ಮೈಸೂರು: ನಗರ ಸೌಂದರ್ಯವಾಗಿರಲು ಹಾಗೂ ಸ್ವಚ್ಛವಾಗಿರಲು ಶ್ರಮಿಸುವ ಪೌರಕಾರ್ಮಿಕರಿಗೆ ಜಿಲ್ಲಾಡಳಿತದ ವತಿಯಿಂದ ಸಹಭೋಜನ ಕಾರ್ಯಕ್ರಮ ಆಯೋಜನ ಏರ್ಪಡಿಸಲಾಗಿತ್ತು.
ಪೌರಕಾರ್ಮಿಕರೊಂದಿಗೆ ಸಹಭೋಜನ ಸವಿದ ಸಚಿವ ವಿ. ಸೋಮಣ್ಣ
ನಗರದ ರಾಜೇಂದ್ರ ಭವನದಲ್ಲಿ ನಡೆದ ಸಹಭೋಜನ ಕಾರ್ಯಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ವಿ.ಸೋಮಣ್ಣ ಅವರು, ಪೌರಕಾರ್ಮಿಕರಾಗಿ ಭೋಜನ ಬಡಿಸಿ, ತಾವು ಕೂಡ ಅವರೊಟ್ಟಿಗೆ ಕುಳಿತು ಊಟ ಮಾಡಿದರು.
ನಂತರ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ನಗರವನ್ನು ಸ್ವಚ್ಛಮಾಡುವ ಪೌರಕಾರ್ಮಿಕರೊಂದಿಗೆ ಸಹಭೋಜನ ಮಾಡುವ ಮೂಲಕ ಅವರೊಂದಿಗೆ ಆತ್ಮೀಯತೆ ಬೆಳೆಯುವುದು ಎಂದರು.
ಚಾಮುಂಡೇಶ್ವರಿ ಉತ್ಸವ ಮೂರ್ತಿಗೆ ಜಿಲ್ಲಾಡಳಿತದಿಂದಲ್ಲೇ ಸೀರೆ: ದಸರಾ ಮೆರವಣಿಗೆ ಅಂಬಾರಿಯಲ್ಲಿ ಸಾಗುವ ಚಾಮುಂಡೇಶ್ವರಿ ಉತ್ಸವ ಮೂರ್ತಿಗೆ ಯಾರು ಕೊಡಿಸುವ ಸೀರೆ ತೊಡಿಸದಂತೆ ಸೂಚನೆ ನೀಡಲಾಗಿದ್ದು ಜಿಲ್ಲಾಡಳಿತದಿಂದಲೇ ಸೀರೆ ತೊಡಿಸುವಂತೆ ಸೂಚಿಸಲಾಗಿದೆ ಎಂದರು.
