ಭಟ್ಕಳ : ತಂದೆಯ ಬುದ್ಧಿ ಮಾತಿಗೆ ಮನನೊಂದ ಯುವಕನೊಬ್ಬ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಇಂದು ನಗರದಲ್ಲಿ ನಡೆದಿದೆ.
ಅಜಾದ್ ನಗರದ ಮುಹ್ಮದ್ ಮುಸ್ತಾಖಿಮ್ ಶೇಕ್ (22) ಮೃತ ಯುವಕ ಎಂದು ತಿಳಿದು ಬಂದಿದೆ. ಅಲ್ಯೂಮಿನಿಯಂ ಕೆಲಸ ಮಾಡಿಕೊಂಡಿದ್ದ ಮುಹ್ಮದ್, ಲಾಕ್ಡೌನ್ ಬಳಿಕ ಕೆಲಸವಿಲ್ಲದೇ ಬೇರೆ ಸಣ್ಣ-ಪುಟ್ಟ ಕೆಲಸ ಮಾಡಿಕೊಂಡಿದ್ದ.
ಮೃತ ಯುವಕನ ತಂದೆ ಸಣ್ಣ-ಪುಟ್ಟ ಕೆಲಸಕ್ಕೆ ಹೋಗದೇ ಮನೆಯಲ್ಲೇ ಇರುವಂತೆ ಹಾಗೂ ಈ ಮೊದಲೇ ಮಾಡುತ್ತಿದ್ದ ಅಲ್ಯೂಮಿನಿಯಂ ಕೆಲಸವನ್ನೇ ಲಾಕ್ಡೌನ್ ಬಳಿಕವೂ ಮುಂದುವರೆಸುವಂತೆ ಬುದ್ಧಿವಾದ ಹೇಳಿದ್ದರಂತೆ. ಈ ಬುದ್ಧಿವಾದ ಹೇಳಿದ್ದಕ್ಕೆ ಮನೆಯ ಕೋಣೆಗೆ ಹೋಗಿ ವೇಲ್ನಿಂದ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎನ್ನಲಾಗುತ್ತಿದೆ.
ಸುದ್ದಿ ತಿಳಿದು ಸ್ಥಳಕ್ಕೆ ಬಂದ ಇಲ್ಲಿನ ಪೊಲೀಸರು, ಯುವಕನ ಮೃತ ದೇಹವನ್ನು ಭಟ್ಕಳ ತಾಲೂಕು ಆಸ್ಪತ್ರೆಗೆ ತಂದು ಮರಣೋತ್ತರ ಪರೀಕ್ಷೆ ನಡೆಸಿದ್ದಾರೆ. ಇನ್ನು ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡ ನಗರ ಠಾಣೆ ಪಿ.ಎಸ್.ಐ ಭರತ್ ನಾಯಕ ಮತ್ತು ಎ. ಎಸ್.ಐ ನಾರಾಯಣ್ ಬೊರೈ ತನಿಖೆ ಕೈಕೊಂಡಿದ್ದಾರೆ.
