ರಾಯಚೂರು : ನಗರದ ರಾಜಕಾಲುವೆಯಲ್ಲಿ ಖಾಸಗಿ ಹೊಟೇಲ್ನವರು ಕಟ್ಟಡಗಳ ಅವಶೇಷಗಳು ಮತ್ತು ತ್ಯಾಜ್ಯವಸ್ತುಗಳನ್ನು ರಾಜರೋಷವಾಗಿ ಸುರಿಯುತ್ತಿದ್ದು, ಚರಂಡಿ ನೀರು ಹರಿಯುವಿಕೆಗೆ ಅಡಚಣೆ ಉಂಟಾಗಿದೆ. ಅದರೆ ಈ ಕುರಿತು ನಗರ ಪಾಲಿಕೆ ಸುಮ್ಮನಿರುವುದು ಸಾರ್ವಜನಿಕರ ಅಸಮಾಧಾನಕ್ಕೆ ಕಾರಣವಾಗಿದೆ.
ನಗರದ ಅಂಬೇಡ್ಕರ್ ಸರ್ಕಲ್ ಬಳಿ ಹಾದು ಹೋಗಿರುವ ರಾಜ ಕಾಲುವೆಯಲ್ಲಿ ಹಾಡುಹಾಗಲೇ ರಾಜಾರೋಷವಾಗಿ ಕಟ್ಟಡದ ಅವಶೇಷಗಳನ್ನು ಟ್ರ್ಯಾಕ್ಟರ್ ಮೂಲಕ ತಂದು ಸುರಿಯಲಾಗುತ್ತಿದೆ. ಮೊದಲೇ ರಾಜಕಾಲುವೆಯಲ್ಲಿ ಕಸ ತುಂಬಿದ್ದು ಚರಂಡಿ ನೀರು ನಿಂತಲ್ಲೇ ನಿಂತಿದೆ. ಇದರ ನಡುವೆ ಖಾಸಗಿ ಹೊಟೇಲ್ನವರು ತಾಜ್ಯ ಮತ್ತು ಕಟ್ಟಡದ ಅವಶೇಷಗಳನ್ನು ಸುರಿಯುತ್ತಿರುವುದರಿಂದ ನೀರು ಹರಿಯುವಿಕೆ ಸಂಪೂರ್ಣ ಬಂದ್ ಆಗಿದೆ.
ರಾಜಕಾಲುವೆ ಸೇರುತ್ತಿದೆ ಹೊಟೇಲ್ಗಳ ತ್ಯಾಜ್ಯ
ಈ ರೀತಿ ಕಸ ಸುರಿಯುವ ಮೂಲಕ ಮುಂದಿನ ದಿನಗಳಲ್ಲಿ ಜಾಗವನ್ನೇ ಒತ್ತುವರಿ ಮಾಡಬಹುದಾ? ಎನ್ನುವ ಅನುಮಾನವೂ ಸಾರ್ವಜನಿಕರನ್ನು ಕಾಡುತ್ತಿದೆ.
