ಕಾರವಾರ: ಉತ್ತರಕನ್ನಡ ಜಿಲ್ಲೆಯಲ್ಲಿಂದು 59 ಜನರಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದ್ದು, 35 ಜನರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.
ಜಿಲ್ಲೆಯ ಕಾರವಾರದಲ್ಲಿ 5, ಅಂಕೋಲಾ 1, ಕುಮಟಾ 3, ಭಟ್ಕಳ 1, ಶಿರಸಿ 2, ಸಿದ್ದಾಪುರ 3, ಯಲ್ಲಾಪುರ 24, ಮುಂಡಗೋಡ 1, ಜೋಯಿಡಾ 1 ಹಾಗೂ ಹಳಿಯಾಳದಲ್ಲಿ 18 ಮಂದಿಯಲ್ಲಿ ಕೊರೊನಾ ಪಾಸಿಟಿವ್ ಬಂದಿದೆ.
ಕಾರವಾರದಲ್ಲಿ 3, ಅಂಕೋಲಾ, ಹೊನ್ನಾವರ, ಭಟ್ಕಳ ತಲಾ 7, ಹಳಿಯಾಳ 10 ಹಾಗೂ ಕುಮಟಾದಲ್ಲಿ ಒರ್ವರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.
ಈವರೆಗೆ ಜಿಲ್ಲೆಯಲ್ಲಿ ಒಟ್ಟು 2,782 ಮಂದಿಗೆ ಸೋಂಕು ತಗುಲಿದ್ದು, ಅದರಲ್ಲಿ 1,887 ಮಂದಿ ಗುಣಮುಖರಾಗಿದ್ದಾರೆ. 869 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಜಿಲ್ಲೆಯಲ್ಲಿ ಈವರಗೆ 26 ಜನ ಸೋಂಕಿನಿಂದ ಮೃತಪಟ್ಟಿದ್ದಾರೆ.
