ಪಾವಗಡ ಪೊಲೀಸರ ಮಿಂಚಿನ ಕಾರ್ಯಾಚರಣೆ: 30 ಟ್ರ್ಯಾಕ್ಟರ್ ಲೋಡ್ ಅಕ್ರಮ ಮರಳು ವಶಕ್ಕೆ

ಪಾವಗಡದಲ್ಲಿ ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ 30 ಟ್ರಾಕ್ಟರ್ ಲೋಡ್ ಮರಳನ್ನು ಹಾಗೂ ಟ್ರಾಕ್ಟರ್​ವೊಂದನ್ನು ಪಾವಗಡ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ತುಮಕೂರು: ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ 30 ಟ್ರಾಕ್ಟರ್ ಲೋಡ್ ಮರಳು ಮತ್ತು ಟ್ರಾಕ್ಟರ್​ವೊಂದನ್ನು ಪಾವಗಡ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಪಾವಗಡ ಪಟ್ಟಣದ ಟೀಚರ್ಸ್ ಕಾಲೊನಿಯಲ್ಲಿ ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ 20 ಟ್ರ್ಯಾಕ್ಟರ್ ಲೋಡ್ ಮರಳು, ನಾರಾಯಣ ರೆಡ್ಡಿ ಲೇಔಟ್​ನಲ್ಲಿ ಸಂಗ್ರಹಿಸಿಟ್ಟಿದ್ದ 10 ಲೋಡ್ ಮರಳು ಮತ್ತು ಟಿಎನ್ ಪೇಟೆಯಲ್ಲಿದ್ದ ಒಂದು ಟ್ರ್ಯಾಕ್ಟರ್ ಮತ್ತು ಟಿಲ್ಲರ್​ ಮರಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ಈ ಕುರಿತಂತೆ ಮೂರು ಪ್ರಕರಣಗಳನ್ನು ಪಾವಗಡ ಪೊಲೀಸ್​ ಠಾಣೆಯಲ್ಲಿ ದಾಖಲಿಸಲಾಗಿದೆ.