ಬೀಜೋತ್ಸವಕ್ಕೆ ಹರಿದು ಬಂದ ಜನಸಾಗರ ... ನೈಸರ್ಗಿಕ ಕೃಷಿಗೆ ಪ್ರೇರಕ

ಬಿತ್ತಿದರೆ ಕಾಳು ಹನಿ ಹನಿಯಾಗಿ ಬರ್ತಾಳೆ ತಾಯಿ ತೆನೆ ತೆನೆಯಾಗಿ ಎಂಬ ಧ್ಯೇಯ ವಾಕ್ಯದೊಂದಿಗೆ ಎರಡು ದಿನಗಳ ಕಾಲ ಈ ಬೀಜೋತ್ಸವ ಮೇಳ ನಡೆಯಲಿದೆ.

ಮೈಸೂರು: ದೇಶೀಯತೆ ಫಸಲಿನ ಬೀಜೋತ್ಸವಕ್ಕೆ ಜನಸಾಗರವೇ ಹರಿದುಬರುತ್ತಿದೆ. ಸಾವಯವ ಕೃಷಿಯ ಆರೋಗ್ಯದ ಗುಟ್ಟು ತಿಳಿದುಕೊಳ್ಳಲು ಜನರು ಆಗಮಿಸುತ್ತಿದ್ದು, ಆಯೋಜಕರಿಗೆ ಸಂತಸ ತಂದಿದೆ.

ನಬಾರ್ಡ್​ ಸಹಯೋಗದೊಂದಿಗೆ ಸಹಜ‌ ಸಮೃದ್ಧಿ ವತಿಯಿಂದ ನಂಜರಾಜ ಬಹುದ್ದೂರ್ ಛತ್ರದಲ್ಲಿ ಏರ್ಪಡಿಸಿರುವ ಬೀಜ ಮೇಳದಲ್ಲಿ 'ಬಿತ್ತಿದರೆ ಕಾಳು ಹನಿ ಹನಿಯಾಗಿ ಬರ್ತಾಳೆ ತಾಯಿ ತೆನೆ ತೆನೆಯಾಗಿ' ಎಂಬ ಧ್ಯೇಯ ವಾಕ್ಯದೊಂದಿಗೆ ಎರಡು ದಿನಗಳ ಕಾಲ ಆರಂಭಗೊಂಡಿರುವ ಮೇಳದಲ್ಲಿ 150ಕ್ಕೂ ಹೆಚ್ಚು ಭತ್ತದ ತಳಿ, ಸಿರಿಧಾನ್ಯ, ತರಕಾರಿ ಬೀಜ, ಬೀಜ ವಿನಿಮಯ, ಸಾವಯವ ಬೀಜೋತ್ಪಾದನೆ, ನಾಟಿ ಔಷಧಯುಕ್ತ ಕಾಯಿಗಳು, ಗೆಡ್ಡೆ ಗೆಣಸು, ಹೀಗೆ ಹಲವರು ತಳಿಗಳ ಪ್ರದರ್ಶನದಿಂದ ರೈತರಲ್ಲಿ ಹೊಸತನ ಆಲೋಚನೆಗಳು ಮೂಡುವಂತೆ ಮಾಡಿದೆ.

ರಾಜ್ಯದ ವಿವಿಧ ಜಿಲ್ಲೆಗಳಿಂದ 22 ಮಳಿಗೆಗಳನ್ನು ತೆರೆಯಲಾಗಿದೆ. ದೇಶಿಯತೆ ಬೀಜಗಳು ಉಳಿಸಿ ಮುಂದಿನ ಪೀಳಿಗೆಗೆ ಅದರ ಮಹತ್ವ ಹಾಗೂ ನೈಸರ್ಗಿಕ ಕೃಷಿಯನ್ನು ಮುಂದುವರಿಸಿದರೆ ಅನಾರೋಗ್ಯದಿಂದ ನಾವೆಲ್ಲ ಹಿಂದೆ ಸರಿಯಬಹುದು ಎಂಬ ಸಂದೇಶವು ಈ ಮೇಳದಲ್ಲಿ ಸಾರಲಾಗಿದೆ.