ರಾಮನಗರದಲ್ಲಿ ರಿಮೋಟ್ ಐಸಿಯು ಘಟಕ ಉದ್ಘಾಟಿಸಿದ ಡಿಸಿಎಂ ಅಶ್ವತ್ಥ​ ನಾರಾಯಣ

ರಾಮನಗರದಲ್ಲಿ ಕೊರೊನಾ ಸೋಂಕಿತರ ಚಿಕಿತ್ಸೆಗೆಂದು ಮೀಸಲಿರಿಸುವ ಆಸ್ಪತ್ರೆಯಲ್ಲಿ ರಿಮೋಟ್​ ಐಸಿಯು ಘಟಕಕ್ಕೆ ಚಾಲನೆ ನೀಡಲಾಯಿತು. ಡಿಸಿಎಂ ಅಶ್ವತ್ಥ​ ನಾರಾಯಣ, ಸಚಿವ ನಾರಾಯಣ ಗೌಡ, ಮಾಗಡಿ ಶಾಸಕ ಎ.ಮಂಜುನಾಥ್​ ಜೊತೆಗೂಡಿ ಉದ್ಘಾಟನೆ ನೆರವೇರಿಸಿದ್ದಾರೆ.

ರಾಮನಗರ: ಇಲ್ಲಿನ ಕೊರೊನಾ ಚಿಕಿತ್ಸೆಗೆ ಮೀಸಲಿರಿಸಿರುವ ಆಸ್ಪತ್ರೆಯಲ್ಲಿ ಉಪಮುಖ್ಯಮಂತ್ರಿ ಆಶ್ವತ್ಥ ನಾರಾಯಣ ಐಸಿಯು ಘಟಕಕ್ಕೆ ಚಾಲನೆ ನೀಡಿದರು. ಈ ವೇಳೆ ಮಾತನಾಡಿದ ಅವರು, ರಾಮನಗರಕ್ಕೆ ಅಗತ್ಯವಾಗಿ ಬೇಕಾಗಿದ್ದ 16 ಬೆಡ್​​ನ ರಿಮೋಟ್​​ ಐಸಿಯು ಘಟಕ ತೆರೆಯಲಾಗಿದೆ ಎಂದರು.

ರಾಜ್ಯದ 1ಲಕ್ಷ ಜನರು ಹೊರ ರಾಜ್ಯದಲ್ಲಿದ್ದು, ಅಂಥವರನ್ನು ಕರೆಸಿಕೊಳ್ಳಲಾಗುತ್ತಿದೆ. ಹೀಗೆ ರಾಜ್ಯಕ್ಕೆ ಬಂದವರನ್ನು 14 ದಿನ ಕ್ವಾರಂಟೈನ್ ಮಾಡಲಾಗುತ್ತಿದೆ. ಪಾದರಾಯನಪುರ ಸೋಂಕಿತರ ಕರೆತರುವಲ್ಲಿ ಕೆಲವು ಸಮಸ್ಯೆಗಳಾಗಿದ್ದವು. ಅವರ ರಿಪೋರ್ಟ್​ ಬಂದ ಮೇಲೆ ಇಲ್ಲಿಗೆ ಕರೆತರಬೇಕಾಗಿತ್ತು ಎಂದಿದ್ದಾರೆ.

ಸಾಮಾಜಿಕ ಅಂತರ ಮರೆತ ಸಚಿವರ ತಂಡ:

ಐಸಿಯು ಘಟಕ ಉದ್ಘಾಟನೆ ವೇಳೆ ಸಚಿವರು ಸಾಮಾಜಿಕ ಅಂತರ ಮರೆತ ಘಟನೆ ನಡೆಯಿತು. ಸಚಿವರ ತಂಡ ಆಸ್ಪತ್ರೆಯ ಬಳಿ ಸಾಮಾಜಿಕ ಅಂತರ ಮರೆತು ಒಟ್ಟಿಗೆ ಸೇರಿದ್ದರು. ಡಿಸಿಎಂ ಡಾ.ಅಶ್ವತ್ಥ್‌ ನಾರಾಯಣ್, ಸಚಿವ ನಾರಾಯಣ ಗೌಡ, ಮಾಗಡಿ ಶಾಸಕ ಎ.ಮಂಜುನಾಥ್​​ ಮೂವರು ಒಟ್ಟಿಗೆ ಸೇರಿ ಉದ್ಘಾಟನೆಯಲ್ಲಿ ಪಾಲ್ಗೊಂಡಿದ್ದರು. ಆದರೆ ಈ ವೇಳೆ ಸಚಿವರ ಜೊತೆ ಹಲವು ಜನ ಸೇರಿದ್ದರು. ಇಲ್ಲಿ ಸಾಮಾಜಿಕ ಅಂತರ ಮರೆತು ಸೇರಿದ್ದು ಕಂಡುಬಂತು.