ಯಾದಗಿರಿ: ತಾಲೂಕಿನ ಚಿಗನೂರು ಗ್ರಾಮದಲ್ಲಿ ಅನುಮಾನಾಸ್ಪದ ರೀತಿಯಲ್ಲಿ ಅಕ್ಕಿ ವ್ಯಾಪಾರಿ ಕುಷಿಕುಮಾರ್ (55) ಎಂಬುವರ ಶವ ಪತ್ತೆಯಾಗಿದೆ.
ನಗರದಲ್ಲಿ ವಾಸವಾಗಿದ್ದ ಕುಷಿಕುಮಾರ್, ಅಕ್ಕಿ ವ್ಯಾಪಾರದ ಜೊತೆಗೆ 30 ಎಕರೆ ಕಬ್ಬಿನ ಜಮೀನನ್ನು ಗುತ್ತಿಗೆಗೆ ಪಡೆದಿದ್ದರು. ಗಂಜ್ನಲ್ಲಿರುವ ತಮ್ಮ ಅಂಗಡಿಗೆ ಭಾನುವಾರ ಸಂಜೆ 7:30ಕ್ಕೆ ಬಂದಿದ್ದರು. ಆದರೆ ಸೋಮವಾರ ಬೆಳಗ್ಗೆ ಶವವಾಗಿ ಪತ್ತೆಯಾಗಿದ್ದಾರೆ.
ಅನುಮಾನಾಸ್ಪದ ರೀತಿಯಲ್ಲಿ ಶವ ಪತ್ತೆ
ಕುಟುಂಬಸ್ಥರು ಕುಷಿಕುಮಾರ್ ಅವರನ್ನು ಯಾರೋ ಕೊಲೆ ಮಾಡಿದ್ದಾರೆ ಎಂಬ ಶಂಕೆ ವ್ಯಕ್ತಪಡಿಸಿದ್ದಾರೆ. ಸ್ಥಳಕ್ಕೆ ಯಾದಗಿರಿ ಗ್ರಾಮೀಣ ಠಾಣೆಯ ಸಿಪಿಐ ದೀಪಕ್ ರೆಡ್ಡಿ, ಪ್ರೊಬೆಷನರಿ ಪಿಎಸ್ಐ ರೇಣುಕಾ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಯಾದಗಿರಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
