ಶಿವಮೊಗ್ಗ: ರೈಲಿನಿಂದ ಕೆಳಗಿಳಿಯುವಾಗ ಆಯತಪ್ಪಿ ಬಿದ್ದ ಮಹಿಳೆಯನ್ನು ಪ್ಲಾಟ್ಫಾರ್ಮ್ನಲ್ಲಿ ರೈಲ್ವೆ ಪೊಲೀಸರು ತಕ್ಷಣವೇ ರಕ್ಷಿಸಿ ಪ್ರಾಣ ಉಳಿಸಿದ್ದಾರೆ. ಮಂಗಳವಾರ ಬೆಳಗ್ಗೆ ತಾಳಗುಪ್ಪ- ಬೆಂಗಳೂರು ಇಂಟರ್ ಸಿಟಿ ರೈಲಿನಿಂದ ಮಹಿಳೆಯೂರ್ವರು ಇಳಿಯುವಾಗ ಆಯತಪ್ಪಿ ಪ್ಲಾಟ್ ಫಾರ್ಮ್ ಮೇಲೆ ಬಿದ್ದಿದ್ದರು.
ಚಲಿಸುವ ರೈಲಿನಿಂದ ಕೆಳಗಿಳಿಯುವಾಗ ಬಿದ್ದ ಮಹಿಳೆ
ಅಲ್ಲಿಯೇ ಇದ್ದ ರೈಲ್ವೆ ಪೊಲೀಸ್ ಸಿಬ್ಬಂದಿ ಜಗದೀಶ್, ಸಂತೋಷ್ ಹಾಗೂ ಅಣ್ಣಪ್ಪ ತಕ್ಷಣವೇ ಪ್ಲಾಟ್ ಫಾರ್ಮ್ನಿಂದ ರೈಲಿನ ಹಳಿಗೆ ಬೀಳುವುದನ್ನು ತಡೆದಿದ್ದಾರೆ.
ಇದರಿಂದ ಮುಂದಾಗಬಹುದಾದ ಅನಾಹುತ ತಪ್ಪಿಸಿದ್ದಾರೆ. ಮಹಿಳೆ ತಮ್ಮ ಸಂಬಂಧಿಕರನ್ನು ಬಿಡಲು ನಿಲ್ದಾಣಕ್ಕೆ ಬಂದಿದ್ದಾರೆ. ರೈಲು ಹತ್ತಿ ಅವರ ಕಳುಹಿಸುವಾಗ ರೈಲು ಹೊರಟಿದೆ. ಇದರಿಂದ ಗಾಬರಿಗೊಂಡ ಮಹಿಳೆ ರೈಲು ಇಳಿಯಲು ಯತ್ನಿಸಿದಾಗ ಆಯತಪ್ಪಿ ಬಿದ್ದಿದ್ದಾರೆ.
ಇದನ್ನೂ ಓದಿ: ಪಶ್ಚಿಮ ಬಂಗಾಳ ಚುನಾವಣೋತ್ತರ ಹಿಂಸಾಚಾರ: ಮತ್ತೊಂದು ಪ್ರಕರಣ ದಾಖಲಿಸಿದ ಸಿಬಿಐ
