ಮಿದುಳು ಮತ್ತು ಬೆನ್ನುಹುರಿ ನಡುವೆ ಸಂಪರ್ಕ ಸಾಧಿಸಲು ಸಹಾಯ ಮಾಡುತ್ತದೆ ಈ ವೈರ್​ಲೆಸ್​ ಡಿಜಿಟಲ್​ ಬ್ರಿಡ್ಜ್​

ಅಪಘಾತದಿಂದ ಮಿದುಳು ಬೆನ್ನುಹುರಿ ಸಂಪರ್ಕ ಕಳೆದುಕೊಂಡು ಪಾರ್ಶ್ವವಾಯುಗೆ ತುತ್ತಾದವರು ಮತ್ತೆ ಚಲನೆ ಮಾಡಲು ಸಹಾಯ ಮಾಡುತ್ತದೆ ಈ ವೈರ್​ಲೆಸ್​ ಡಿಜಿಟಲ್​ ಬ್ರಿಡ್ಜ್​

ನವದೆಹಲಿ: ವೈರ್​ಲೆಸ್​ ಡಿಜಿಟಲ್​ ಬ್ರಿಡ್ಜ್​ ಮೂಲಕವಾಗಿ ಮಿದುಳು ಮತ್ತು ಬೆನ್ನುಹುರಿ ನಡುವಿನ ಸಂಪರ್ಕವನ್ನು ಮತ್ತೆ ಸಾಧಿಸಬಹುದು ಎಂದು ನರ ವಿಜ್ಞಾನಿಗಳು ಮತ್ತು ನರಶಸ್ತ್ರಚಿಕಿತ್ಸಾಕಾರರು ತಿಳಿಸಿದ್ದಾರೆ. ಇದರಿಂದ ಪಾರ್ಶ್ವಾವಾಯು ಪೀಡಿತರು ಮತ್ತೆ ನಡೆಯಲು ಸಾಧ್ಯ ಎಂದು ತಿಳಿಸಿದ್ದಾರೆ ಎಂದು ಜರ್ನಲ್​ ನೇಚರ್​ನಲ್ಲಿ ಪ್ರಕಟಿಸಲಾಗಿದೆ.

ಬ್ರೈನ್​-ಕಂಪ್ಯೂಟರ್​ ಇಂಟರ್​ಫೇಸ್​ (ಬಿಸಿಐ) ಬಳಕೆ ಮಾಡಿಕೊಂಡು ಮಿದುಳು ಮತ್ತು ಬೆನ್ನು ಹುರಿ ನಡುವೆ ನಾವು ವೈರ್​ಲೆಸ್​ ಇಂಟರ್​ಫೇಸ್​ ಸೃಷ್ಟಿಸಿದ್ದೇವೆ. ಇದು ಆಲೋಚನೆಯನ್ನು ಕ್ರಿಯೆಯಾಗಿ ಪರಿವರ್ತಿಸುತ್ತದೆ ಎಂದು ಅಧ್ಯಯನಕಾರ ಗ್ರಗೊಯಿಯನ್​ ಕಾರ್ಟೊಐನ್​ ತಿಳಿಸಿದ್ದಾರೆ.

40 ವರ್ಷದ ಗ್ರೆಟ್​-ಜನ್​ ಸೈಕಲ್​ ಅಪಘಾತಕ್ಕೆ ಒಳಗಾಗಿದ್ದು, ಅವರ ಬೆನ್ನುಹುರಿ ಗಾಯಗೊಂಡಿದ್ದು, ಪಾಶ್ವವಾಯುಗೆ ತುತ್ತಾಗಿದ್ದರು. ಅವರ ಡಿಜಿಟಲ್​ ಬ್ರಿಡ್ಜ್​​ ಅನ್ನು ಅಳವಡಿಸುವ ಮೂಲಕ ತಮ್ಮ ಪಾಶ್ವಾವಾಯುಗೆ ತುತ್ತಾಗಿದ್ದ ಕಾಲಿನ ಚಲನೆಯನ್ನು ನೈಸರ್ಗಿಕವಾಗಿ ನಿಯಂತ್ರಣಕ್ಕೆ ತರಲಾಗಿದೆ. ಈ ಮೂಲಕ ಅವರು ಎದ್ದು ನಿಂತು ನಡೆಯಲು, ಮೆಟ್ಟಿಲನ್ನು ಹತ್ತುವ ಸಾಮರ್ಥ್ಯ ಹೆಚ್ಚಿಸಲಾಯಿತು. ಈ ಮೊದಲು ಸ್ನೇಹಿತರ ಸಹಾಯದಿಂದ ಮೆಟ್ಟಿಲು ಏರಿ- ಇಳಿಯುತ್ತಿದ್ದಾಗ ಅನುಭವಿಸಿದ ನೋವಿಗೆ ಹೋಲಿಕೆ ಮಾಡಿದಾಗ, ಈ ಸರಳ ಒತ್ತಡವು ತಮ್ಮ ಜೀವನದಲ್ಲಿ ಹೆಚ್ಚಿನ ಬದಲಾವಣೆ ತಂದಿದೆ ಎಂದು ಅವರು ಹೇಳಿದ್ದಾರೆ.

ಈ ಡಿಜಿಟಲ್​ ಬ್ರಿಡ್ಜ್​ ಅನ್ನು ಸ್ಥಾಪಿಸಲು, ಎರಡು ರೀತಿಯ ಎಲೆಕ್ಟ್ರಾನಿಕ್​​ ಅಳವಡಿಕೆ ಸಾಧನ ಅವಶ್ಯವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ನಾವು WIMAGINE ಸಾಧನವನ್ನು ಮಿದುಳಿನ ಮೇಲ್ಬಾಗದ ಪ್ರದೇಶದಲ್ಲಿ ಅಳವಡಿಸಿದೆವು. ಇದರಿಂದ ಕಾಲಿನ ಚಲನೆಯನ್ನು ನಿಯಂತ್ರಣ ಮಾಡಲು ಸಾಧ್ಯಾವಾಯಿತು ಎಂದು ನರಶಸ್ತ್ರಚಿಕಿತ್ಸಕ ಜೊಸೆಲ್ಯೆನ್​ ಬ್ಲೊಚ್​ ತಿಳಿಸಿದ್ದಾರೆ.

WIMAGINE ಸಾಧನವನ್ನು ಫ್ರೆಂಚ್​ ಅಲ್ಟರ್ನೆಟಿವ್​ ಎನರ್ಜಿಸ್​ ಮತ್ತು ಅಟೊನೊಮಿ ಎನರ್ಜಿ ಕಮಿಷನ್​ (ಸಿಇಎ) ಅಭಿವೃದ್ಧಿ ಪಡಸಿದೆ. ಫ್ರೆಂಚ್ ರಿಪಬ್ಲಿಕ್​​ ಸರ್ಕಾರದ ಈ ಸಂಘಟನೆಗೆ ಹಣಕಾಸಿನ ಸಹಾಯ ಒದಗಿಸಿದ್ದು, ನಡೆದಾಡುವಾಗ ಮಿದುಳಿನಲ್ಲಿ ಉಂಟಾಗುವ ಎಲೆಕ್ಟ್ರಾನಿಕ್​ ಸಿಗ್ನಲ್​ಗಳನ್ನು ಡಿಕೋಡ್​​ ಮಾಡಲು ಅವಕಾಶ ನೀಡಿತು ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ಅಡಾಪ್ಟಿವ್​​ ಕೃತಕ ಬದ್ಧಿಮತ್ತೆ ಮಾದರಿಗಳನ್ನು ಅಳವಡಿಸಿ ಈ ಯಶಸ್ವಿ ಪ್ರಯೋಗ ಮಾಡಲಾಗಿದೆ. ಚಲನೆಗಳ ಉದ್ದೇಶವನ್ನು ಸರಿಯಾದ ಸಮಯದಲ್ಲಿ ಡಿಕೋಡ್​ ಮಾಡುವ ಮೂಲಕ ಮಿದುಳಿ ಚಲನವಲನ ಹಾಗೂ ಸಂಜ್ಞೆಗಳನ್ನು ರೆಕಾರ್ಡಿಂಗ್​ ಮಾಡಲಾಗಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ಬೆನ್ನು ಹುರಿಗೆ ವಿದ್ಯುತ್​ ಪ್ರಚೋದನೆಗೆ ಒಳಪಡಿಸಿ ಪರೀಕ್ಷಿಸಲಾಗಿದೆ. ಈ ಮೂಲಕ ಕಾಲಿನ ಸ್ನಾಯುಗಳನ್ನು ಕ್ರಿಯಾ ಶೀಲ ಮಾಡುವ ಮೂಲಕ ಅವರ ನಡೆದಾಡುವ ಸಾಧನೆ ಮಾಡಬಹುದು ಎಂಬುದನ್ನು ಈ ಮೂಲಕ ಕಂಡುಕೊಳ್ಳಲಾಗಿದೆ. ಈ ಡಿಜಿಟಲ್​ ಬ್ರಿಡ್ಜ್​ಗಳು ವೈರ್​ಲೆಸ್​ಗಳಾಗಿ ಕಾರ್ಯ ನಿರ್ವಹಿಸುವ ಮೂಲಕ ರೋಗಿಗಳು ಸ್ವತಂತ್ರವಾಗಿ ಚಲನೆ ಮಾಡಲು ಅವಕಾಶ ನೀಡಲಾಗುವುದು.

ಸದ್ಯ ಈ ಹಂತದಲ್ಲಿ ಒಬ್ಬ ವ್ಯಕ್ತಿಗೆ ಮಾತ್ರ ಈ ಡಿಜಿಟಲ್​ ಬ್ರಿಡ್ಜ್​ ಅನ್ನು ಬಳಕೆ ಮಾಡಲಾಗಿದೆ. ತೋಳು ಮತ್ತು ಕೈ ಕಾರ್ಯಗಳನ್ನು ಪುನಃಸ್ಥಾಪಿಸಲು ಹೋಲಿಸಬಹುದಾದ ತಂತ್ರವನ್ನು ಬಳಸಬಹುದು. ಪಾರ್ಶ್ವ ವಾಯುವಿನ ಪಾರ್ಶ್ವವಾಯು ಮುಂತಾದ ಇತರ ಕ್ಲಿನಿಕಲ್ ಸೂಚನೆಗಳಿಗೆ ಡಿಜಿಟಲ್ ಸೇತುವೆಯನ್ನು ಅನ್ವಯಿಸಬಹುದು ಎಂದು ಅವರು ಹೇಳಿದರು.

ಇದನ್ನೂ ಓದಿ: ಅಧಿಕ ರಕ್ತದೊತ್ತಡ ವಿರುದ್ಧ ಅಕ್ಯುಪಂಕ್ಚರ್ ಕಾರ್ಯ ನಿರ್ವಹಣೆ ಹೇಗೆ?​​