ತುಮಕೂರು: ಕ್ಷುಲ್ಲಕ ಕಾರಣಕ್ಕೆ ಇಬ್ಬರು ಕೂಲಿ ಕಾರ್ಮಿಕರ ನಡುವೆ ನಡೆದ ಜಗಳದಲ್ಲಿ ಓರ್ವ ಕೊಲೆಯಾಗಿರುವ ಘಟನೆ ತುಮಕೂರು ಜಿಲ್ಲೆ ಶಿರಾ ತಾಲೂಕಿನ ಕೆ.ರಂಗನಹಳ್ಳಿ ತೊರೆ ಬಳಿ ನಡೆದಿದೆ.
ಪಾಂಡು ಕಿಷನ್ ಹಿಲಂ ಕೊಲೆಯಾದ ದುರ್ದೈವಿ. ತುಕಾರಾಮ್ ಎಂಬಾತ ಕೊಲೆ ಆರೋಪಿಯಾಗಿದ್ದು ಪರಾರಿಯಾಗಿದ್ದಾನೆ. ಮಹಾರಾಷ್ಟ್ರ ಮೂಲದ ಮನಗಾವ್ ತಾಲೂಕಿನ ಮಹೋಲಿ ಗ್ರಾಮದವರಾದ ಇಬ್ಬರು ಕೂಲಿ ಕೆಲಸಕ್ಕೆ ಶಿರಾ ತಾಲೂಕಿಗೆ ಬಂದಿದ್ದರು.
ಮದ್ಯ ಸೇವಿಸಿ ಇಬ್ಬರು ಆಗಾಗ್ಗೆ ಜಗಳವಾಡುತ್ತಿದ್ದರು. ಕೆಲಸ ಮಾಡುತ್ತಿದ್ದ ಸ್ಥಳದಲ್ಲಿ ಮಾತಿಗೆ ಮಾತು ಬೆಳೆದು ಜಗಳ ವಿಕೋಪಕ್ಕೆ ತಿರುಗಿ ಕೊನೆಗೆ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ. ತಾವರೆಕೆರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
