ಅಪರಿಚಿತ ಹುಡುಗಿ ಮಾತು ಕೇಳಿ ಮರುಳಾಗ್ಬೇಡಿ.. ಯಾದಗಿರಿಯಲ್ಲಿ ಹನಿ ಟ್ರ್ಯಾಪ್ ಬ್ಲ್ಯಾಕ್​ ಮೇಲರ್​ಗಳು ಅಂದರ್​

ರಾಜ್ಯದಲ್ಲಿ ಹನಿ ಟ್ರ್ಯಾಪ್ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಈಗ ಮತ್ತೆ ಯಾದಗಿರಿ ಜಿಲ್ಲೆಯಲ್ಲಿ ಮತ್ತೆ ಅದೇ ಪ್ರಕರಣದ ಮೇಲೆ ಆರೋಪಿಗಳನ್ನು ಬಂಧಿಸಲಾಗಿದೆ.

ಯಾದಗಿರಿ : ಹುಡುಗಿಯರನ್ನ ಮುಂದಿಟ್ಟುಕೊಂಡು ಹನಿ ಟ್ರ್ಯಾಪ್ ನಡೆಸುತ್ತಿದ್ದ, ಆರೋಪಿಗಳನ್ನು ಶಹಾಪುರ ಪೊಲೀಸರು ಬಂಧಿಸಿದ್ದಾರೆ.

ಸಿದ್ದಣ್ಣಗೌಡ ಪಾಟೀಲ್ ಶೀರವಾಳ, ಮಂಜುಳಾ ರಾಥೋಡ, ರಮೇಶ ರಾಥೋಡ, ಮೇಘಾ‌ ಸುರಪೂರ ಎಂಬುವವರನ್ನು ಬಂಧಿಸಲಾಗಿದ್ದು,ನಗರದ ಕೆಲವೆಡೆ ಹೆಣ್ಣುಮಕ್ಕಳನ್ನು ಮುಂದಿಟ್ಟುಕೊಂಡು ಹನಿಟ್ಯ್ರಾಪ್​ ನಡೆಸಿ ಬ್ಲ್ಯಾಕ್​ ಮೇಲ್ ತಂತ್ರದ ಮೂಲಕ ಹಣ ಪೀಕುತ್ತಿದ್ದರು. ಹಣ ಕಳೆದುಕೊಂಡವರ ದೂರಿನ ಮೇರೆಗೆ ಪೊಲೀಸರು ವೇಶ್ಯಾವಾಟಿಕೆ ಅಡ್ಡೆಯ ಮೇಲೆ ದಾಳಿ ನಡೆಸಿ ನಾಲ್ವರನ್ನು ವಶಕ್ಕೆ ಪಡೆದಿದ್ದಾರೆ.

ಇವರಿಂದ 98,000 ರೂಪಾಯಿ ಹಣವನ್ನು ವಶಪಡಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.