ರಾಯಚೂರು: ಚಂದ್ರಯಾನ-2ನ ಲ್ಯಾಂಡರ್ ಹಾಗೂ ರೋವರ್ 2019 ಸೆ. 7ರಂದು ಚಂದ್ರನ ಅಂಗಳದ ಮೇಲೆ ಇಳಿಯಲಿದೆ. ಇಸ್ರೋದ ಈ ಮಹಾನ್ ಕಾರ್ಯದ ನೇರ ಪ್ರಸಾರವನ್ನ ಪ್ರಧಾನಿ ಖುದ್ದು ಬೆಂಗಳೂರಿನ ಇಸ್ರೋ ಕೇಂದ್ರದಲ್ಲಿ ವೀಕ್ಷಣೆ ಮಾಡಲಿದ್ದಾರೆ. ಈ ವೇಳೆ ಪ್ರಧಾನಿ ಜತೆಗೆ ಸಿಂಧನೂರಿನ ವಿದ್ಯಾರ್ಥಿನಿಗೆ ಸಹ ಆ ರೋಚಕ ಕ್ಷಣಗಳನ್ನ ವೀಕ್ಷಣೆ ಮಾಡುವ ಅದೃಷ್ಟ ಒಲಿದಿದೆ.
ರಾಯಚೂರು ಜಿಲ್ಲೆಯ ಸಿಂಧನೂರು ಡಾಫಡಿಲ್ ಕಾನ್ಸೆಪ್ಟ್ ಶಾಲೆಯ ವಿದ್ಯಾರ್ಥಿನಿ ಜಿ.ವೈಷ್ಣವಿ ಈ ಅದೃಷ್ಟ ಪಡೆದುಕೊಂಡಿದ್ದಾಳೆ. ಸೆ. 7ರಂದು ಚಂದ್ರನ ಅಂಗಳದ ಮೇಲೆ ಚಂದ್ರಯಾನ-2 ಇಳಿಯಲಿದೆ. ಇದನ್ನ ನೋಡಲು ಇಸ್ರೋದಿಂದ ದೇಶದ ಎಲ್ಲ ರಾಜ್ಯಗಳ ಪ್ರೌಢ ಶಾಲಾ ವಿದ್ಯಾರ್ಥಿಗಳಿಗೆ ಕಳೆದ ಆ. 25 ಆನ್ಲೈನ್ ರಸಪ್ರಶ್ನೆ ಪರೀಕ್ಷೆ ಏರ್ಪಡಿಸಲಾಗಿತ್ತು. ಈ ಆನ್ಲೈನ್ ಪರೀಕ್ಷೆಯಲ್ಲಿ ಲಕ್ಷಾಂತರ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು ಭಾಗವಹಿಸಿದ್ರು.
ಇವರಲ್ಲಿ ರಾಯಚೂರು ಜಿಲ್ಲೆಯ ಸಿಂಧನೂರು ತಾಲೂಕಿನ ಡಾಫಡಿಲ್ ಕಾನ್ಸೆಪ್ಟ್ ಶಾಲೆಯ ವಿದ್ಯಾರ್ಥನಿ ಜಿ.ವೈಷ್ಣವಿ ಪರೀಕ್ಷೆಯಲ್ಲಿ ಪಾಸ್ ಆಗುವ ಮೂಲಕ ಸೆ. 7ರಂದು ಪ್ರಧಾನಿ ಮೋದಿಯ ಜತೆಯಲ್ಲಿ ಕುಳಿತು ಚಂದ್ರಯಾನ-2 ಇಳಿಯುವ ದೃಶ್ಯ ನೋಡುವ ಭಾಗ್ಯ ಪಡೆದುಕೊಂಡಿದ್ದಾಳೆ.
