ಮಂಗಳೂರು ಬಾಂಬ್​ ಎಫೆಕ್ಟ್​​: ನಾರಾಯಣಪುರ ಜಲಾಶಯಕ್ಕೆ ಪೊಲೀಸ್​​​ ಬಿಗಿ ಬಂದೋಬಸ್ತ್

ಮಂಗಳೂರಿನಲ್ಲಿ ಬಾಂಬ್ ಪತ್ತೆಯಾದ ಪ್ರಕರಣದ ಹಿನ್ನೆಲೆ, ಜಿಲ್ಲೆಯ ಅತಿಸೂಕ್ಷ್ಮ ಪ್ರದೇಶವಾದ ನಾರಾಯಣಪುರ ಬಸವಸಾಗರ ಜಲಾಶಯಕ್ಕೆ ವ್ಯಾಪಕ ಪೊಲೀಸ್​​​ ಬಂದೋಬಸ್ತ್​ ಒದಗಿಸಲಾಗಿದೆ.

ಯಾದಗಿರಿ: ಮಂಗಳೂರಿನಲ್ಲಿ ಬಾಂಬ್ ಪತ್ತೆಯಾದ ಪ್ರಕರಣದ ಹಿನ್ನೆಲೆ, ಜಿಲ್ಲೆಯ ಅತಿಸೂಕ್ಷ್ಮ ಪ್ರದೇಶವಾದ ನಾರಾಯಣಪುರ ಬಸವಸಾಗರ ಜಲಾಶಯಕ್ಕೆ ವ್ಯಾಪಕ ಪೊಲೀಸ್​​ ಬಂದೋಬಸ್ತ್​​ ಒದಗಿಸಲಾಗಿದೆ.

ಈಗಾಗಲೇ ಜಿಲ್ಲಾದ್ಯಂತ ಪೊಲೀಸ್​​ ಇಲಾಖೆ ಹೈ ಅಲರ್ಟ್ ಘೋಷಣೆ ಮಾಡಲಾಗಿದ್ದು, ಜಿಲ್ಲೆಯ ಹುಣಸಗಿ ತಾಲೂಕಿನ ನಾರಾಯಣಪುರ ಗ್ರಾಮದ ಬಳಿ ಇರುವ ಅತಿಸೂಕ್ಷ್ಮ ಪ್ರದೇಶವಾದ ಬಸವಸಾಗರ ಜಲಾಶಯಕ್ಕೆ ಭೀತಿ ಹಿನ್ನೆಲೆ ಪೊಲೀಸ್​​ ಭದ್ರತೆ ಒದಗಿಸಲಾಗಿದೆ. ಬಸವಸಾಗರ ಜಲಾಶಯವು ಯಾದಗಿರಿ, ವಿಜಯಪುರ, ರಾಯಚೂರು ಜಿಲ್ಲೆ ವ್ಯಾಪ್ತಿಗೆ ಬರುವುದಾಗಿದ್ದು ಮೂರು ಜಿಲ್ಲೆಗಳ ಪೊಲೀಸ್​ ಇಲಾಖೆಯಿಂದ 15ಕ್ಕೂ ಹೆಚ್ಚು ಪೊಲೀಸರನ್ನ ನಿಯೋಜನೆ ಮಾಡಲಾಗಿದೆ.

ಹೈ ಅಲರ್ಟ್​​ ಹಿನ್ನೆಲೆ ಡ್ಯಾಂಗೆ ಖಾಸಗಿ ಸೆಕ್ಯುರಿಟಿ ಗಾರ್ಡ್​ಗಳನ್ನ ಅಳವಡಿಸಲಾಗಿದ್ದು, ಡ್ಯಾಮ್ ಗೆ ಬರುವ ಜನರಲ್ಲಿ ಸಂಶಯಾಸ್ಪದ ವ್ಯಕ್ತಿಗಳ ಮೇಲೆ ತೀವ್ರ ನಿಗಾ ವಹಿಸಲು ಜಿಲ್ಲಾ ಪೊಲೀಸ್​​​ ವರಿಷ್ಠಾಧಿಕಾರಿ ಋಷಿಕೇಶ ಭಗವಾನ್​ ಸೋನಾವನೆ ತಮ್ಮ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.