ಆಟ ಆಡುವಾಗ ಉರುಳಾಯ್ತ ವೇಲ್: 6 ವರ್ಷದ ಬಾಲಕಿ ದಾರುಣ ಸಾವು

ಮನೆಯಲ್ಲಿ ಆಟ ಆಡುವಾಗ ಆಕಸ್ಮಿಕವಾಗಿ ಕುತ್ತಿಗೆಗೆ ವೇಲ್ (ದುಪ್ಪಟ್ಟಾ)​ ಬಿಗಿದು ಆರು ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ತೀರ್ಥಹಳ್ಳಿ ತಾಲೂಕಿನ ಯಡೇಹಳ್ಳಿಕೆರೆಯಲ್ಲಿ ಸಂಭವಿಸಿದೆ.

ಶಿವಮೊಗ್ಗ: ಮನೆಯಲ್ಲಿ ಆಟ ಆಡುವಾಗ ಆಕಸ್ಮಿಕವಾಗಿ ಕುತ್ತಿಗೆಗೆ ವೇಲ್ (ದುಪ್ಪಟ್ಟಾ)​ ಬಿಗಿದು ಆರು ವರ್ಷದ ಬಾಲಕಿ ಮೃತಪಟ್ಟಿರುವ ಘಟನೆ ತೀರ್ಥಹಳ್ಳಿ ತಾಲೂಕಿನ ಯಡೇಹಳ್ಳಿಕೆರೆಯಲ್ಲಿ ಸಂಭವಿಸಿದೆ.

ಯಡೇಹಳ್ಳಿಕೆರೆ ಗ್ರಾಮದ ವಿಜಯ ಹಾಗೂ ಶಶಿಕಲಾ ಎಂಬುವರ ಪುತ್ರಿ ಹರ್ಷಿತಾ ಮೃತಪಟ್ಟವಳು. ಹರ್ಷಿತಾ ವೇಲ್​​ನ್ನು ಕಿಟಕಿಗೆ ಕಟ್ಟಿಕೊಂಡು ಜೋಕಾಲಿ ಆಟ ಆಡುತ್ತಿದ್ದಾಗ ವೇಲ್ ಆಕೆಯ ಕುತ್ತಿಗೆಗೆ ಬಿಗಿದುಕೊಂಡಿದೆ. ಬಾಲಕಿಯು ಉಸಿರುಗಟ್ಟಿ ಒದ್ದಾಡುವಾಗ ಕಂಡ ಆಕೆಯ ಅಣ್ಣ ಮನೆ ಹೊರಗೆ ಕೆಲಸ ಮಾಡುತ್ತಿದ್ದ ತನ್ನ ತಾಯಿಯನ್ನು ಕರೆದುಕೊಂಡು ಬರುವಷ್ಟರಲ್ಲಿ ಹರ್ಷಿತಾ ಸಾವನ್ನಪ್ಪಿದ್ದಾಳೆ ಎಂದು ತಿಳಿದುಬಂದಿದೆ.

ಈ ಕುರಿತು ತೀರ್ಥಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.