ಬಡ ವಿದ್ಯಾರ್ಥಿನಿಯರ ನೆರವಿಗೆ ನಿಂತು ಆಸರೆಯಾದ ಸಂಸ್ಥೆ

ಉಡುಪಿಯ ಪೆರ್ಡೂರಿನಲ್ಲಿ ಪವಿತ್ರಾ ಹಾಗೂ ಪಲ್ಲವಿ ಎಂಬ ಬಾಲಕಿಯರು ಬಾಲ್ಯದಲ್ಲೆ ತಂದೆಯನ್ನು ಕಳೆದುಕೊಂಡು ತಾಯಿಯೊಂದಿಗೆ ಜೀವನ ಸಾಗಿಸುತ್ತಿದ್ದು, ತೀವ್ರ ಬಡತನ ಎದುರಿಸುತ್ತಿದ್ದರು. ಇವರಿಗೆ ವಿದ್ಯಾ ಪೋಷಕ್‌ ಸಂಸ್ಥೆ ಮನೆ ನಿರ್ಮಿಸಿ ಕೊಟ್ಟು ಮಾನವೀಯತೆ ಮೆರೆದಿದೆ.

ಉಡುಪಿ : ಯಕ್ಷಗಾನ ಕಲಾರಂಗದ ಅಂಗ ಸಂಸ್ಥೆಯಾದ ವಿದ್ಯಾ ಪೋಷಕ್‌ ಟ್ರಸ್ಟ್‌ ಬಡ ವಿದ್ಯಾರ್ಥಿನಿಯರಿಗೆ ಮನೆ ಕಟ್ಟಿಸಿ ಕೊಟ್ಟಿದೆ.

ಉಡುಪಿಯ ಪೆರ್ಡೂರಿನಲ್ಲಿ ಪವಿತ್ರಾ ಹಾಗೂ ಪಲ್ಲವಿ ಎಂಬ ಬಾಲಕಿಯರು ಬಾಲ್ಯದಲ್ಲೇ ತಂದೆ ಕಳೆದುಕೊಂಡು ತಾಯಿಯೊಂದಿಗೆ ಜೀವನ ಸಾಗಿಸುತ್ತಿದ್ದು, ತೀವ್ರ ಬಡತನ ಎದುರಿಸುತ್ತಿದ್ದರು. ಇದನ್ನರಿತು ಪಂಚಮಿ ಟ್ರಸ್ಟ್‌ ಹಾಗೂ ವಿದ್ಯಾ ಪೋಷಕ್‌ ಟ್ರಸ್ಟ್‌ ಜಂಟಿಯಾಗಿ ಇವರಿಗೆ ಮನೆ ನಿರ್ಮಿಸಿ ಕೊಟ್ಟಿದ್ದು, ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಉದ್ಘಾಟಿಸಿದರು. ಈ ಮೂಲಕ ಅವರ ಕಲಿಕೆಗೆ ಉತ್ತಮ ವಾತಾವರಣ ನಿರ್ಮಾಣ ಮಾಡಲಾಗಿದೆ.

ಇದರಿಂದ ವಿದ್ಯಾ ಪೋಷಕ್‌ ಸಂಸ್ಥೆ ವ್ಯಾಪಕ ಪ್ರಶಂಸೆ ಪಾತ್ರವಾಗಿದೆ.