ನಿಖಿಲ್​ ವಿವಾಹ: ಕಾರ್ಯಕ್ರಮ ಸ್ಥಳ ಪರಿಶೀಲಿಸಿದ ಮಾಜಿ ಸಿಎಂ

ರಾಮ​ನ​ಗರ ತಮಗೆ ರಾಜ​ಕೀ​ಯ​ವಾಗಿ ಜನ್ಮ ನೀಡಿದೆ. ಹೀಗಾಗಿ ಜಿಲ್ಲೆಯ ಜನರ ಆಶೀ​ರ್ವಾದ ಮಗ​ನಿಗೂ ಸಿಗ​ಲಿ. ಈ ಕಾರಣಕ್ಕಾಗಿ ರಾಮನಗರದಲ್ಲೇ ಮದುವೆ ಮಾಡುತ್ತೇನೆ ಎಂದು ಇತ್ತೀಚೆಗೆ ಮಾಜಿ ಸಿಎಂ ಕುಮಾರಸ್ವಾಮಿ ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಸ್ಥಳ ಪರಿಶೀಲನೆ ನಡೆಸಿದ್ದಾರೆ.

ರಾಮ​ನ​ಗರ: ನಿಖಿಲ್‌ ಅವರ ವಿವಾಹ ಕಾರ್ಯ​ಕ್ರಮವನ್ನು ಅದ್ಧೂರಿಯಾಗಿ ನಡೆಸುವ ಹಿನ್ನೆಲೆ ರಾಮ​ನ​ಗರ ಮತ್ತು ಚನ್ನ​ಪ​ಟ್ಟಣ ಬಳಿಯ ಅರ್ಚ​ಕ​ರ​ಹಳ್ಳಿಯಲ್ಲಿ ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಅವರು 54 ಎಕರೆ ಪ್ರದೇಶವನ್ನು ಗುರುತಿಸಿ, ಪರಿ​ಶೀ​ಲ​ನೆ ನಡೆ​ಸಿ​ದ್ದಾರೆ‌.

ಫೆ.10ರಂದು ಬೆಂಗ​ಳೂ​ರಿ​ನಲ್ಲಿ ನಿಖಿಲ್‌ ನಿಶ್ಚಿ​ತಾರ್ಥ ನೆರ​ವೇ​ರ​ಲಿದ್ದು, ಹಿರಿಯರ ಸಮ್ಮು​ಖ​ದಲ್ಲಿ ಮದುವೆ ದಿನಾಂಕ ನಿಗ​ದಿ​ಯಾ​ಗ​ಲಿದೆ ಎಂದು ಹೇಳಿದ್ದರು. ಈ ಹಿನ್ನೆಲೆ ರಾಮ​ನ​ಗರ ಮತ್ತು ಚನ್ನ​ಪ​ಟ್ಟಣ ಬಳಿಯ ಅರ್ಚ​ಕ​ರ ​ಹಳ್ಳಿಯಲ್ಲಿ ಜಾಗ ಪರಿಶೀಲನೆ ನಡೆಸಿದ್ದಾರೆ.

ನಿಖಿಲ್​ ವಿವಾಹ ಕಾರ್ಯಕ್ರಮ ಸ್ಥಳ ಪರಿಶೀಲನೆ

ರಾಮ​ನ​ಗರ ತಮಗೆ ರಾಜ​ಕೀ​ಯ​ವಾಗಿ ಜನ್ಮ ನೀಡಿದೆ. ಹೀಗಾಗಿ ಜಿಲ್ಲೆಯ ಜನರ ಆಶೀ​ರ್ವಾದ ಮಗ​ನಿಗೂ ಸಿಗ​ಲಿ. ಈ ಕಾರಣಕ್ಕಾಗಿ ರಾಮನಗರದಲ್ಲೇ ಮದುವೆ ಮಾಡುತ್ತೇನೆ ಎಂದು ಇತ್ತೀಚೆಗೆ ಹೇಳಿದ್ದರು. ಇನ್ನು ಜಮೀ​ನಿನ ಮಾಲೀ​ಕರೊಂದಿಗೆ ಹೆಚ್​ಡಿಕೆ ಮಾತು​ಕತೆ ನಡೆ​ಸಿ​ದ್ದಾರೆ ಎನ್ನ​ಲಾ​ಗಿದೆ. 54 ಎಕರೆಯಲ್ಲಿ ಸೆಂಟ್ರಲ್‌ ಮುಸ್ಲಿಂ ಅಸೋ​ಸಿ​ಯೇ​ಷನ್‌(ಸಿ​ಎಂಎ) ಗೆ 22 ಎಕರೆ, ಉದ್ಯ​ಮಿ​ಯೊಬ್ಬರಿಗೆ 23 ಎಕರೆ ಜಮೀನು ಸೇರಿದ್ದು, ಅವರೊಂದಿಗೆ ಮಾತುಕತೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.

ಈ ಸ್ಥಳ ರಾಮ​ನ​ಗ​ರ​ದಿಂದ 5 ಕಿ.ಮೀ ಹಾಗೂ ಚನ್ನ​ಪ​ಟ್ಟಣದಿಂದ 8 ಕಿ.ಮೀ ದೂರ​ದ​ಲ್ಲಿದೆ. ಮೈಸೂರು-ಬೆಂಗ​ಳೂರು ಹೆದ್ದಾ​ರಿಯಲ್ಲಿಯೇ ಇರುವ ಈ ಜಾಗ ಸೂಕ್ತ​ವಾದ ಸ್ಥಳ​ವೆಂಬ ನಿರ್ಧಾ​ರಕ್ಕೆ ಬಂದಿ​ದ್ದು, ಭೋಜನ ವ್ಯವ​ಸ್ಥೆ ಹಾಗೂ ವಾಹ​ನ​ಗಳ ನಿಲು​ಗ​ಡೆ​ಗಾ​ಗಿಯೇ ಪ್ರತ್ಯೇಕ ಸ್ಥಳಗಳ ವ್ಯವಸ್ಥೆ ಮಾಡಲು ಉದ್ದೇ​ಶಿ​ಸಿ​ದ್ದಾರೆ ಎನ್ನಲಾಗಿದೆ.