ನ್ಯೂ ಯಾರ್ಕ್: ಅಕಾಲಿಕ ಸಾವು ತಡೆಯುವಲ್ಲಿ ನಡಿಗೆ ಪ್ರಮುಖ ಪಾತ್ರವಹಿಸುತ್ತದೆ. ವಾರದಲ್ಲಿ 8000 ನಡಿಗೆ ಅಂದರೆ ನಾಲ್ಕು ಮೈಲಿ ದೂರ ನಡೆಯುವುದರಿಂದ ಅಕಾಲಿಕ ಸಾವು ತಡೆಯಬಹುದು ಎಂದು ಹೊಸ ಅಧ್ಯಯನ ತಿಳಿಸಿದೆ. ನಿಯಮಿತ ವ್ಯಾಯಾಮದ ವಾಕಿಂಗ್ನಂತಹ ಅಭ್ಯಾಸಗಳಿಂದ ಅಕಾಲಿಕ ಸಾವಿನ ಅಪಾಯ ತಡೆಯಬಹುದು ಎಂದು ಜಾಮಾ ನೆಟ್ವರ್ಕ್ ಜರ್ನಲ್ನಲ್ಲಿ ಪ್ರಕಟಿಸಲಾಗಿದೆ. ವಾರದಲ್ಲಿನ ಒಂದು ಅಥವಾ ಎರಡು ದಿನಗಳ ಬಿರುಸಿನ ನಡಿಗೆ ಯಾವ ರೀತಿ ಆರೋಗ್ಯ ಪ್ರಯೋಜನ ಹೊಂದಿದೆ ಎಂದು ತಿಳಿಸಿದೆ.
8 ಸಾವಿರ ನಡಿಗೆ: ವಾರದಲ್ಲಿ ಒಂದೆರಡು ದಿನ 8 ಸಾವಿರ ನಡಿಗೆಯನ್ನು ನಡೆದವರು, ಈ ರೀತಿ ಅಭ್ಯಾಸ ಹೊಂದಿಲ್ಲದವರಿಗಿಂತ 10 ವರ್ಷಗಳ ಕಾಲ ಹೆಚ್ಚು ಜೀವಿಸಿರುವುದು ಅಧ್ಯಯನ ಫಲಿತಾಂಶದಿಂದ ತಿಳಿದು ಬಂದಿದೆ. ಅದರಲ್ಲೂ ವಾರದಲ್ಲಿ ಏಳು ದಿನಗಳ ಕಾಲ 8 ಸಾವಿರ ನಡಿಗೆ ಅಭ್ಯಾಸ ಹೊಂದಿರುವವರ ಶೇ 16.5ರಷ್ಟು ಕಡಿಮೆ ಸಾವಿನ ಅಪಾಯ ಹೊಂದಿದ್ದಾರೆ. ಈ ಅಧ್ಯಯನಕ್ಕಾಗಿ ಶೇ 65 ಮತ್ತು ಅದಕ್ಕಿಂತ ಹೆಚ್ಚಿನ ವಯೋಮಾನದವರನ್ನು ಅಧ್ಯಯನಕ್ಕೆ ಒಳಪಡಿಸಿಕೊಳ್ಳಲಾಗಿದೆ.
ವಾರದಲ್ಲಿನ ದಿನಗಳ ಸಂಖ್ಯೆಗೆ ಅನುಗುಣವಾಗಿ 8000 ನಡಿಗೆಯು ಹೃದಯ ಸಂಬಂಧಿ ಸಾವು ಸೇರಿದಂತೆ ಇನ್ನಿತರ ಕಾರಣದ ಸಾವಿನ ಅಪಾಯ ಕಡಿಮೆ ಮಾಡುವುದರೊಂದಿಗೆ ಸಂಬಂಧ ಹೊಂದಿದೆ ಎಂದು ಜಪಾನ್ನ ಕ್ಯೊಟೊ ವಿಶ್ವವಿದ್ಯಾಲಯ ಮತ್ತು ಅಮೆರಿಕದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲ ತಿಳಿಸಿದೆ. ವಾರದಲ್ಲಿ ಒಂದೆರಡು ದಿನ ವಾಕ್ ಮಾಡುವುದರಿಂದಲೂ ಸಾಕಷ್ಟು ಪ್ರಯೋಜನವಿದೆ ಎಂದು ಅಧ್ಯಯನ ಫಲಿತಾಂಶ ತಿಳಿಸಿದೆ.
10 ವರ್ಷಗಳ ಕಾಲ ಅಧ್ಯಯನ: ಈ ಅಧ್ಯಯನಕ್ಕಾಗಿ ತಂಡ 3,100 ಜನರ ದೈನಂದಿನ ನಡಿಗೆ ಲೆಕ್ಕಾಚಾರ ನಡೆಸಿತು. 2005ರಿಂದ 2006ರವರೆಗೆ ಹತ್ತು ವರ್ಷಗಳ ಕಾಲ ಮರಣದ ದತ್ತಾಂಶವನ್ನು ಪರಿಶೀಲನೆ ಮಾಡಲಾಗಿದೆ. ಈ ಭಾಗಿದಾರರಲ್ಲಿ 632 ಮಂದಿ ವಾರದಲ್ಲಿ ಯಾವ ದಿನವೂ 8000 ನಡಿಗೆಯ ಅಭ್ಯಾಸವನ್ನು ಮಾಡುಲ್ಲ. 532 ಮಂದಿ ವಾರದಲ್ಲಿ ಒಂದು ಎರಡು ದಿನ ನಡಿಗೆ ಅಭ್ಯಾಸ ಮಾಡಿದ್ದಾರೆ. ಉಳಿದ 1,937 ಮಂದಿ ವಾರದ ಏಳು ದಿನ 8000 ನಡಿಗೆ ಅಭ್ಯಾಸ ನಡೆಸಿದ್ದಾರೆ.
ಬಿರುಸಿನ ನಡಿಗೆಯಿಂದ ಹಲವು ಪ್ರಯೋಜನ: ಮಾಯೊ ಕ್ಲಿನಿಕ್ ಅನುಸಾರ, ಪ್ರತಿನಿತ್ಯದ ವಾಕಿಂಗ್ ಚಟುವಟಿಕೆಗಳಿಂದ ಹೃದಯ ಸಮಸ್ಯೆ, ಬೊಜ್ಜಯ, ಡಯಾಬೀಟಿಸ್, ಅಧಿಕ ರಕ್ತದೊತ್ತಡ ಮತ್ತು ಖಿನ್ನತೆ ಅಪಾಯ ನಿರ್ವಹಣೆಗೆ ಸಹಕಾರಿಯಾಗಿದೆ. ಬಿರುಸಿನ ನಡಿಗೆ, ಡ್ಯಾನ್ಸಿಂಗ್, ಬೈಕ್ ರೈಡಿಂಗ್, ಟೆನ್ನಿಸ್ ಆಟ ಅಥವಾ ಹೈಕಿಂಗ್ ಮಾಡುವುದರಿಂದ ಹೃದಯ ಸಂಬಂಧಿ ರೋಗ, ಪಾರ್ಶ್ವವಾಯು, ಕ್ಯಾನ್ಸರ್ ಸೇರಿದಂತೆ ಇನ್ನಿತರ ಸಮಸ್ಯೆಗಳಿಂದ ಉಂಟಾಗುವ ಅವಧಿ ಪೂರ್ವ ಸಾವು ತಡೆಯಬಹುದು. ಮಧ್ಯಮ- ತೀವ್ರತೆಯ ದೈಹಿಕ ಚಟುವಟಿಕೆಗಳಿಂದಾಗಿ ಉತ್ತಮ ಫಲಿತಾಂಶಗಳನ್ನು ಕಾಣಬಹುದಾಗಿದೆ. ಕೆಲವು ದೈಹಿಕ ಚಟುವಟಿಕೆಯಲ್ಲಿ ರೂಢಿಸಿಕೊಳ್ಳಿವುದು ಉತ್ತಮ ಎಂದು ಈಗಾಗಲೇ ಹಲವು ಅಧ್ಯಯನಗಳು ತೋರಿಸಿದೆ.
ಇದನ್ನೂ ಓದಿ: ಪುರುಷರಿಗಿಂತ ಮಹಿಳೆಯರಲ್ಲೇ ಹೃದಯಾಘಾತ ಹೆಚ್ಚಂತೆ! ಕಾರಣವೇನು?
