ಮೈಸೂರು: ಯೋಗ ನಗರಿಯಲ್ಲಿ ಈ ಬಾರಿ ಸರ್ವಧರ್ಮ ಯೋಗ ದಿನ ಆಚರಿಸಲಾಯಿತು.
ಸಾಂಸ್ಕೃತಿಕ ನಗರಿಯಲ್ಲಿ ಸರ್ವ ಧರ್ಮ ಯೋಗ ಆಚರಣೆ
5ನೇ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯನ್ನು ಯೋಗ ನಗರಿಯಲ್ಲಿ ಈ ಬಾರಿ ದಾಖಲೆಗಾಗಿ ಯೋಗ ಮಾಡದೆ ಸರ್ವಧರ್ಮ ಸಮನ್ವಯ ಸಾರುವ ತತ್ವದ ಅಡಿಯಲ್ಲಿ ಆರೋಗ್ಯಕ್ಕಾಗಿ ಯೋಗ ಎಂಬ ಧ್ಯೇಯದೊಂದಿಗೆ ಯೋಗವನ್ನು ಆಚರಿಸಲಾಯಿತು.
ಈ ಯೋಗ ದಿನದಂದು ಸುತ್ತೂರು ಶ್ರೀ, ಆದಿಚುಂಚನಗಿರಿ ಶ್ರೀ, ಸಚ್ಚಿದಾನಂದ ಶ್ರೀಗಳು ಹಾಗೂ ಮುಸ್ಲಿಂ ಧರ್ಮದ ಮೌಲ್ವಿಗಳು ಈ ಯೋಗ ದಿನಾಚರಣೆಗೆ ಚಾಲನೆ ನೀಡಿ ಸ್ವತಃ ವೇದಿಕೆಯಲ್ಲಿ ಯೋಗ ಮಾಡಿದರು. ರೇಸ್‌ಕೋರ್ಸ್ ಮೈದಾನದಲ್ಲಿ ನಡೆದ ಯೋಗ ದಿನಾಚರಣೆಗೆ ಈ ಬಾರಿ ಸುಮಾರು 25 ಸಾವಿರ ಜನ ಯೋಗ ಪಟುಗಳು ಭಾಗವಹಿಸಿದ್ದಾರೆ ಎಂದು ಅಂದಾಜಿಸಲಾಗಿದೆ.
