ಕಾರವಾರ: ಸ್ನೇಹಿತನನ್ನೇ ಅಪಹರಣ ಮಾಡಿ ಐದು ಕೋಟಿಗೆ ಬೇಡಿಕೆ ಇಟ್ಟ ಘಟನೆ ಉತ್ತರ ಕನ್ನಡ ಜಿಲ್ಲೆಯ ರಾಮನಗರದ ಕ್ಯಾಸಲ್ ರಾಕ್ನಲ್ಲಿ ಬೆಳಕಿಗೆ ಬಂದಿದೆ. ರಾಮನಗರದ ಕ್ಯಾಸಲ್ ರಾಕ್ಗೆ ಹೋಗುವ ಮಾರ್ಗದಲ್ಲಿ ಕಾರಿನಲ್ಲಿ ತೆರಳುತ್ತಿದ್ದ ಧಾರವಾಡ ಮೂಲದ ಮಲಪ್ರಭಾ ನಿವಾಸಿ ಹನುಮಂತ ಗೌಡರ್, ಮಲೇಷಿಯಾದ ಕೌಲಾಲಂಪುರ್ ನಿವಾಸಿ ಕಾರ್ತಿಕ್ ಉಳಗನಾಥನ್ ಎಂಬ ಸ್ನೇಹಿತರ ಮೇಲೆ ಧಾರವಾಡ ಮೂಲದವರೇ ಆದ ರಾಹುಲ್ ಭೀಮರಾವ್ ಸಿಂಧೆ, ಸಂತೋಷ ಹಿರೇಮಠ ಸೇರಿದಂತೆ ಆರೇಳು ಜನರ ಗುಂಪೊಂದು ಹಲ್ಲೆ ಮಾಡಿ ಅವರ ಬಳಿ ಇದ್ದ ಸುಮಾರು 26 ಲಕ್ಷ ಮೌಲ್ಯದ ವಸ್ತುಗಳನ್ನು ದೋಚಿದ್ದರು ಎನ್ನಲಾಗಿದೆ.
ನಂತರ ಇಬ್ಬರ ಕೈಕಾಲುಗಳನ್ನು ಕಟ್ಟಿ ಕಾರಿನಲ್ಲಿ ಹಾಕೊಕೊಂಡು ಯಲ್ಲಾಪುರದ ಕಾಡಿನಲ್ಲಿ ಪಾಳು ಮನೆಯಲ್ಲಿ ಬಂಧಿಸಿಟ್ಟಿದ್ದರು ಎಂದು ಆರೋಪಿಸಲಾಗಿದೆ. ಅಲ್ಲದೇ ಐದು ಕೋಟಿ ತಂದು ಕೊಡದೇ ಇದ್ದಲ್ಲಿ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದರು ಎಂದು ಹೇಳಲಾಗುತ್ತಿದೆ.
