ರಾಯಚೂರಿನಲ್ಲಿ ಹೆಚ್ಚುತ್ತಿವೆ ನೀರು ಪಾಲು ಪ್ರಕರಣಗಳು: ಇದರಲ್ಲಿ ಮಕ್ಕಳ ಸಂಖ್ಯೆಯೇ ಹೆಚ್ಚು

ರಾಯಚೂರಲ್ಲಿ ಕಳೆದ ಮೂರು ವರ್ಷಗಳಿಂದ ನೂರಾರು ಮಕ್ಕಳು ಸೇರಿದಂತೆ ಜನರು ನೀರುಪಾಲಾಗುತ್ತಿರುವ ಪ್ರಕರಣಗಳು ವಿವಿಧ ಠಾಣೆಗಳಲ್ಲಿ ದಾಖಲಾಗಿದ್ದು, ಬೆಳಕಿಗೆ ಬಂದಿದೆ ಎಂದು ಈಟಿವಿ ಭಾರತ್​ಗೆ ಮಾಹಿತಿ ನೀಡಿದರು.

ರಾಯಚೂರು: ಜಿಲ್ಲೆಯಲ್ಲಿ ಕಳೆದ ಮೂರು ವರ್ಷಗಳಿಂದ ನೂರಾರು ಮಕ್ಕಳು ಸೇರಿದಂತೆ ಜನರು ನೀರುಪಾಲಾಗುತ್ತಿರುವ ಪ್ರಕರಣಗಳು ವಿವಿಧ ಠಾಣೆಗಳಲ್ಲಿ ದಾಖಲಾಗಿದ್ದು, ಬೆಳಕಿಗೆ ಬಂದಿದೆ.

ಈ ಕುರಿತಂತೆ ಈಟಿವಿ ಭಾರತದೊಂದಿಗೆ ಮಾತನಾಡಿದ ಎಸ್ಪಿ ಡಾ.ಸಿ.ಬಿ.ವೇದಮೂರ್ತಿ ಅವರು, ಕೃಷಿ ಹೊಂಡ, ಕೆರೆ, ಬಾವಿ, ಕಾಲುವೆಯಲ್ಲಿ ಈಜಲು, ನೀರು ತರಲು ಹೋಗಿ ನೂರಾರು ಜನರು ಜೀವ ಕಳೆದುಕೊಂಡಿದ್ದು, ಇದರಲ್ಲಿ ಮಕ್ಕಳ ಸಂಖ್ಯೆಯೇ ಹೆಚ್ಚಾಗಿದೆ.

ವರ್ಷವಾರು ಮೃತಪಟ್ಟವರ ಮಾಹಿತಿ:

• 2018-2019ರ ಸಾಲಿನಲ್ಲಿ 41 ಜನ
• 2019-2020ರ ಸಾಲಿನಲ್ಲಿ 50 ಜನ
• 2020 ಪ್ರಸಕ್ತ ಸಾಲಿನಲ್ಲಿ 30 ಜನ ಸಾವನ್ನಪ್ಪಿದ್ದಾರೆ

ಈ ಮೇಲಿನ ವರದಿಯಲ್ಲಿ ಮೃತಪಟ್ಟವರಲ್ಲಿ ಮಕ್ಕಳ ಸಂಖ್ಯೆಯೇ ಹೆಚ್ಚಾಗಿದೆ. ಪುಟ್ಟ ಮಕ್ಕಳು ನೀರು ತರಲೆಂದು ಹೋದಾಗ ಆಕಸ್ಮಿಕವಾಗಿ ನೀರಿನಲ್ಲಿ ಬಿದ್ದು, ಈಜಲು ಬಾರದೇ ಸಾವನ್ನಪ್ಪಿರುವ ಉದಾಹರಣೆಗಳು ಕೂಡ ಇವೆ. ಲಾಕ್‌ಡೌನ್​ನಿಂದಾಗಿ ಮಕ್ಕಳು ಮನೆಯಲ್ಲಿದ್ದು, ಈಜಲು ತೆರಳಿದಾಗ ನೀರುಪಾಲು ಆಗಿರುವುದು ದುರ್ಘಟನೆ ಕಾರಣವಾಗಿದೆ.

ಆದರೆ, ಕಳೆದ ಎರಡು ವರ್ಷಗಳ ಅವಧಿಯಲ್ಲಿ 91 ಜನ ಮೃತಪಟ್ಟಿದ್ದಾರೆ. ಪ್ರಸಕ್ತ ಸಾಲಿನ 5 ತಿಂಗಳಲ್ಲಿ 30 ಜನ ನೀರುಪಾಲಾಗಿದ್ದಾರೆ. ಹಾಗಾಗಿ ಪೋಷಕರು ಮಕ್ಕಳನ್ನು ಕೆರೆ, ಬಾವಿ, ಕಾಲುವೆ, ಹಳ್ಳ-ಕೊಳ್ಳಗಳಿಗೆ ತೆರಳದಂತೆ ನೋಡಿಕೊಳ್ಳಬೇಕೆಂದು ಮನವಿ ಮಾಡಿದರು.