ಶಿರಸಿ : ಉತ್ತರ ಕನ್ನಡ ಜಿಲ್ಲೆಯ ಚಿಗಳ್ಳಿ ಚೆಕ್ ಡ್ಯಾಮ್ ಒಡೆದು ಭಾರೀ ಅನಾಹುತವೇ ಸಂಭವಿಸಿದೆ. ಪ್ರವಾಹಕ್ಕೆ ತುತ್ತಾದ ಮುಂಡಗೋಡು ಗ್ರಾಮಕ್ಕೆ ಭೇಟಿ ನೀಡಲು ನಿರಾಕರಿಸಿದ ಸಂಸದ ಅನಂತಕುಮಾರ್ ಹೆಗಡೆ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಹೊಟ್ಟೆಗೆ ಕೂಳಿಲ್ಲಲೇ ಎಂದು ಕಿಡಿಕಾರಿದ್ದಾರೆ.
ಹೊಟ್ಟೆಗೆ ಕೂಳಿಲ್ಲ: ಅತಂತಕುಮಾರ್ ಹೆಗಡೆ ವಿರುದ್ಧ ಗ್ರಾಮಸ್ಥರ ಆಕ್ರೋಶ
ಚಿಗಳ್ಳಿ ಚೆಕ್ ಡ್ಯಾಂ ಒಡೆದ ಹಿನ್ನೆಲೆ ನೀರಾವರಿ ಇಲಾಖೆಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಲು ಗ್ರಾಮಸ್ಥರು ಆಗಮಿಸಿದ್ದರು. ಈ ವೇಳೆ ಸ್ಥಳ ಪರಿಶೀಲನೆಗೆ ಆಗಮಿಸಿದ್ದ ಉ.ಕ ಸಂಸದ ಅನಂತಕುಮಾರ್ ಹೆಗಡೆಗೆ ಪ್ರವಾಹದಿಂದ ಹಾನಿಯಾದ ತಮ್ಮೂರಿಗೆ ಬಂದು ವೀಕ್ಷಿಸಬೇಕೆಂದು ಗ್ರಾಮಸ್ಥರು ಒತ್ತಾಯ ಮಾಡಿದರು. ಆದರೆ, ಎಲ್ಲವನ್ನೂ ಅಧಿಕಾರಿಗಳು ನೋಡಿಕೊಳ್ಳುತ್ತಾರೆ, ನಾನು ಬರುವುದು ಮುಖ್ಯವಲ್ಲ ಎಂದು ಅನಂತಕುಮಾರ್ ಜಾರಿಕೊಂಡರು.
ಸಂಸದರ ನಿರ್ಲಕ್ಷ್ಯಕ್ಕೆ ಕೋಪಗೊಂಡ ಗ್ರಾಮಸ್ಥರು ಹೊಟ್ಟೆಗೆ ಕೂಳಿಲ್ಲಲೇ ಎಂದು ಕಿಡಿಕಾರಿದರು. ಇಷ್ಟಾದರೂ ತುಟಿಪಿಟಕ್ ಎನ್ನದ ಅನಂತಕುಮಾರ್ ಮುಖ ಮಾತ್ರ ಕೆಂಡಾಮಂಡಲವಾಗಿತ್ತು.
