ಆಸ್ಪತ್ರೆಯ ಮೆಡಿಕಲ್ ವೇಸ್ಟೇಜ್ ಬಯಲಲ್ಲಿ ವಿಲೇವಾರಿ: ಸ್ಥಳೀಯರಲ್ಲಿ ಆತಂಕ

ಪುರಲೆ ಬಡಾವಣೆಯ ಸುಬ್ಬಯ್ಯ ಮೆಡಿಕಲ್ ಕಾಲೇಜಿನ ಕಸವನ್ನು ಆಸ್ಪತ್ರೆಯ ಅರ್ಧ ಕಿ.ಮೀ ದೂರದಲ್ಲಿ ಹಾಕಲಾಗುತ್ತಿದೆ. ಅಲ್ಲದೆ, ಬಯಲಲ್ಲೇ ಹಾಕಿ ಸುಡಲಾಗುತ್ತಿದೆ.

ಶಿವಮೊಗ್ಗ: ನಗರದ ಹೊರವಲಯದ ಸುಬ್ಬಯ್ಯ ಮೆಡಿಕಲ್ ಕಾಲೇಜ್ ಹಾಗೂ ಆಸ್ಪತ್ರೆಯ ತ್ಯಾಜ್ಯವನ್ನು ಬಯಲಲ್ಲೇ ಹಾಕಲಾಗುತ್ತಿದೆ.

ನಗರದ ಹೊರವಲಯದ ಪುರಲೆ ಬಡಾವಣೆಯ ಸುಬ್ಬಯ್ಯ ಮೆಡಿಕಲ್ ಕಾಲೇಜಿನ ವೇಸ್ಟ್​ಗಳನ್ನು ಆಸ್ಪತ್ರೆಯ ಅರ್ಧ ಕಿ.ಮೀ ದೂರದಲ್ಲಿ ಹಾಕಲಾಗುತ್ತಿದೆ. ಇದನ್ನು ಬಯಲಲ್ಲಿ ಹಾಕದೆ, ವೇಸ್ಟ್ ಮ್ಯಾನೇಜ್​ಮೆಂಟ್​ಗೆ ನೀಡಬೇಕು.‌ ಆದರೆ ಅದನ್ನು ಮಾಡದೆ ಬಯಲಲ್ಲೇ ಹಾಕಿ ಸುಡಲಾಗುತ್ತಿದೆ. ಇದರಿಂದ ಅಕ್ಕದ ಬಡಾವಣೆಯಲ್ಲಿ ವಿಷದ ಗಾಳಿ ಹರಡುತ್ತಿದೆ. ಅಲ್ಲದೆ ಪಕ್ಕದಲ್ಲೇ ಕೆರೆ ಇರುವುದರಿಂದ ಇದು ಇನ್ನಷ್ಟು ಅಪಾಯಕ್ಕೆ ಕಾರಣವಾಗಿದೆ.

ಹಾಗಾಗಿ ತಕ್ಷಣ ಸಂಬಂಧ ಪಟ್ಟ ಇಲಾಖೆಯವರು ಇತ್ತ ಗಮನ ಹರಿಸಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.