ಮುದ್ದೇಬಿಹಾಳದಲ್ಲಿ ಅಂಚೆ ನೌಕರನ ಮನೆಗೆ ಕನ್ನ

ಮುದ್ದೇಬಿಹಾಳ ಪಟ್ಟಣದ ಹುಡ್ಕೋ ಪಕ್ಕದಲ್ಲಿರುವ ಅಂಚೆ ನೌಕರರೊಬ್ಬರ ಮನೆಯ ಬೀರುವಿನಲ್ಲಿದ್ದ 70 ಸಾವಿರ ನಗದು ಹಾಗೂ ಒಂದೂವರೆ ತೊಲೆ ಬಂಗಾರ ಕಳ್ಳತನವಾಗಿದೆ.

ಮುದ್ದೇಬಿಹಾಳ (ವಿಜಯಪುರ): ಮುದ್ದೇಬಿಹಾಳ ಪಟ್ಟಣದ ಹುಡ್ಕೋ ಪಕ್ಕದಲ್ಲಿರುವ ಅಂಚೆ ನೌಕರರೊಬ್ಬರ ಮನೆಯಲ್ಲಿ ಕಳ್ಳತನ ನಡೆದಿದೆ.

ಅಂಚೆ ನೌಕರ ಮಹಾಬಳೇಶ ಗಡೇದ ತಮ್ಮ ಪುತ್ರನ ನೀಟ್ ತರಬೇತಿ ಸಲುವಾಗಿ ಬೆಂಗಳೂರಿಗೆ ತೆರಳಿದ್ದರು. ಈ ವೇಳೆ ಮನೆಗೆ ನುಗ್ಗಿದ ಕಳ್ಳರು, ಬೀರುವಿನಲ್ಲಿದ್ದ 70 ಸಾವಿರ ನಗದು ಹಾಗೂ ಒಂದೂವರೆ ತೊಲೆ ಬಂಗಾರ ಕಳ್ಳತನ ಮಾಡಿದ್ದಾರೆ.

ಘಟನಾ ಸ್ಥಳಕ್ಕೆ ಸಿಪಿಐ ಆನಂದ ವಾಘಮೋಡೆ ನೇತೃತ್ವದ ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಮುದ್ದೇಬಿಹಾಳ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.