ಈ ಸಸ್ಯದಲ್ಲಿ ಅಡಗಿದೆ ಆರೋಗ್ಯದ ಹಲವು ಲಾಭಗಳು: ಶುಗರ್​ & ದೇಹದ ತೂಕ ನಿಯಂತ್ರಣಕ್ಕೆ ಸಹಾಯ ಮಾಡುತ್ತೆ!

ಬರ್ಬೆರಿಸ್ ಅರಿಸ್ಟಾಟಾ ಸಸ್ಯದಿಂದ ಆರೋಗ್ಯಕ್ಕೆ ಹಲವು ಲಾಭಗಳು ದೊರೆಯುತ್ತವೆ. ಯಾವೆಲ್ಲಾ ಕಾಯಿಲೆಗಳಿಗೆ ಈ ಸಸ್ಯವು ಪರಿಹಾರ ನೀಡುತ್ತದೆ ಎಂಬುದನ್ನು ತಜ್ಞರು ತಿಳಿಸಿರುವ ಸಲಹೆಗಳನ್ನು ಅರಿತುಕೊಳ್ಳೋಣ ಬನ್ನಿ.

Berberis aristata plant health benefits: ಬರ್ಬೆರಿಸ್ ಅರಿಸ್ಟಾಟಾ ಸಸ್ಯವನ್ನು ಇಂಡಿಯನ್​ ಬಾರ್ಬೆರ್ರಿ, ದಾರು ಹಲ್ದಿ ಎಂದೂ ಕರೆಯುತ್ತಾರೆ. ಇದರ ಸಸ್ಯಶಾಸ್ತ್ರೀಯ ಹೆಸರು Berberis aristata. ಇದು ಔಷಧೀಯ ಮೂಲಿಕೆ ಮತ್ತು ಬಾರ್ಬರಿಡೇಸಿ ಕುಟುಂಬಕ್ಕೆ ಸೇರಿದೆ. ಇದನ್ನು ಆಯುರ್ವೇದ ವೈದ್ಯಕೀಯ ಪದ್ಧತಿಯಲ್ಲಿ ಬಹಳ ಹಿಂದಿನಿಂದಲೂ ಬಳಸಲಾಗುತ್ತಿದೆ. ಈ ಪ್ರಕಾರದ ಸಸ್ಯಗಳು ಹಿಮಾಲಯ, ಭೂತಾನ್, ಶ್ರೀಲಂಕಾ ಮತ್ತು ನೇಪಾಳದ ಗುಡ್ಡಗಾಡು ಪ್ರದೇಶಗಳಲ್ಲಿ ಕಂಡು ಬರುತ್ತವೆ.

ಇದು ಹಿಮಾಲಯ ಪ್ರದೇಶದಲ್ಲಿ 2,000 ರಿಂದ 3,000 ಮೀಟರ್ ಎತ್ತರದಲ್ಲಿ ಬೆಳೆಯುತ್ತದೆ. ದಾರು ಹಲ್ದಿ ಅಥವಾ ಬರ್ಬೆರಿಸ್ ಅರಿಸ್ಟಾಟಾ ಸಸ್ಯದ ಹಣ್ಣು ಮತ್ತು ಕಾಂಡವನ್ನು ಅದರ ಔಷಧೀಯ ಪ್ರಯೋಜನಗಳಿಗಾಗಿ ವ್ಯಾಪಕವಾಗಿ ಬಳಸಲಾಗುತ್ತದೆ. ಇದರ ಹಣ್ಣು ತಿನ್ನಲು ಯೋಗ್ಯವಾಗಿದೆ ಮತ್ತು ಇದರಲ್ಲಿ ವಿಟಮಿನ್-ಸಿ ಸಮೃದ್ಧವಾಗಿದೆ.

ಉರಿಯೂತ ಮತ್ತು ಸೋರಿಯಾಸಿಸ್‌ ನಿವಾರಣೆಗೆ ಅನುಕೂಲ: ಬರ್ಬೆರಿಸ್ ಅರಿಸ್ಟಾಟಾವು ಉರಿಯೂತ ಮತ್ತು ಸೋರಿಯಾಸಿಸ್‌ನಂತಹ ಚರ್ಮದ ಸಮಸ್ಯೆಗಳಿಗೆ ಮುಖ್ಯವಾಗಿ ಪ್ರಯೋಜನಕಾರಿಯಾಗಿದೆ. ಏಕೆಂದರೆ, ಇದು ಉರಿಯೂತದ ಮತ್ತು ಸೋರಿಯಾಸಿಸ್ ವಿರೋಧಿ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಮೊಡವೆ ಉಂಟುಮಾಡುವ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯುವ ಮೂಲಕ ಮೊಡವೆಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಮತ್ತು ಬರ್ಬೆರಿಸ್ ಅರಿಸ್ಟಾಟಾ ಸಸ್ಯವು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ.

ಯಕೃತ್ತನ್ನು ರಕ್ಷಿಸಲು ಸಹಾಯ: ಆಯುರ್ವೇದದ ಪ್ರಕಾರ, ಬರ್ಬೆರಿಸ್ ಅರಿಸ್ಟಾಟಾ ಪುಡಿಯನ್ನು ಜೇನುತುಪ್ಪ ಅಥವಾ ರೋಸ್ ವಾಟರ್‌ನೊಂದಿಗೆ ಸುಟ್ಟ ಜಾಗಕ್ಕೆ ಹಚ್ಚುವುದರಿಂದ ವೇಗವಾಗಿ ಗುಣವಾಗುತ್ತದೆ. ಬರ್ಬೆರಿಸ್ ಅರಿಸ್ಟಾಟಾವು ಯಕೃತ್ತನ್ನು ರಕ್ಷಿಸಲು ಸಹಾಯ ಮಾಡುತ್ತದೆ. ಮತ್ತು ಯಕೃತ್ತಿನ ಕಿಣ್ವಗಳ ಮಟ್ಟವನ್ನು ನಿರ್ವಹಿಸುವುದರಿಂದ ಯಕೃತ್ತಿನ ಅಸ್ವಸ್ಥತೆಗಳನ್ನು ತಡೆಯುತ್ತದೆ.

ಉತ್ಕರ್ಷಣ ನಿರೋಧಕ: ಇದು ಉತ್ಕರ್ಷಣ ನಿರೋಧಕ, ಉರಿಯೂತದ ಮತ್ತು ಹೆಪಟೊಪ್ರೊಟೆಕ್ಟಿವ್ ಗುಣಲಕ್ಷಣಗಳನ್ನು ಹೊಂದಿರುವ ಕಾರಣ ಇದು ಸ್ವತಂತ್ರ ರಾಡಿಕಲ್​ಗಳಿಂದ ಉಂಟಾಗುವ ಹಾನಿಯಿಂದ ಯಕೃತ್ತಿನ ಜೀವಕೋಶಗಳನ್ನು ರಕ್ಷಿಸುತ್ತದೆ. ಮಲೇರಿಯಾ ವಿರೋಧಿ ಗುಣಲಕ್ಷಣಗಳಿಂದಾಗಿ ಮಲೇರಿಯಾ ಪರಾವಲಂಬಿಗಳ ಬೆಳವಣಿಗೆಯನ್ನು ತಡೆಯುವುದರಿಂದ ಇದನ್ನು ಮಲೇರಿಯಾ ನಿರ್ವಹಣೆಗೆ ಬಳಸಲಾಗುತ್ತದೆ. ಇದರಲ್ಲಿನ ಆ್ಯಂಟಿಮೈಕ್ರೊಬಿಯಲ್ ಚಟುವಟಿಕೆಯಿಂದಾಗಿ ಅತಿಸಾರಕ್ಕೆ ಕಾರಣವಾದ ಸೂಕ್ಷ್ಮಜೀವಿಗಳ ಬೆಳವಣಿಗೆಯನ್ನು ಪ್ರತಿಬಂಧಿಸುತ್ತದೆ. ಅತಿಸಾರ ಸಮಸ್ಯೆ ಪರಿಹಾರಕ್ಕೆ ಪ್ರಯೋಜನಕಾರಿಯಾಗಿದೆ.

ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಿಸುತ್ತೆ: ಗ್ಲೂಕೋಸ್ ಚಯಾಪಚಯವನ್ನು ಹೆಚ್ಚಿಸುವ ಮೂಲಕ ಮತ್ತು ಗ್ಲೂಕೋಸ್‌ನ ಮತ್ತಷ್ಟು ರಚನೆಯನ್ನು ತಡೆಯುವ ಮೂಲಕ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿರ್ವಹಿಸಲು ಬರ್ಬೆರಿಸ್ ಅರಿಸ್ಟಾಟಾ ಪ್ರಯೋಜನಕಾರಿಯಾಗಿದೆ. ಇದು ದೇಹದಲ್ಲಿನ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಮತ್ತು ದೇಹದಲ್ಲಿ ಕೊಬ್ಬಿನ ಕೋಶಗಳ ರಚನೆಯನ್ನು ತಡೆಯುವ ಮೂಲಕ ತೂಕ ನಿರ್ವಹಣೆಗೆ ಸಹಾಯ ಮಾಡುತ್ತದೆ. ಇದು ಪ್ರಬಲವಾದ ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿರುವ ಬರ್ಬೆರಿಸ್ ಅರಿಸ್ಟಾಟಾದಲ್ಲಿರುವ ಬೆರ್ಬೆರಿನ್ ಎಂಬ ಸಕ್ರಿಯ ಘಟಕಾಂಶದ ಕಾರಣದಿಂದಾಗಿರುತ್ತದೆ.

ನೀವು ಬರ್ಬೆರಿಸ್ ಅರಿಸ್ಟಾಟಾ ಪುಡಿಯನ್ನು ಜೇನುತುಪ್ಪ ಅಥವಾ ಹಾಲಿನೊಂದಿಗೆ ತೆಗೆದುಕೊಳ್ಳಬಹುದು ಇದು ಅತಿಸಾರ ಮತ್ತು ಮುಟ್ಟಿನ ರಕ್ತಸ್ರಾವವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ನೀವು ಮಾರುಕಟ್ಟೆಯಲ್ಲಿ ಸುಲಭವಾಗಿ ಲಭ್ಯವಿರುವ 1-2 (ಬರ್ಬೆರಿಸ್ ಅರಿಸ್ಟಾಟಾ) ದಾರುಹರಿದ್ರಾ ಮಾತ್ರೆಗಳು ಅಥವಾ ಕ್ಯಾಪ್ಸುಲ್ಸ್​ನ್ನು ದಿನಕ್ಕೆ ಎರಡು ಬಾರಿ ತೆಗೆದುಕೊಳ್ಳಬಹುದು.

ಬರ್ಬೆರಿಸ್ ಅರಿಸ್ಟಾಟಾವನ್ನು ಹೇಗೆ ಬಳಸೋದು?:

• ದಾರುಹರಿದ್ರ (ಬರ್ಬೆರಿಸ್ ಅರಿಸ್ಟಾಟಾ) ಚೂರ್ಣ
• ದಾರುಹರಿದ್ರಾ ಕ್ಯಾಪ್ಸುಲ್ಸ್​
• ದಾರುಹರಿದ್ರ ಕಷಾಯದ ರೂಪದಲ್ಲೂ ತೆಗೆದುಕೊಳ್ಳಬಹುದು

ಬರ್ಬೆರಿಸ್ ಅರಿಸ್ಟಾಟಾ ಸಸ್ಯದ ಬಗೆಗಿನ ಇನ್ನೂ ಕೆಲವು ವಿಷಯಗಳು:

• ಬರ್ಬೆರಿಸ್ ಅರಿಸ್ಟಾಟಾವನ್ನು ಯುರೋಪ್ ಮತ್ತು ಏಷ್ಯಾದಿಂದ ಉತ್ತರ ಅಮೆರಿಕಾಕ್ಕೆ ತರಲಾಯಿತು.
• ಬರ್ಬೆರಿಸ್ ಅರಿಸ್ಟಾಟಾವನ್ನು 2,500 ವರ್ಷಗಳಿಂದ ಔಷಧೀಯವಾಗಿ ಬಳಸಲಾಗುತ್ತಿದೆ.
• ಬರ್ಬೆರಿಸ್ ಅರಿಸ್ಟಾಟಾ ಕಡಿಮೆ ಕ್ಯಾಲೋರಿ ಹೊಂದಿದೆ. ಇದು ಹೆಚ್ಚಿನ ಪ್ರಮಾಣದ ಜೀವಸತ್ವಗಳು ಮತ್ತು ಖನಿಜಗಳನ್ನು ಹೊಂದಿರುತ್ತದೆ.

ಹೆಚ್ಚಿನ ಮಾಹಿತಿಗಾಗಿ ಈ ವೆಬ್​ಸೈಟ್​ಗಳನ್ನು ವೀಕ್ಷಿಸಬಹುದು:

https://pubmed.ncbi.nlm.nih.gov/32507431/

https://www.sciencedirect.com/science/article/abs/pii/S0965229920302235

https://www.sciencedirect.com/topics/pharmacology-toxicology-and-pharmaceutical-science/berberine

https://www.webmd.com/vitamins-and-supplements/health-benefits-of-barberries

ಓದುಗರಿಗೆ ಮುಖ್ಯ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಹಾಗೂ ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ನೀಡಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣಿತ ವೈದ್ಯರ ಸಲಹೆಗಳನ್ನು ತೆಗೆದುಕೊಳ್ಳುವುದು ಒಳ್ಳೆಯದು.

ಇವುಗಳನ್ನು ಓದಿ: