ಶಿವಮೊಗ್ಗ: ಗಾಂಜಾ ಮಾರಾಟ ಮಾಡುತ್ತಿದ್ದ ಐವರ ಬಂಧನ

ಗಾಂಜಾ ಮಾರಾಟ ಮಾಡುತ್ತಿದ್ದ ಐವರನ್ನು ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಠಾಣೆಯ ಪಿಎಸ್​ಐ ತಂಡ ಕಾರ್ಯಾಚರಣೆ ನಡೆಸಿ ಬಂಧಿಸಿದೆ.

ಶಿವಮೊಗ್ಗ: ತಾಲೂಕಿನ ಕಡೇಕಲ್ ಗ್ರಾಮದ ಬಳಿ ಗಾಂಜಾ ಮಾರಾಟ ಮಾಡುತ್ತಿದ್ದ ಐವರನ್ನು ಪೊಲೀಸರು ಬಂಧಿಸಿದ್ದಾರೆ.

ಸೊಳೆಬೈಲಿನ ದಾದಾಪೀರ್ ಅಲಿಯಾಸ್ ಬಚ್ಚಾ(24), ಮೊಹಮ್ಮದ್ ಉಸ್ಮಾನ್ ಅಲಿಯಾಸ್ ರೊಡ್ಡ(24), ಸಲೀಂ(25),‌ಸಮೀರ್(22) ಹಾಗೂ ಮೊಹಬೂಬ್ ಪಾಷಾ(25) ಬಂಧಿತರು.

ಆರೋಪಿಗಳಿಂದ 45 ಸಾವಿರ ರೂ. ಮೌಲ್ಯದ 1 ಕೆ.ಜಿ 120 ಗ್ರಾಂ ಗಾಂಜಾ ವಶಕ್ಕೆ ಪಡೆಯಲಾಗಿದೆ. ಜೊತೆಗೆ ಇವರ ಬಳಿ ಇದ್ದ 4 ಮಚ್ಚುಗಳನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ.