ಶಿವಮೊಗ್ಗದಲ್ಲಿ ಶಸ್ತ್ರಾಸ್ತ್ರಸಹಿತ ನಾಲ್ವರು ಅಂತರ್​​ರಾಜ್ಯ ಕಳ್ಳರ ಬಂಧನ

ಶಿವಮೊಗ್ಗದ ಗಾಂಧಿಬಜಾರ್​​ನಲ್ಲಿ ಸ್ಯಾಂಟ್ರೋ ಕಾರಿನಲ್ಲಿ‌ ಕುಳಿತು ನಾಲ್ವರು ಅಂತರ್​​ರಾಜ್ಯ ಕಳ್ಳರು ದರೋಡೆಗೆ ಹೊಂಚು ಹಾಕುತ್ತಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪೊಲೀಸರ ತಂಡ ನಾಲ್ವರನ್ನು ಬಂಧಿಸಿದೆ.

ಶಿವಮೊಗ್ಗ: ದರೋಡೆಗೆ ಯತ್ನಿಸುತ್ತಿದ್ದ ನಾಲ್ವರು ಅಂತರ್​​ರಾಜ್ಯ ಕಳ್ಳರನ್ನು ದೊಡ್ಡಪೇಟೆ ಪೊಲೀಸರು ಬಂಧಿಸಿದ್ದಾರೆ.

ಆರೋಪಿಗಳು ಶಿವಮೊಗ್ಗದ ಗಾಂಧಿಬಜಾರ್​ ಬಳಿ ಸ್ಯಾಂಟ್ರೋ ಕಾರಿನಲ್ಲಿ‌ ಕುಳಿತು ದರೋಡೆಗೆ ಯತ್ನಿಸುತ್ತಿದ್ದರು. ಈ ಬಗ್ಗೆ ಮಾಹಿತಿ ಪಡೆದ ಶಿವಮೊಗ್ಗ ಉಪ ವಿಭಾಗದ ಡಿವೈಎಸ್ಪಿ ಉಮೇಶ್ ನಾಯಕ್​​​ ಮತ್ತು ದೊಡ್ಡಪೇಟೆ ಸಿಪಿಐ ವಸಂತ ಕುಮಾರ್​​ ನೇತೃತ್ವದ ತಂಡ ದಾಳಿ ನಡೆಸಿದೆ.

ಮಧ್ಯಪ್ರದೇಶದ ಸುರೇಶ್ ಸಿಂಗ್ (20), ಕಮಲ್ ಸಿಂಗ್ (35) ರಾಜಸ್ಥಾನ ಮೂಲದ ರಣವೀರ್ ಸಿಂಗ್ (34) ಮತ್ತು ರಾಮಲಾಲ್ (21) ಬಂಧಿತರು.

ಬಂಧಿತರಿಂದ ಪಿಸ್ತೂಲು, ಕಾರು ವಶ

ಒಂದು ನಾಡ ಪಿಸ್ತೂಲು, 4 ಜೀವಂತ ಗುಂಡು, 1 ಚಾಕು, 4 ಮೊಬೈಲ್ ಹಾಗೂ ಒಂದು ಸ್ಯಾಂಟ್ರೋ ಕಾರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಆರೋಪಿಗಳನ್ನು ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗಿದೆ.