ವಿಜಯಪುರ: ನಾಪತ್ತೆಯಾಗಿದ್ದ 15 ವರ್ಷದ ಬಾಲಕಿ ಬಾವಿಯೊಂದರಲ್ಲಿ ಶವವಾಗಿ ಪತ್ತೆಯಾದ ಘಟನೆ ಜಿಲ್ಲೆಯ ಬಸವನ ಬಾಗೇವಾಡಿ ತಾಲೂಕಿನ ಜಾಯವಾಡಗಿ ಗ್ರಾಮದಲ್ಲಿ ನಡೆದಿದೆ.
ಓದಿ: ಕಳ್ಳರು ಸಾರ್ ಕಳ್ಳರು: ಕುಟುಂಬದ ತಾಯಿ, ಪುತ್ರ-ಪುತ್ರಿಯರು ಅಷ್ಟೇ ಯಾಕೆ ಸೊಸೆಯಂದಿರು ಕಳ್ಳರೇ!
ಶೋಭಾ ದಿಂಡವಾರ (15) ಶವವಾಗಿ ಪತ್ತೆಯಾದ ಬಾಲಕಿಯಾಗಿದ್ದಾಳೆ. ಕಳೆದ ಭಾನುವಾರ ಹೊಲಕ್ಕೆ ಹೋಗಿದ್ದ ಬಾಲಕಿ ವಾಪಸ್ ಮನೆಗೆ ಬಂದಿರಲಿಲ್ಲ. ಇದರಿಂದ ಭಯಗೊಂಡ ಕುಟುಂಬಸ್ಥರು ಎಲ್ಲೆಡೆ ಬಾಲಕಿಗಾಗಿ ಹುಡುಕಾಡಿದ್ದರು. 4 ದಿನಗಳ ಬಳಿಕ ಹತ್ತಿರದ ಬಾವಿಯೊಂದರಲ್ಲಿ ಕೊಳೆತ ಸ್ಥಿತಿಯಲ್ಲಿ ಬಾಲಕಿ ಶವ ಪತ್ತೆಯಾಗಿದೆ.
ಬಾಲಕಿ ಸಾವಿನ ಕುರಿತು ಕುಟುಂಬಸ್ಥರು ಅನುಮಾನ ವ್ಯಕ್ತಪಡಿಸುತ್ತಿದ್ದಾರೆ. ಸ್ಥಳಕ್ಕೆ ಬಸವನ ಬಾಗೇವಾಡಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
