'ಹೇ ಮಗ ಶಿವಮೊಗ್ಗ' ಗೀತೆಯ ವಿಡಿಯೋ ಆಗಸ್ಟ್ 24ರಂದು ಬಿಡುಗಡೆ

ಆಗಸ್ಟ್ 24ರಂದು 'ಹೇ ಮಗ ಶಿವಮೊಗ್ಗ' ಎಂಬ ಗೀತೆಯ ವಿಡಿಯೋ ಬಿಡುಗಡೆ ಮಾಡಲಾಗುವುದು ಎಂದು ಮಾ ಡೆವಲಪರ್ಸ್ ಸಂಸ್ಥೆಯ ಮುಖ್ಯಸ್ಥೆ ಸುನೀತಾ ಸಿಂಗ್ ತಿಳಿಸಿದರು.

ಶಿವಮೊಗ್ಗ: ಮಾ ಡೆವಲಪರ್ಸ್ ಸಂಸ್ಥೆ ವತಿಯಿಂದ ಆಗಸ್ಟ್ 24ರಂದು ಸಂಜೆ 5 ಗಂಟೆಗೆ ಲಗಾನ್ ಮಂದಿರದಲ್ಲಿ 'ಹೇ ಮಗ ಶಿವಮೊಗ್ಗ' ಎಂಬ ಗೀತೆಯ ವಿಡಿಯೋ ಬಿಡುಗಡೆ ಮಾಡಲಾಗುವುದು ಎಂದು ಸಂಸ್ಥೆಯ ಮುಖ್ಯಸ್ಥೆ ಸುನೀತಾ ಸಿಂಗ್ ತಿಳಿಸಿದರು.

ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು 'ಹೇ ಮಗ ಶಿವಮೊಗ್ಗ ' ಗೀತೆಯ ಆಡಿಯೋ 1 ವರ್ಷದ ಹಿಂದೆ ಬಿಡುಗಡೆಯಾಗಿತ್ತು. ಈಗ ಅದನ್ನು ಚಿತ್ರೀಕರಣ ಮಾಡಿ ಪ್ರೇಕ್ಷಕರ ಮುಂದೆ ಇಡುತ್ತಿದ್ದೇವೆ ಎಂದರು. ಶಿವಮೊಗ್ಗದ ಇತಿಹಾಸ ಬಿಂಬಿಸುವುದರ ಜೊತೆಗೆ ಹಿಂದೂ ಧರ್ಮದ ಸಂಕೇತವಾಗಿ ಈ ವಿಡಿಯೋ ಬಿಡುಗಡೆ ಮಾಡಲಾಗುವುದು ಎಂದರು.

ಶಿವಮೊಗ್ಗದ ಸುಂದರ ಸ್ಥಳಗಳಾದ ಶಿವಪ್ಪನಾಯಕ ಅರಮನೆ, ಬಸ್​ಸ್ಟಾಂಡ್, ಅಭಿವೃದ್ಧಿ ಕಟ್ಟಡಗಳು, ಜೋಗ ಜಲಪಾತ ಹೀಗೆ ಸಾಂಸ್ಕೃತಿಕವಾಗಿ ಶಿವಮೊಗ್ಗ ಜಿಲ್ಲೆಯನ್ನು ತೋರಿಸಲಾಗಿದೆ. ಇದರ ಜೊತೆಗೆ ಪ್ರಸಿದ್ಧ ದೇವಾಲಯಗಳಾದ ಕೋಟೆ ಆಂಜನೇಯ ಸ್ವಾಮಿ ದೇವಸ್ಥಾನ ಸೇರಿದಂತೆ ಗಣೇಶೋತ್ಸವ ಅದರ ವಿಜೃಂಭಣೆ. ಶ್ರೀರಾಮ ಮಂದಿರ ಎಲ್ಲ ವಿಷಯಗಳನ್ನು ಈ ವಿಡಿಯೋ ಹೊಂದಿದೆ ಎಂದು ಹೇಳಿದ್ರು.