ಯಾದಗಿರಿ: ಮೂರು ಜನ ಕೊರೊನಾ ವಾರಿಯರ್ಸ್​ಗೆ ಕೊರೊನಾ ಸೋಂಕು

ಯಾದಗಿರಿ ಜಿಲ್ಲೆಯಲ್ಲಿ ಕೊರೊನಾ ವಾರಿಯರ್ಸ್​ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಮೂವರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ.

ಯಾದಗಿರಿ: ಇಷ್ಟು ದಿನ ಮಹಾರಾಷ್ಟ್ರದಿಂದ ಜಿಲ್ಲೆಗೆ ವಾಪಸ್ ಆದ ವಲಸಿಗರಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಮಹಾಮಾರಿ ಕೊರೊನಾ ವೈರಸ್, ಇದೀಗ ಮೂರು ಜನ ಕೊರೊನಾ ವಾರಿಯರ್ಸ್​ಗೆ ವಕ್ಕರಿಸಿದೆ.

ಯಾದಗಿರಿ ನಗರದ ಕಂಟೈನ್​ಮೆಂಟ್​ ಝೋನ್ ನಲ್ಲಿ ಕೆಲಸ ಮಾಡಿದ ಅಂಗನವಾಡಿ ಸಹಾಯಕಿ ಸೇರಿದಂತೆ ಹೋಮ್ ಕ್ವಾರಂಟೈನ್​ನಲ್ಲಿದ್ದ ವಲಸೆ ಕಾರ್ಮಿಕರ ಸ್ಥಳದಲ್ಲಿ ಕರ್ತವ್ಯ ನಿರ್ವಹಿಸಿದ್ದ ಇಬ್ಬರು ಅಂಗನವಾಡಿ ಕಾರ್ಯಕರ್ತೆಯರಿಗೆ ಈಗ ಸೋಂಕು ದೃಢಪಟ್ಟಿದೆ.

ಆರೋಗ್ಯ ಇಲಾಖೆ ಗುರುವಾರ ಬಿಡುಗಡೆ ಮಾಡಿದ ಹೆಲ್ತ್ ಬುಲೆಟಿನ್ ನಲ್ಲಿ ಈ ಮೂರು ಜನರಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದೆ. ದುಕನವಾಡಿ ಕಂಟೈನ್​ಮೆಂಟ್​ ಝೋನ್ ಅಂಗನವಾಡಿ ಸಹಾಯಕಿ ಪಿ 7894 ಜೊತೆಗೆ ಜಿಲ್ಲೆಯ ಸುರಪುರ ತಾಲೂಕಿನ ದಿವಳಗುಡ್ಡ ಗ್ರಾಮದಲ್ಲಿ ಹೋಮ್ ಕ್ವಾರಂಟೈನ್​ ಆಗಿದ್ದ ಮಹರಾಷ್ಟ್ರದ ವಲಸಿಗರ ಸ್ಥಳದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಪಿ 7895 ಮತ್ತು ಪಿ ನಂ 7896 ಅಂಗನವಾಡಿ ಕರ್ಯಕರ್ತೆಯರಿಗೆ ಕಿಲ್ಲರ್ ಕೊರೊನಾ ವಕ್ಕರಿಸಿದೆ.

ಇದೀಗ ಸೋಂಕು ತಗುಲಿದವರೊಂದಿಗೆ ಪ್ರಾಥಮಿಕ ಸಂಪರ್ಕದಲ್ಲಿದ್ದವರ ಪತ್ತೆ ಹಚ್ಚುವ ಕಾರ್ಯದಲ್ಲಿ ಜಿಲ್ಲಾಡಳಿತ ತೊಡಗಿದೆ.