಾ-ಲಿಕಾಯಿನ್ನ ಅಸಿಸ್ಟಂಟ್ ಪ್ರೊ. ಜೆನ್ನಿಫರ್ ಔಚುಟುಂಗ್ ತಿಳಿಸಿದ್ದಾರೆ.
ಹೆಣ್ಣು ಇಲಿಗಳ ಮೇಲೆ ಅಧ್ಯಯನ: ಈ ಅಧ್ಯಯನದಲ್ಲಿ ಫ್ಲೆಕ್ಸ್ ಸೀಡ್ನಲ್ಲಿನ ಸಮೃದ್ಧ ಅಂಶಗಳು ಸ್ತನ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಲು ಮೈಕ್ರೋಬಯೋಟಾ ಮತ್ತು ಸಸ್ತನಿ ಗ್ರಂಥಿ ಎಂಐಎಆರ್ಎನ್ಎಗಳ ನಡುವಿನ ಸಂಬಂಧವನ್ನು ನಿರ್ವಹಿಸಬಹುದು ಎಂದು ನಿರ್ಧರಿಸಲಾಗಿದೆ. ಸಂಶೋಧಕರು ಹೆಣ್ಣು ಇಲಿಗಳಿಗೆ ಅಗಸೆ ಬೀಜದ ಲಿಗ್ನಾನ್ ಘಟಕಗಳನ್ನು ತಿನ್ನಿಸಿದರು, ಕರುಳಿನ ಸೆಕಲ್ ಮೈಕ್ರೋಬಯೋಟಾ ಪ್ರೊಫೈಲ್‌ಗಳು ಸಸ್ತನಿ ಗ್ರಂಥಿಯಲ್ಲಿನ ಮೈಆರ್‌ಎನ್‌ಎ ಅಭಿವ್ಯಕ್ತಿಗೆ ಸಂಬಂಧಿಸಿವೆ ಎಂಬುದನ್ನು ನಿರ್ಧರಿಸಿದ್ದಾರೆ.
ಹೆಣ್ಣು ಇಲಿಗಳ ಮೈಕ್ರೊಬಯೊಟೊ ಮತ್ತು ಲಿಗ್ನಾನ್ ಮೇಲೆ ಅಗಸೆ ಬೀಜದ ಪರಿಣಾಮ ಏನು ಎಂಬುದನ್ನು ಸಂಶೋಧಕರು ಅಧ್ಯಯನ ಮಾಡಿದ್ದಾರೆ.
ಲಿಗ್ನಾನ್ ಫೈಬರ್ ಸಂಬಂಧಿ ಅಂಶವೂ ಅನೇಕ ಆಹಾರದಲ್ಲಿ ಪತ್ತೆಯಾಗಿದೆ. ಸ್ತನ ಕ್ಯಾನ್ಸರ್ ಮೆನೊಪಸ್ ಬಳಿಕ ಮಹಿಳೆಯರಲ್ಲಿ ಸಾವಿಗೆ ಕಾರಣವಾಗುತ್ತಿರುವ ಕ್ಯಾನ್ಸರ್ ಆಗಿದೆ.
ಅಗಸೆ ಬೀಜದ ಎಣ್ಣೆ ಲಿಗ್ನಾನ್‌ಗೆ ಜೈವಿಕ ಕ್ರಿಯಾಶೀಲ ಮೆಟಾಬಾಲೈಟ್‌ಗಳನ್ನು ಬಿಡುಗಡೆ ಮಾಡಲು ಸೂಕ್ಷ್ಮಜೀವಿಯ ಸಂಸ್ಕರಣೆಯ ಅಗತ್ಯವಿರುತ್ತದೆ, ಚಯಾಪಚಯ ಕ್ರಿಯೆಯ ಸಮಯದಲ್ಲಿ ಉತ್ಪತ್ತಿಯಾಗುವ ಸಣ್ಣ-ಅಣು ರಾಸಾಯನಿಕಗಳು ರೋಗದ ಮೇಲೆ ಪ್ರಭಾವ ಬೀರುತ್ತವೆ. ಈ ಸಂದರ್ಭದಲ್ಲಿ ಆಂಟಿಟ್ಯೂಮರ್ ಪರಿಣಾಮಗಳನ್ನು ಹೊಂದಿರುತ್ತದೆ. ಈ ಫಲಿತಾಂಶಗಳು ದೃಢವಾದರೇ ಮೈಕ್ರೋಬಯೊ ಡಯಟ್ ಮಧ್ಯಸ್ಥಿಕೆಯೊಂದಿಗೆ ಸ್ತನ ಕ್ಯಾನ್ಸರ್ ತಡೆಯುವ ಹೊಸ ಟಾರ್ಗೆಟ್ ಆಗಿದೆ ಎಂದು ಟೊರೊಂಟೊ ಯುನಿವರ್ಸಿಟಿಯ ಅಸಿಸ್ಟಂಟ್ ಪ್ರೊಫೆಸರ್ ಎಲೆನಾ ಎಂ ಕೊಮೆಲಿ ತಿಳಿಸಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಚಳಿಗಾಲದಲ್ಲಿ ನಿಮ್ಮ ರೋಗ ನಿರೋಧಕ ಶಕ್ತಿ ವೃದ್ಧಿಗೆ ಬೇಕು ಈ ವಿಟಮಿನ್ಗಳು
