ದ.ಕ ಜಿಲ್ಲೆಯಲ್ಲಿ 8 ಮಂದಿಗೆ ಕೊರೊನಾ.. ಹೆರಿಗೆಯಾದ ಮಹಿಳೆ ಸೇರಿ 6 ಮಂದಿ ಗುಣಮುಖ

ಹೆರಿಗೆಯಾದ ಮಹಿಳೆಯೂ ಸೇರಿ 6 ಜನ ಗುಣಮುಖರಾಗಿದ್ದಾರೆ. 28 ವರ್ಷದ ಗರ್ಭಿಣಿ ಮಹಿಳೆಗೆ ಇತ್ತೀಚೆಗೆ ಸಿಸೇರಿಯನ್ ಮೂಲಕ ಹೆರಿಗೆಯಾಗಿತ್ತು. ಬಳಿಕ ಬಂದ ಗಂಟಲು ದ್ರವದ ಪರೀಕ್ಷೆಯಲ್ಲಿ ವರದಿ‌ ನೆಗೆಟಿವ್ ಬಂದಿದೆ..

ಮಂಗಳೂರು : ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಇಂದು ಎಂಟು ಮಂದಿಗೆ ಕೊರೊನಾ ದೃಢಪಟ್ಟಿದ್ದು, ಆರು ಮಂದಿ ಗುಣಮುಖರಾಗಿದ್ದಾರೆ.

8 ಜನ ಸೋಂಕಿತರ ಪೈಕಿ ನಾಲ್ಕು ಮಂದಿ ರೋಗಿ-8318 ಪ್ರಾಥಮಿಕ ಸಂಪರ್ಕವುಳ್ಳವರಾಗಿದ್ದು, ಇಬ್ಬರು ತೀವ್ರ ಉಸಿರಾಟದ ತೊಂದರೆ, ಒಬ್ಬರು ಐಎಲ್ಐ ಮತ್ತು ಒಬ್ಬರು ಕುವೈತ್‌ನಿಂದ ಬಂದವರಾಗಿದ್ದಾರೆ. ಎಂಟು ಮಂದಿಯಲ್ಲಿ ನಾಲ್ಕು ಮಹಿಳೆಯರು ನಾಲ್ಕು ಪುರುಷರಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲೆ

ಆರು ಸೋಂಕಿತರು ಗುಣಮುಖ : ಹೆರಿಗೆಯಾದ ಮಹಿಳೆಯೂ ಸೇರಿ 6 ಜನ ಗುಣಮುಖರಾಗಿದ್ದಾರೆ. 28 ವರ್ಷದ ಗರ್ಭಿಣಿಗೆ ಇತ್ತೀಚೆಗೆ ಸಿಸೇರಿಯನ್ ಮೂಲಕ ಹೆರಿಗೆಯಾಗಿತ್ತು. ಬಳಿಕ ಬಂದ ಗಂಟಲು ದ್ರವದ ಪರೀಕ್ಷೆಯಲ್ಲಿ ವರದಿ‌ ನೆಗೆಟಿವ್ ಬಂದಿದೆ.

ದ.ಕ ಜಿಲ್ಲೆಯಲ್ಲಿ ಈವರೆಗೆ 453 ಪ್ರಕರಣ ಪತ್ತೆಯಾಗಿವೆ. 256 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ. 9 ಮಂದಿ ಸಾವನ್ನಪ್ಪಿದ್ದು, 188 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇಂದು 286 ಮಂದಿಯ ಗಂಟಲು ದ್ರವವನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ.