ಶಿವಮೊಗ್ಗ: ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ ವ್ಯಕ್ತಿಯನ್ನು ರಕ್ಷಿಸಿ ಸಮಯ ಪ್ರಜ್ಞೆ ಮೆರೆದ ಸಾಗರ ಟೌನ್ ಪೊಲೀಸ್ ಠಾಣೆಯ ಪೇದೆ ಹರೀಶ್ ಅವರಿಗೆ ಎಸ್ಪಿ ಶಾಂತರಾಜ ನಗದು ಬಹುಮಾನ ನೀಡಿ ಕರ್ತವ್ಯಕ್ಕೆ ಪ್ರೋತ್ಸಾಹಿಸಿದ್ದಾರೆ.
ನವೆಂಬರ್ 11 ರಂದು ಸಾಗರ ಟೌನ್ ಪೊಲೀಸ್ ಠಾಣೆಯ ಪೇದೆ ಹರೀಶ್ ಮತ್ತು ಹೋಂ ಗಾರ್ಡ್ ಎಸ್.ಟಿ.ಮಂಜಪ ರಾತ್ರಿ 5 ನೇ ನೈಟ್ ಬೀಟ್ನಲ್ಲಿದ್ದರು. ಮಧ್ಯರಾತ್ರಿ 12 ರಿಂದ 12-15 ರ ನಡುವಿನ ಸಮಯದಲ್ಲಿ ಹೋಟೆಲ್ ಬಳಿ ಪೊಲೀಸ್ ಬಿಟ್ ಪಾಯಿಂಟ್ ನೋಟ್ ಬುಕ್ ಗೆ ಸಹಿ ಮಾಡಲು ಹೋದಾಗ ಹೋಟೆಲ್ ಮಾಲೀಕ ರಮೇಶ್ (70) ಮರಕ್ಕೆ ನೇಣು ಹಾಕಿಕೊಳ್ಳಲು ಹೋಗಿ ವಿಫಲವಾಗಿ ಬಿದ್ದಿದ್ದರು.
ಈ ವೇಳೆ, ಭಾರಿ ಶಬ್ದ ಬಂದಿದೆ. ಶಬ್ದ ಬಂದ ಕಡೆ ಹರೀಶ್ ಹಾಗೂ ಮಂಜಪ್ಪ ಏನಾಯ್ತು ಅಂತ ನೋಡಲು ಹೋದಾಗ, ರಮೇಶ್ ರವರು ಪುನಃ ನೇಣು ಹಾಕಿ ಕೊಂಡು ಒದ್ದಾಡುತ್ತಿದ್ದರು. ಇದನ್ನು ಕಂಡು ರಮೇಶ್ ಅವರನ್ನು ಕೆಳಗೆ ಇಳಿಸಿ ತಕ್ಷಣ ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ಕೊಡಿಸಿದ್ದಾರೆ.
ಇವರ ಈ ಕಾರ್ಯಕ್ಕೆ ಸಾಗರದ ಜನತೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. ಇಂದು ಎಸ್ಪಿ ಶಾಂತರಾಜು, ತಮ್ಮ ಕಚೇರಿಗೆ ಕರೆಯಿಸಿ ಹರೀಶ್ ಅವರಿಗೆ 2 ಸಾವಿರ ರೂ. ನಗದು ಹಾಗೂ ಪ್ರಶಸ್ತಿ ಪತ್ರ ನೀಡಿ ಗೌರವಿಸಿದ್ದಾರೆ.
