ದೆಹಲಿಗೆ ಹೋಗಿ ಬಂದವರ ಮೇಲೆ ನಿಗಾ ವಹಿಸಲಾಗಿದೆ: ರಾಯಚೂರು ಎಸ್​ಪಿ

ದೆಹಲಿಯಲ್ಲಿ ನಡೆದ ಧಾರ್ಮಿಕ ಕಾರ್ಯಕ್ರಮಕ್ಕೆ ಏಳು ಜನ ಹೋಗಿದ್ದರು. ಆದ್ರೆ ಅವರ್ಯಾರೂ ನಿಜಾಮುದ್ದೀನ್ ಧರ್ಮಸಭೆಗೆ ತೆರಳಿರಲಿಲ್ಲ. ಅಲ್ಲೇ ಸುತ್ತಮುತ್ತಲಿನ ಪ್ರದೇಶಕ್ಕೆ ಹೋಗಿ ಹಿಂತಿರುಗಿದ್ದಾರೆ ಎಂದು ಎಸ್​ಪಿ ಡಾ. ಸಿ. ಬಿ. ವೇದಮೂರ್ತಿ ತಿಳಿಸಿದ್ದಾರೆ.

ರಾಯಚೂರು : ನಿಜಾಮುದ್ದೀನ್ ಪ್ರದೇಶದ ಮಸೀದಿಯಲ್ಲಿ ನಡೆದ ಧರ್ಮಸಭೆಗೂ ಮುನ್ನ ದೆಹಲಿಗೆ ಹೋಗಿ ಬಂದವರಿಗೆ ಆರೋಗ್ಯ ತಪಾಸಣೆ ಮಾಡಲಾಗುತ್ತಿದೆ ಎಂದು ಎಸ್​ಪಿ ಡಾ.ಸಿ.ಬಿ ವೇದಮೂರ್ತಿ ಹೇಳಿದ್ದಾರೆ.

ದೆಹಲಿಗೆ ಏಳು ಜನ ಹೋಗಿದ್ದು ಅವರ್ಯಾರೂ ನಿಜಾಮುದ್ದೀನ್ ಧರ್ಮಸಭೆಯಲ್ಲಿ ಪಾಲ್ಗೊಂಡಿಲ್ಲ. ಅಲ್ಲೇ ಸುತ್ತಮುತ್ತಲಿನ ಪ್ರದೇಶಕ್ಕೆ ಹೋಗಿ ಹಿಂದಿರಿಗಿದ್ದಾರೆ. ಅಲ್ಲಿಗೆ ಹೋಗಿದ್ದ 7 ಮಂದಿಯ ಪೈಕಿ 6 ಜನ ವಾಪಸ್ ಬಂದಿದ್ದು, ಇನ್ನೊಬ್ಬರು ದೆಹಲಿಯಲ್ಲಿಯೇ ಇದ್ದಾರೆ. ಅಲ್ಲಿಗೆ ಹೋಗಿ ಬಂದವರನ್ನ ಹೋಮ್ ಕ್ವಾರಂಟೇನ್ ಮಾಡುವ ಮೂಲಕ ನಿಗಾ ವಹಿಸಲಾಗಿದೆ ಎಂದು ಅವರು ತಿಳಿಸಿದರು.