ವಾಷಿಂಗ್ಟನ್: ಎಲೆಕ್ಟ್ರಿಕ್ ಸ್ಕೂಟರ್ ಹೆಚ್ಚು ಜನಪ್ರಿಯವಾಗುತ್ತಿದ್ದು, ಮಕ್ಕಳು ಮತ್ತು ಯುವಜನತೆ ಶೇ 71ರಷ್ಟು ಗಾಯಗಳಿಗೆ ಒಳಗಾಗುವ ಸಾಧ್ಯತೆ ಇದೆ. ಹೆಲ್ಮೆಟ್ ಧರಿಸುವುದರಿಂದ ತಲೆಗೆ ಆಗುವ ಗಾಯಗಳನ್ನು ತಪ್ಪಿಸಬಹುದು ಎಂದು ಭಾರತೀಯ ಮೂಲದ ವಿಜ್ಞಾನಿಗಳು ನಡೆಸಿದ ಸಂಶೋಧನೆಗಳು ತಿಳಿಸಿವೆ.
ಎರಡು ವರ್ಷ ನಡೆಸಿದ ಈ ಅಧ್ಯಯನದಲ್ಲಿ ಅಮೆರಿಕದ ತುರ್ತು ಚಿಕಿತ್ಸಾ ವಿಭಾಗದಲ್ಲಿ ಇ ಸ್ಕೂಟರ್ನಿಂದ 13,557 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿ ಮಾಡಿದೆ.
ಇನ್ನು, 2021ರಲ್ಲಿ 8,545 ಮಂದಿ ಗಾಯದ ಸಮಸ್ಯೆಗೆ ಒಳಗಾದರೆ 2020ರಲ್ಲಿ ಶೇ 5,012 ಮಂದಿ ಗಾಯಗೊಂಡಿದ್ದಾರೆ. ಒಂದೇ ವರ್ಷಕ್ಕೆ ಗಾಯಗೊಂಡವರ ಸಂಖ್ಯೆ ಶೇ 71ರಷ್ಟು ಅಧಿಕವಾಗಿದೆ ಎಂದು ವರದಿಯಾಗಿದೆ. ಇನ್ನು ಅಪಘಾತದಲ್ಲಿ ಸಾಮಾನ್ಯವಾಗಿ ಮೂಳೆ ಮುರಿತ ಮತ್ತು ತಲೆಗೆ ಹೆಚ್ಚು ಪೆಟ್ಟಾದ ವರದಿ ಆಗಿದೆ.
ಹೆಚ್ಚು ಮಕ್ಕಳು ಮತ್ತು ಯುವ ಜನತೆ ಇ ಸ್ಕೂಟರ್ ಬಳಕೆ ಮಾಡುವುದರಿಂದ ಸುರಕ್ಷತೆ ನಿಯಮವನ್ನು ಪಾಲಿಸುವುದು ಅಗತ್ಯ. ಸವಾರರು ಹೆಲ್ಮೆಟ್ ಬಳಕೆ ಮಾಡುವುದರಿಂದ ತಲೆಗೆ ಆಗುವ ಗಾಯಗಳಿಂದ ಪಾರಾಗಬಹುದು. ಸರಿಯಾದ ಮೂಲಸೌಕರ್ಯ ಅಭಿವೃದ್ಧಿ, ಸ್ಕೂಟರ್ ಲೇನ್ಗಳನ್ನು ಮಾಡುವುದು ಕೂಡ ಮುಖ್ಯವಾಗಿದೆ ಎಂದು ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದ ಪೆರೆಲ್‌ಮನ್ ಸ್ಕೂಲ್ ಆಫ್ ಮೆಡಿಸಿನ್‌ನ ವೈದ್ಯಕೀಯ ವಿದ್ಯಾರ್ಥಿನಿ ರಾಧಿಕಾ ಗುಪ್ತಾ ತಿಳಿಸಿದ್ದಾರೆ.
ಇನ್ನು ಹೆಲ್ಮೆಟ್ ಬಳಕೆ ಅಪಘಾತ ಪ್ರಕರಣದಲ್ಲಿ ಶೇ 32 ಮಂದಿ ಹೆಲ್ಮೆಟ್ ಧರಿಸಿ ಗಾಯಗೊಂಡಿರುವ ವರದಿ ಆಗಿದೆ. ತಲೆಗೆ ಗಾಯಗೊಂಡವರಲ್ಲಿ ಶೇ 67ರಷ್ಟು ಹೆಲ್ಮೆಟ್ ಧರಿಸಿಲ್ಲ. ಶೇ 15ರಷ್ಟು ಮಂದಿ ಮೋಟಾರ್ ವಾಹನದ ಗಾಯಕ್ಕೆ ಒಳಗಾದರೆ, ಶೇ 10ರಷ್ಟು ಮಂದಿ ಗುಂಡಿ, ಪಾಥ್ ಹೋಲ್ಗಳಿಂದ ಗಾಯಗೊಂಡಿದ್ದಾರೆ. ಹದಿಹರೆಯದ ಮತ್ತು ಮಕ್ಕಳು ಹೆಚ್ಚಾಗಿ ಇ-ಸ್ಕೂಟರ್ ಬಳಕೆ ಮಾಡುತ್ತಿದ್ದು, ವೈದ್ಯರು, ನಿಯಮ ರೂಪಕರು ತಮ್ತು ಸಂಶೋಧಕರು ಒಟ್ಟಾಗಿ ಸವಾರರ ಸುರಕ್ಷ ನಿಯಮ ಮತ್ತು ಸರಿಯಾದ ಮೂಲ ಸೌಲಭ್ಯಗಳನ್ನು ಜಾರಿಗೆ ತರಲು ಕೆಲಸ ಮಾಡಬೇಕಿದೆ ಎಂದಿದ್ದಾರೆ.
2023ರ ಎಎಪಿ ರಾಷ್ಟ್ರೀಯ ಸಮ್ಮೇಳನ ಮತ್ತು ಪ್ರದರ್ಶನದಲ್ಲಿ ಈ ಕುರಿತು ತಿಳಿಸಿರುವ ಸಂಶೋಧಕರು ಹದಿಹರೆಯದ ಹುಡುಗರು ಹೆಚ್ಚಿನ ಗಾಯಗಳಿಗೆ ಒಳಗಾಗುವುದಾಗಿ ಪತ್ತೆಯಾಗಿದೆ.
ಇ ಸ್ಕೂಟರ್ ಸವಾರರು ಹೆಲ್ಮೆಟ್ ಬಳಕೆಯನ್ನು ಉತ್ತೇಜಿಸುವ ಅಗತ್ಯವನ್ನು ಸಂಶೋಧನೆ ಒತ್ತಿ ಹೇಳಿದೆ. ಮೋಟಾರು ವಾಹನ ಚಾಲಕರು ಸುರಕ್ಷಿತ ಅಂತರ ಪಾಲಿಸುವ ಕುರಿತು ಶಿಕ್ಷಣವನ್ನು ನೀಡಬೇಕಿದೆ ಎಂದು ಫಿಲಡೆಲ್ಫಿಯಾದ ಚಿಲ್ಡ್ರನ್ಸ್ ಹಾಸ್ಪಿಟಲ್‌ನಲ್ಲಿ ಪೀಡಿಯಾಟ್ರಿಕ್ ಟಾಡ್ ಲಾರೆನ್ಸ್ ಹೇಳಿದರು. (ಐಎಎನ್ಎಸ್)
ಇದನ್ನೂ ಓದಿ: ಸಾಫ್ಟ್ ಡ್ರಿಂಕ್ಸ್ ಇಷ್ಟವೇ? ಹೆಚ್ಚು ಕುಡೀತೀರಾ? ಹಾಗಿದ್ದರೆ, ಒಮ್ಮೆ ಮೂಳೆ ಪರೀಕ್ಷೆ ಮಾಡಿಸಿ!
