ಶಿವಮೊಗ್ಗ: ನಗರದ್ಯಾಂತ ಭಾರೀ ಮಳೆ ಹಿನ್ನೆಲೆ ಶಿವಮೊಗ್ಗದ ಮಹಾನಗರ ಪಾಲಿಕೆಯ ಆಯುಕ್ತರು ಮುಂಜಾನೆಯಿಂದ ತಮ್ಮ ಎಲ್ಲಾ ಶಾಖೆಯ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಜೊತೆ ಮಾತುಕತೆ ನಡೆಸಿ ಮಳೆಯಿಂದ ಸಮಸ್ಯೆಗೊಳಗಾದ ಎಲ್ಲಾ ನಗರಗಳನ್ನು ವೀಕ್ಷಿಸಿ ತಕ್ಷಣ ಕ್ರಮ ಕೈಗೊಳ್ಳುವಂತೆ ಆದೇಶಿಸಿದ್ದಾರೆ.
ಪ್ರಮುಖವಾಗಿ ತುಂಗಾನಗರ, ಟಿಪ್ಪುನಗರ, ಗಾಂಧಾರಿನಗರ, ಆರ್.ಎಂ.ಎಲ್ ನಗರ, ಶಾರವತಿ ನಗರ, ಬಾಪೂಜಿನಗರ, ಹೊಳೆ ಬಸ್ ಸ್ಟಾಪ್ ಹತ್ತಿರ, ಸವಾಯಿಪಾಳ್ಯ, ಲಕ್ಕೊಳ್ಳಿ ಡ್ಯಾಂ ಬಳಿ, ವಿನೋಬನಗರ ಹಾಗೂ ಸಾಕಷ್ಟು ಕಾಲೋನಿಗಳು ಮತ್ತು ಮನೆಗಳಿಗೆ ನೀರು ನುಗ್ಗಿದ್ದರಿಂದಾಗಿ ಜನರ ಸಮಸ್ಯೆಗಳನ್ನು ಪರಿಶೀಲನೆ ಮಾಡಿ, ಉರುಳಿ ಬೀಳುವಂತಿರುವ ಮನೆಗಳಲ್ಲಿರುವವರನ್ನು ಗಂಜಿ ಕೇಂದ್ರದೆಡೆಗೆ ಕರೆದೊಯ್ಯುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.
ಮಹಾನಗರಪಾಲಿಕೆ ಅಧಿಕಾರಿಗಳಿಗೆ ನೀಡಿರುವ ಆದೇಶಗಳು:
1.ಎಲ್ಲಾ ಆರೋಗ್ಯಾಧಿಕಾರಿಗಳು, ಅಭಿಯಂತರರು, ರೆವಿನ್ಯೂ ಅಧಿಕಾರಿಗಳು ಮತ್ತು ಎಲ್ಲಾ ಶಾಖೆಯ ಮುಖ್ಯ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಈ ಕೂಡಲೇ ತಮಗೆ ಸಂಬಂಧಿಸಿದ ಎಲ್ಲಾ ವಾರ್ಡ್ಗಳಿಗೂ ಭೇಟಿ ನೀಡಿ ಅಲ್ಲಿನ ಸ್ಥಿತಿಗತಿಗಳನ್ನು ನಿಯಂತ್ರಿಸತಕ್ಕದ್ದು ಮತ್ತು ಅಗತ್ಯ ಕ್ರಮ ಕೈಗೊಳ್ಳತಕ್ಕದ್ದು.
2. DEWATERING ಕಾರ್ಯ ನಡೆಸಲು ನೀರು ನುಗ್ಗಿದ ಎಲ್ಲಾ ಮನೆಗಳಿಗೂ ತಕ್ಷಣ ಯು.ಜಿ.ಡಿ. ಮಷಿನ್ಗಳನ್ನು ಕಳಿಸುವಂತೆ ಆದೇಶ.
3.24X7 ಸಾಹಾಯವಾಣಿ ಸಂಖ್ಯೆ: 18004257677ಕ್ಕೆ ಯಾವುದೇ ಕ್ಷಣದಲ್ಲಿ ಸಹ ಕರೆ ಮಾಡಿ ಶಿವಮೊಗ್ಗ ಮಹಾನಗರ ಪಾಲಿಕೆಗೆ ಸಂಬಂಧಿಸಿದ ವರದಿ ಹಾಗೂ ಸಮಸ್ಯೆಗಳನ್ನು ಎಲ್ಲಾ ಸಾರ್ವಜನಿಕರಿಗೆ ತಿಳಿಸುವಂತೆ ಕೋರಿಕೆ.
4.ಬಿಲ್ ಕಲೆಕ್ಟರ್ಗಳು ಮತ್ತು ಎಲ್ಲಾ ರೆವಿನ್ಯು ಇನ್ಸ್ಪೆಕ್ಟರ್ಗಳು ವರದಿಗಳನ್ನು ತಯಾರಿಸಿ ತಕ್ಷಣ ಶಿವಮೊಗ್ಗ ತಹಾಶೀಲ್ದಾರ್ ಅವರಿಗೆ ಸಲ್ಲಿಸುವಂತೆ ಮತ್ತು ಶಿವಮೊಗ್ಗ ತಹಶೀಲ್ದಾರ್ ಅವರಿಗೂ ನೀಡುವಂತೆ ಆದೇಶ.
5. 3 ಕೇಂದ್ರಗಳಲ್ಲಿ ಗಂಜಿ ಕೇಂದ್ರಗಳು 24 ಗಂಟೆ ತೆರೆದಿದ್ದು, ಬಾಬೂಜಿ ನಗರ, ಶರಾವತಿ ನಗರ ಮತ್ತು ಟಪ್ಪು ನಗರದ ಕಡೆಗೆ ಜನರು ಈ ಕೂಡಲೇ ಬರುವಂತೆ ಸೂಚಿಸಿ.
6.ಮೇ ತಿಂಗಳಲ್ಲಿ ಮತ್ತು ಜೂನ್ ತಿಂಗಳಲ್ಲಿ 14 ಕಿ.ಮೀ ಎಸ್.ಡಬ್ಲ್ಯೂ.ಡಿ ಮತ್ತು ಇನ್ನಿತರ ಸಣ್ಣ ಚರಂಡಿಗಳನ್ನು ಸ್ವಚ್ಛಗೊಳಿಸಿ ನೀರು ಹರಿಯಲು ಅವಕಾಶವಾಗುವಂತೆ ಮತ್ತು ಎಲ್ಲೂ ಸಹ ಬ್ಲಾಕೇಜ್ ಆಗದಂತೆ ನಿಯಂತ್ರಿಸಲು ಅಭಿಯಂತರರಿಗೆ ಆದೇಶ.
