IND vs SA 4th T20: ಒಂದೇ ಪಂದ್ಯದಲ್ಲಿ 9 ದಾಖಲೆ ಬರೆದ ಟೀಂ ಇಂಡಿಯಾ, 18 ವರ್ಷದ ಕ್ರಿಕೆಟ್​​ ಇತಿಹಾಸದಲ್ಲೇ ಮೊದಲು!

ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ನಾಲ್ಕನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 135 ರನ್​ಗಳ ಅಂತರದಿಂದ ಗೆಲುವು ಸಾಧಿಸಿ ಹಲವು ದಾಖಲೆಗಳನ್ನು ಬರೆದಿದೆ.

IND vs SA 4th T20: ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಟಿ20 ಸರಣಿಯ ನಾಲ್ಕನೇ ಮತ್ತು ಕೊನೆಯ ಪಂದ್ಯದಲ್ಲಿ ಟೀಂ ಇಂಡಿಯಾ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಸರಣಿ ವಶಪಡಿಸಿಕೊಂಡಿದೆ.

ಜೋಹಾನ್ಸ್​ಬರ್ಗ್​ನ ವಾಂಡರರ್ಸ್ ಕ್ರಿಕೆಟ್​ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟ್​ ಮಾಡಿದ್ದ ಟೀಂ ಇಂಡಿಯಾ ಸಂಜು ಸ್ಯಾಮ್ಸನ್​ ಮತ್ತು ತಿಲಕ್​ ವರ್ಮಾ ಬ್ಯಾಟಿಂಗ್​ ನೆರವಿನಿಂದ 283 ರನ್​ಗಳ ಬೃಹತ್​ ಮೊತ್ತವನ್ನು ಕಲೆಹಾಕಿತು. ಈ ಗುರಿಯನ್ನು ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ತಂಡವು ಭಾರತದ ಮಾರಕ ಬೌಲಿಂಗ್​ ದಾಳಿಗೆ ಸಿಲುಕಿ 148 ರನ್​ಗಳಿಗೆ ಸರ್ವಪತನ ಕಂಡಿತು. ಟ್ರಿಸ್ಟನ್​ ಸ್ಟಬ್ಸ್​ (43) ಮತ್ತು ಡೆವಿಡ್​ ಮಿಲ್ಲರ್​ (36), ಜಾನ್​ಸೆನ್​ (29), ಕೊಯಿಟ್ಝೆ (12) ಹೊರತುಪಡಿಸಿ ಉಳಿದ ಬ್ಯಾಟರ್​ಗಳು ಎರಡಂಕಿ ಕಲೆಹಾಕಲು ಸಾಧ್ಯವಾಗದೇ ಪೆವಿಲಿಯನ್​ ಸೇರಿದರು. ಇದರಿಂದಾಗಿ ಟೀಂ ಇಂಡಿಯಾ 135 ರನ್​ಗಳಿಂದ ಗೆಲುವು ಸಾಧಿಸಿತು.

𝙒𝙄𝙉𝙉𝙀𝙍𝙎!

Congratulations to #TeamIndia on winning the #SAvIND T20I series 3⃣-1⃣ 👏👏

Scorecard - https://t.co/b22K7t9imj pic.twitter.com/oiprSZ8aI2

— BCCI (@BCCI) November 15, 2024

ಭಾರತದ ಪರ ಅರ್ಷದೀಪ್ 3 ವಿಕೆಟ್​ ಉರುಳಿಸಿದರೆ, ವರುಣ್​ ಚಕ್ರವರ್ತಿ, ಅಕ್ಷರ್​ ಪಟೇಲ್​ ತಲಾ 2, ಹಾರ್ದಿಕ್​ ಪಾಂಡ್ಯ, ಬಿಷ್ಣೋಯಿ, ರಮಣ್​ದೀಪ್ ಸಿಂಗ್​ ತಲಾ 1 ವಿಕೆಟ್​ ಪಡೆದು ಮಿಂಚಿದರು. ಯುವ ಬ್ಯಾಟರ್​ ತಿಲಕ್​ ವರ್ಮಾ ಅತ್ಯುತ್ತಮ ಪ್ರದರ್ಶನ ತೋರಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಇದರೊಂದಿಗೆ ಟೀಂ ಇಂಡಿಯಾ ಒಂದೇ ಪಂದ್ಯದಲ್ಲಿ 9 ದಾಖಲೆಗಳನ್ನು ಬರೆದಿದೆ.

9 ದಾಖಲೆ ಬರೆದ ಟೀಂ ಇಂಡಿಯಾ

283 ರನ್​- ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20ಯಲ್ಲಿ ಅತ್ಯಧಿಕ ಮೊತ್ತ ದಾಖಲಿಸಿದ ಮೊದಲ ತಂಡ. ಮತ್ತು T20I ನಲ್ಲಿ ಭಾರತದ ಎರಡನೇ ಅತಿ ಹೆಚ್ಚು ಸ್ಕೋರ್​.

ಬೃಹತ್​ ಅಂತರದ ಗೆಲುವು: ದಕ್ಷಿಣ ಆಫ್ರಿಕಾ ವಿರುದ್ಧ 135 ರನ್​ಗಳ ಅಂತರದಿಂದ ಗೆಲುವು ಸಾಧಿಸಿದ ಮೊದಲ ತಂಡವಾಗಿ ಟೀಂ ಇಂಡಿಯಾ ದಾಖಲೆ.

A 135-run victory in Johannesburg! #TeamIndia seal the T20I series 3⃣-1⃣ 👏👏

Ramandeep Singh with the final wicket as South Africa are all out for 148.

Scorecard - https://t.co/b22K7t9imj#SAvIND pic.twitter.com/AF0i08T99Y

— BCCI (@BCCI) November 15, 2024

23 ಸಿಕ್ಸರ್​ಗಳು: ಭಾರತ ತಂಡ ಟಿ20 ಇನ್ನಿಂಗ್ಸ್‌ ವೊಂದರಲ್ಲೇ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಹೊಡೆದ ದಾಖಲೆ (23) ಬರೆಯಿತು.

ತಿಲಕ್​ ವರ್ಮಾ: ಟಿ20 ಯಲ್ಲಿ ಬ್ಯಾಕ್​ ಟು ಬ್ಯಾಕ್​ ಶತಕ ಗಳಿಸಿದ ಎರಡನೇ ಭಾರತೀಯ ಬ್ಯಾಟರ್​ ಆಗಿ ದಾಖಲೆ ಬರೆದ ತಿಲಕ್​ ವರ್ಮಾ.

4 innings
280 runs 🙌

Two outstanding 🔙 to 🔙 T20I Hundreds 💯

Tilak Varma is named the Player of the Series 🥳

Scorecard - https://t.co/b22K7t9imj#TeamIndia | #SAvIND | @TilakV9 pic.twitter.com/JoEED4Z3Ij

— BCCI (@BCCI) November 15, 2024

ಸಂಜು ಸ್ಯಾಮ್ಸನ್​: ಒಂದೇ ವರ್ಷದಲ್ಲಿ ಟಿ20 ಕ್ರಿಕೆಟ್​ನಲ್ಲಿ 3 ಶತಕ ಗಳಿಸಿದ ಮೊದಲ ಆಟಗಾರನಾಗಿ ಸ್ಯಾಮ್ಸನ್​ ದಾಖಲೆ.

ಅತ್ಯಧಿಕ ಪಾಲುದಾರಿಕೆ: ಸಂಜು ಸ್ಯಾಮ್ಸನ್​ ಮತ್ತು ತಿಲಕ್​ ವರ್ಮಾ ನಡುವೆ 210 ರನ್​ಗಳ ಜೊತೆಯಾಟ ಆಡಿದ್ದು, ಇದರೊಂದಿಗೆ ಯಾವುದೇ ವಿಕೆಟ್​ಗೆ ಭಾರತಕ್ಕಾಗಿ ಇದುವರೆಗಿನ ಅತ್ಯಧಿಕ ಪಾಲುದಾರಿಕೆ ಆಗಿದೆ.

12 ವಿಕೆಟ್​: ಈ ಸರಣಿಯಲ್ಲಿ ಕನ್ನಡಿಗ ವರುಣ್​ ಚಕ್ರವರ್ತಿ ಒಟ್ಟು 12 ವಿಕೆಟ್​ ಪಡೆದು ದಾಖಲೆ ಬರೆದಿದ್ದಾರೆ. ಭಾರತಕ್ಕಾಗಿ ದ್ವಿಪಕ್ಷಿಯ ಟಿ20 ಸರಣಿಯಲ್ಲಿ ಅತಿ ಹೆಚ್ಚು ವಿಕೆಟ್​ ಪಡೆದ ಬೌಲರ್​ ಎನಿಸಿಕೊಂಡರು.

ಮೊದಲ ಜೋಡಿ: ಸ್ಯಾಮ್ಸನ್ ಮತ್ತು ತಿಲಕ್ ವರ್ಮಾ ಟಿ20 ಕ್ರಿಕೆಟ್‌ನಲ್ಲಿ ಟೀಮ್ ಇಂಡಿಯಾ ಪರ ಗರಿಷ್ಠ ಜೊತೆಯಾಟವನ್ನು ಸಾಧಿಸಿದ ಮೊದಲ ಜೋಡಿ ಎನಿಸಿಕೊಂಡರು (86 ಎಸೆತಗಳಲ್ಲಿ 210* ರನ್).

ಅತ್ಯಧಿಕ ಸ್ಕೋರ್​: ವಿದೇಶಿ ನೆಲದಲ್ಲಿ ನಡೆದ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಇದೇ ಮೊದಲ ಬಾರಿಗೆ 283 ರನ್​ಗಳ ಅತ್ಯಧಿಕ ಸ್ಕೋರ್​ ದಾಖಲಿಸಿತು. ಇದರೊಂದಿಗೆ ಭಾರತದ 18 ವರ್ಷಗಳ ಟಿ20 ಕ್ರಿಕೆಟ್​ ಇತಿಹಾಸದಲ್ಲೇ ವಿದೇಶಿ ನೆಲದಲ್ಲಿ ಮೊದಲ ಬಾರಿಗೆ ದೊಡ್ಡ ಮೊತ್ತ ಕಲೆ ಹಾಕಿತು.

ಇದನ್ನೂ ಓದಿ: 39 ವರ್ಷದ ಬಳಿಕ ರಣಜಿಯಲ್ಲಿ ಸಂಚಲನ ಸೃಷ್ಟಿಸಿದ ಯುವ ಬೌಲರ್: ತಂಡದಿಂದ ಕೈಬಿಟ್ಟು ಪಶ್ಚಾತ್ತಾಪ ಪಡುತ್ತಿರುವ​​ ಮುಂಬೈ ಇಂಡಿಯನ್ಸ್​!