ಕುಷನ್​ ಅಂಗಡಿಯವ ಸಾಫ್ಟ್​ ಆಗಿರಲಿಲ್ಲ.. ಅಕ್ಕ ಪಕ್ಕದ ಅಂಗಡಿಯವರ ಜಗಳ ಭೀಕರ ಕೊಲೆಯಲ್ಲಿ ಅಂತ್ಯ

ಅಕ್ಕ- ಪಕ್ಕದ ಅಂಗಡಿಯವರ ನಡುವೆ ಕ್ಷುಲ್ಲಕ ಕಾರಣಕ್ಕಾಗಿ ನಡೆದ ಜಗಳ ಕೊಲೆಯಾಗಿ ಅಂತ್ಯವಾಗಿರುವ ಘಟನೆ ಶಿಕಾರಿಪುರದ ಶಿರಾಳಕೊಪ್ಪ ಪಟ್ಟಣದಲ್ಲಿ ನಡೆದಿದೆ.

ಶಿವಮೊಗ್ಗ: ಅಕ್ಕ- ಪಕ್ಕದ ಅಂಗಡಿಯವರ ನಡುವೆ ಕ್ಷುಲ್ಲಕ ಕಾರಣಕ್ಕಾಗಿ ನಡೆದ ಜಗಳ ಕೊಲೆಯಾಗಿ ಅಂತ್ಯವಾಗಿರುವ ಘಟನೆ ಶಿರಾಳಕೊಪ್ಪ ಪಟ್ಟಣದಲ್ಲಿ ನಡೆದಿದೆ.

ಶಿರಾಳಕೊಪ್ಪ ಪಟ್ಟಣದ ಜಯ ಕರ್ನಾಟಕ ರೈಸ್ ಕಾಂಪ್ಲೆಕ್ಸ್​ ಬಳಿ ಮೆಕಾನಿಕ್ ಶಾಪ್ ನಡೆಸುತ್ತಿದ್ದ ಜಾಫರ್ (28) ಕೊಲೆಯಾದ ಯುವಕ. ಜಾಫರ್​ನನ್ನು ಆತನ ಮೆಕಾನಿಕ್ ಶಾಪ್​ ಪಕ್ಕದ ಕುಷನ್ ಅಂಗಡಿಯವ ಕತ್ತು ಕುಯ್ದು ಕೊಲೆ ಮಾಡಿ ಪರಾರಿಯಾಗಿದ್ದಾನೆ.

ಕೊಲೆ ಮಾಡಿದ ವ್ಯಕ್ತಿಯ‌ ಹೆಸರು ಪತ್ತೆಯಾಗಿಲ್ಲ. ಘಟನಾ ಸ್ಥಳಕ್ಕೆ ಶಿರಾಳಕೊಪ್ಪ ಪೊಲೀಸರು ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಆರೋಪಿಗೆ ಪತ್ತೆಗೆ ಹುಡುಕಾಟ ನಡೆಸುತ್ತಿದ್ದಾರೆ.