ಕೊರೊನಾ ತಡೆಗೆ ಸ್ಯಾನಿಟೈಸರ್​, ಬ್ಲೀಚಿಂಗ್​ ಮೊರೆ ಹೋದ ಸುರಪುರ ನಗರಸಭೆ

ಸುರಪುರದಲ್ಲಿ ಕೊರೊನಾ ನಿರ್ಮೂಲನೆಗಾಗಿ ಇಡೀ ನಗರದಾದ್ಯಂತ ಬ್ಲೀಚಿಂಗ್ ಸಿಂಪಡಣೆ ಮಾಡಲಾಗುತ್ತಿದೆ.

ಸುರಪುರ: ಕೊರೊನಾ ವೈರಸ್ ನಿರ್ಮೂಲನೆಗಾಗಿ ಸುರಪುರ ನಗರದಲ್ಲಿ ಸ್ಯಾನಿಟೈಸರ್​ ಹಾಗೂ ಬ್ಲೀಚಿಂಗ್​ ಸಿಂಪಡಣೆ ಮಾಡಲಾಗಿದೆ.

ಕೊರೊನಾ ವೈರಸ್ ಹರಡುವುದನ್ನು ತಡೆಗಟ್ಟಲು ಮುಂಜಾಗ್ರತೆ ವಹಿಸಿರುವ ಸುರಪುರ ನಗರಸಭೆ ಇಡೀ ನಗರದಾದ್ಯಂತ ಸ್ಯಾನಿಟೈಸರ್ ಮತ್ತು ಬ್ಲೀಚಿಂಗ್ ಪೌಡರ್ ಸಿಂಪಡಣೆ ಆರಂಭಿಸಿದೆ.

ಈ ಕುರಿತು ಪರಿಸರ ಅಭಿಯಂತರ ಸುನೀಲ್ ಮಾತನಾಡಿ, ನಗರದ 28 ವಾರ್ಡ್‌ಗಳಲ್ಲಿಯೂ ಸ್ಯಾನಿಟೈಸರ್​ ಸಿಂಪಡಿಸಲಾಗುತ್ತಿದೆ. ಸಾರ್ವಜನಿಕರು ತಮ್ಮ ಮನೆಗಳ ಬಳಿ ಸಿಂಪಡಿಸುವಾಗ ಸಹಕರಿಸುವಂತೆ ಕೋರಿದ್ದಾರೆ.